வலையுலகத் தோழர்களுக்கு நன்றி..!

10-12-2010

என் இனிய வலைத்தமிழ் மக்களே..!

 
 

2004-ம் வருடமே வலையுலகம் எனக்கு அறிமுகமானதாக இருந்தாலும் நானும் ஒரு வலைப்பதிவனாக என்னை இணைத்துக் கொண்டது மார்ச் 23, 2007-ல்தான்..!

அன்று துவங்கிய இந்த விளையாட்டு இதோ இன்று 600-வது பதிவினை இடுகின்றவரையில் கொண்டு வந்து நிறுத்தியிருக்கிறது..!

இந்த மூன்றரை ஆண்டு காலத்தில் சில மாதங்கள் நான் எழுதாமல் இருந்த காரணத்தால் இந்த 600 பதிவுகள் என்பது குறைவானதாக எனக்கே தோன்றுகிறது..!

666 பாலோயர்ஸ் என்ற எண்ணிக்கையும் பல சமயங்களில் என்னை யோசிக்கத்தான் வைத்துள்ளது.. இத்தனை பேர் தொடர்ந்து படித்து வரும் அளவுக்கு அப்படியென்னதான் எழுதினேன் என்று திரும்பிப் பார்த்தால்  கும்மிகள், மொக்கைகள், சினிமா விமர்சனங்கள் என்பதையெல்லாம் ஒதுக்கிவிட்டால் சுமாராக 400 பதிவுகளாவது உருப்படியாக எழுதியிருக்கிறேன் என்று நினைக்கிறேன்..!

அதிலும் இப்படி பக்கம், பக்கமாக எழுதி வைத்தாலும் ஒருவரி விடாமல் படித்துவிட்டு எழுத்துப் பிழைகளைக்கூட சுட்டிக் காட்டுகின்ற அளவுக்கு வலையுலகத்தில் அன்புத் தோழர்கள் அதிகம் இருப்பதை நினைத்தால் கொஞ்சம் பெருமையாகத்தான் இருக்கிறது..!

பல சமயங்களில் ஏன் இதனைத் தொடர வேண்டும். நிறுத்திவிடலாம் என்று நினைக்கின்றபோதெல்லாம் புதிது, புதிதாக வந்த பதிவர்கள் பலரும் கொடுத்தும் உற்சாகக் குரலும், பாராட்டுதலும்தான் என்னை இன்னமும் இங்கேயே நீடிக்க வைத்துள்ளது..! அவர்களுக்கும் எனது நன்றிகள்..!

எண்ணிக்கை பெரிதல்ல.. என்ன எழுதியிருக்கிறோம் என்பதுதான் முக்கியம் என்றால்கூட, ஏதோ என்னளவில். எனக்குத் தெரிந்தவரையில், என்னால் முடிந்த அளவில், பலருக்கும் பயன்படக்கூடிய சில பதிவுகளை நான் எழுதியிருப்பதே எனக்குத் திருப்தியைத் தருகிறது. இதுவே போதும்..! இனியும் இப்படியே தொடர்வதாகத்தான் உத்தேசம்..!

தொடர்ந்து எனக்கு உற்சாகமூட்டி, வாய்ப்பளித்து, எழுத வைத்து, பின்னூட்டமிட்டு என் மனதுக்கு உரமூட்டும் அத்தனை வலையுலக முருகன்களுக்கும் எனது மனமார்ந்த நன்றிகள்..!

எனக்கு எல்லாமுமாக இருக்கும் என் அப்பன் முருகனை வேண்டி இந்தப் பாடல் :

Tweet