அபிஅப்பாவுக்கு எனது ஆழ்ந்த அனுதாபங்கள்..!

01-12-2010

என் இனிய வலைத்தமிழ் மக்களே..!

நமது வலையுலக சீனியரும், உப்புக் கழகத்தின் ஒப்பு விருப்பெற்ற  தோழரும், மயிலாடுதுறை கண்டெடுத்த முத்துவும், பாசத்துக்கு மறுபெயர் கொண்டவருமான அண்ணன் அபிஅப்பா, சென்ற வாரம் 'குமுதம்' பத்திரிகையைப் படித்ததில் இருந்து அழுது கொண்டேயிருக்கிறாராம்..!

எப்பவும் நள்ளிரவு 2 மணிவரையிலும் மன்மோகன்சிங்கைவிடவும் அதிக நேரம் வேலை பார்ப்பதாக பாவ்லா காட்டி ஆன்லைனிலேயே குடியிருந்த அபியப்பாவை இப்போது ஒரு வாரம் கழித்து இன்றைக்குத்தான் பார்க்க முடிந்தது..! ஐயோ பாவம்..!

அபியும், நட்ராஜும் எவ்வளவோ ஆறுதல் சொல்லியும் கண்ணீர் நிற்கவில்லையாம்.. கொட்டிய கண்ணீரை குண்டாசட்டியில் பிடித்து வீட்டுக்கு வெளியே ஊற்றி, ஊற்றியே அபியம்மாவுக்கு வெறுத்துப் போய்விட்டதாம்.

என்னதான் நாம் ஆறுதலைக் குவித்தாலும் அந்த மனசு ஆறாதுதான். ஆனாலும் என்றைக்காவது ஒரு நாள் இது மாதிரி நடக்கும் என்பது எதிர்பார்த்ததுதானே..!

ஆகவே அபியப்பா.. பாசக் கொழுந்தே.. மாசற்ற மாணிக்கமே, ரசிகர் குலத் தலைவனே.. உங்களது கண்ணீரைத் துடைத்துவிட்டு மனசைத் தேற்றிக் கொள்ளுங்கள்.. ஒரு தேவதை போனால் என்ன..? இன்னொரு தேவதையை கொஞ்சலாமே..? நாட்டில் தேவதைகளுக்கா பஞ்சம்..? புதிய, புதிய தேவதைகள்தான் தினம்தோறும் பொறந்து வருகிறார்களே..? தேடுங்கள்.. ஏதேனும் புதிய தேவதை கிடைக்கும்.. தூக்கிக் கொஞ்சலாம்..!

மனதைக் கல்லாக்கிக் கொண்டு பழையதை மறந்து புதிய வாழ்க்கைக்கு அடிகோலுங்கள் அபியப்பா.

இதோ உங்கள் மனசை ஆற்றுவதற்காக என்னால் முடிந்ததொரு உதவி. இந்தப் பாடலைக் கேட்டு மனதை ஆற்றிக் கொள்ளுங்கள்..!

வாழ்க வளமுடன்..!

Tweet