5 ஆண்டு காலத்தில் பல மடங்கு உயர்ந்துள்ள தி.மு.க. அமைச்சர்களின் சொத்துப் பட்டியல்!

02-04-2011

என் இனிய வலைத்தமிழ் மக்களே..!

முன்னாடியே சொல்லிப்புடறேன்..! தயவு செய்து இதைப் படிச்சிட்டு யாரும் வயிற்றெரிச்சல்படாதீங்க.!  இந்த மாதிரி ஆளுங்களையெல்லாம் தேர்வு செஞ்சுருக்கோமேன்னு கொஞ்சம் வெட்கப்படுங்க..!

தேர்தல் வந்தால்தான், அரசியல்வாதிகளின் சொத்துப் பட்டியல்கள்  வெளிச்சத்துக்கு வருகின்றன. 'வேட்பு மனுவோடு சொத்துப் பட்டியலையும் தாக்கல் செய்ய வேண்டும்!’ என்பது தேர்தல் கமிஷனின் விதி. ஆகவே, போன தேர்தலில் கணக்குக் காட்டியவர்கள், இப்போது மீண்டும் சொத்துகளைத் தூசு தட்டி இருக்கிறார்கள்.

கடந்த ஐந்து ஆண்டு காலத்தில் இவர்களின் சொத்துக் கணக்கு எந்த அளவுக்குக் குவிந்திருக்கும்? ஆடம்பர பங்களா, சொகுசு கார்கள், வெளிநாட்டுப் பயணங்கள், நிலங்கள், தொழிற்சாலைகள் என்று ஏகமாகக் குவித்து இருப்பார்கள். ஆனால், வேட்பு மனுக் கணக்குகளில் இவை எதுவும் இடம் பெறாது. சொத்துக் கணக்கில் இடம் பெறுவது எல்லாமே கண்துடைப்புத்தான்!

'ஏன், அடுத்த தேர்தல்வரைக்கும் இவர்கள் காத்திருக்க வேண்டும்? ஒவ்வோர் ஆண்டும் சொத்துக் கணக்கைத் தன்னிச்சையாகவே தாக்கல் செய்யலாமே?’ என்று பலரும் கேட்கத்தான் செய்கிறார்கள். ஜெயலலிதா இது குறித்துக் கேள்வி எழுப்பியதும், கருணாநிதி மட்டும் உடனே தனது சொத்துக் கணக்கைத் தாக்கல் செய்தார்.

'சபாநாயகர், முதல்வர், அமைச்சர்கள், எம்.எல்.ஏ-க்கள் அனைவரும் ஒவ்வோர் ஆண்டும் தங்களது சொத்துக் கணக்கைத் தாக்கல் செய்ய வேண்டும்’ என்று தமிழக சட்டசபையில் தீர்மானம் போடப்பட்டு பல ஆண்டுகளாக கும்பகர்ணத் தூக்கத்தில் இருக்கிறது!

அண்ணா மறைவுக்குப் பிறகு முதல்வரான கருணாநிதி, 1969-ல் ஆகஸ்ட் 27-ம் தேதி, 'சட்டமன்ற உறுப்பினர்கள் தங்கள் சொத்துக் கணக்கை வெளி​யிடுதல்’ தொடர்பாக அரசின் தீர்மானத்தை நிறைவேற்றினார்.

''எம்.எல்.ஏ-க்களாகவும், அமைச்சர்களாகவும் இருக்கும் மக்கள் பிரதிநிதிகள் பொது நலத்துக்காகத்தான் பாடுபட வேண்டும். நேர்முகமாகவோ, மறைமுகமாகவோ தாங்கள் நலம் பெறுவதற்காக அந்தப் பதவிகளை வகிக்கவில்லை என்று மக்கள் நம்பிக்கை​ கொள்ள வேண்டும் என்பதற்காகவே இந்தத் தீர்மானம் கொண்டுவரப்பட்டு இருக்கிறது!'' என்று சொல்லி  அந்த தீர்மானத்தை முன்மொழிந்தார் அன்றைய முதல்வர் கருணாநிதி.

இதன்படி பங்குகள், பங்கிருப்பு, பங்குச் சான்றிதழ்கள், கூட்டு வணிக சொத்து, ஈட்டுறுதி ஆவணங்கள், வங்கி இருப்புகள், மோட்டார் வண்டிகள், பொறுப்புரிமை விவரங்கள், அணிகலன்கள், தங்கம், விலை மதிப்புள்ள கற்கள் என்று ஒவ்வோர் ஆண்டும் எம்.எல்.ஏ-க்கள் தங்கள் சொத்துக் கணக்கை சட்டசபைக்கு அனுப்பிவைக்க வேண்டும்.

தீர்மானம் கொண்டு வரப்பட்ட 1967-69-ம் ஆண்டில் 234 எம்.எல்.ஏ-க்களில் 165 பேர் மட்டுமே சொத்துக் கணக்கைத் தாக்கல் செய்தனர். அதிலும், தி.மு.க-வைச் சேர்ந்தவர்கள் 90 பேர்தான். அதன் பிறகு அடுத்தடுத்த ஆண்டுகளில் அது கழுதை தேய்ந்து கட்டெறும்பான கதையாகிவிட்டது.

1989, 1996, 2006-ல் தி.மு.க. ஆட்சிக்கு வந்த பிறகும், கருணாநிதி முதல்வராக இருந்தும் அவர் போட்ட தீர்மானத்தை அவரே தூக்கி எறிந்துவிட்டார். 'தேர்தலில் நிற்க முடியாமல் போய்விடுமோ?’ என்று அஞ்சியே இப்போது அனைவரும் சொத்துக் கணக்கைத் தாக்கல் செய்து இருக்கிறார்களே தவிர, விருப்பத்துடன் அல்ல.

'சட்டமன்ற உறுப்பினர்கள் தங்களது சொத்துக் கணக்கை வெளியிடுதல்’ தீர்மானத்தைக் கருணாநிதி கொண்டுவந்தபோது சொன்ன வார்த்தைகள் என்ன தெரியுமா?

''அனைவரும் நேர்மையான முறையில் கணக்குகளைக் காட்டுகிறோம் என்று உறுதியை அளிக்கிறோம். அதற்கு ஊனம் ஏற்படாமல் எல்லோரும் நடந்துகொள்வார்கள் என்ற நம்பிக்கை இருக்கிறது!'' என்று சொன்னார். உபதேசம் மக்களுக்குத்தானோ?

தற்போது நடைபெறும் சட்டசபைத் தேர்தலின்போது தாக்கல் செய்யப்பட்ட வேட்பாளர்களின் சொத்துப் பட்டியல் அனைத்தும் தேர்தல் ஆணையத்தின் இணையத் தளத்தில் வெளியிடப்பட்டுள்ளன.

இந்தப் பட்டியலில் இருந்து அமைச்சர்களின் சொத்துப் பட்டியல் மட்டும் தனியாகத் தயாரிக்கப்பட்டு உள்ளது. இந்த பட்டியலில் முதலிடத்தில் முதல்வர் கருணாநிதிதான் இருக்கிறார்(இதுல கூட முன்னணில இல்லைன்னா அவர் என்ன முதலமைச்சர்?). அவருக்கு அடுத்த இடத்தில் அமைச்சர் நேருவும் அவருக்கு அடுத்தடுத்த இடங்களில் பொங்கலூர் பழனிசாமி, பூங்கோதை, உபயதுல்லா, பொன்முடி ஆகியோர் இருக்கிறார்கள்.

கடந்த தேர்தலில் 26.52 கோடியாக இருந்த கருணாநிதியின் குடும்பச் சொத்து இந்த தேர்தலில் 44 கோடியாக உயர்ந்திருக்கிறது.  ஐந்தாண்டுகளில் தாத்தா முதலமைச்சர் சம்பளத்துடன் கூடுதல் சலுகைகளையும் வாங்கிக் கொண்டு மேலும் சில படங்களுக்கு கதை, வசனம் எழுதியே கி்ட்டத்தட்ட 18 கோடி ரூபாயை தேற்றியிருக்கிறார். ம்ஹூம்.. இது கொஞ்சம் கம்மிதான்.. அமுக்கினது எவ்வளவோ..? யாருக்குத் தெரியும்..?

2006-ம் ஆண்டு 1.50 கோடியாக இருந்த துணை முதல்வர் ஸ்டாலினின் சொத்து தற்போது 2.11 கோடியாக ஆகியிருக்கிறது.

அமைச்சர்கள் வீரபாண்டி ஆறுமுகம், துரைமுருகன், பொன்முடி, நேரு, எம்.ஆர்.கே.பன்னீர் செல்வம், பரிதி இளம்வழுதி, சுப.தங்கவேலன், கே.கே.எஸ்.எஸ்.ஆர்.ராமசந்திரன், சுரேஷ் ராஜன், பெரியகருப்பன், தங்கம் தென்னரசு, உபயதுல்லா, மைதீன்கான், வெள்ளக்கோவில் சாமிநாதன், பூங்கோதை, கீதா ஜீவன், தமிழரசி, கே.பி.பி.சாமி, மதிவாணன், ராமச்சந்திரன் ஆகியோர் கடந்த தேர்தலில் காட்டிய சொத்து மதிப்பைவிட இரண்டு மடங்குக்கு மேல் இந்த தேர்தலில் காட்டி இருக்கிறார்கள்.

அந்தப் பட்டியலை இதில் நீங்களே பார்த்துக் கொள்ளுங்கள்..!

அமைச்சர் நேரு கடந்த தேர்தலில் 2.83 கோடி ரூபாய் சொத்துக் கணக்கை காட்டியிருந்தார். இந்த தேர்தலில் இது 17.77 கோடியாக உயந்திருக்கிறது.

அமைச்சர் எம்.ஆர்.கே.பன்னீர்செல்வத்தின் சொத்து 1.04 கோடியில் இருந்து  6.14 கோடியாக உயர்ந்திருக்கிறது. 

20.78 லட்சமாக இருந்த அமைச்சர் சுரேஷ்ராஜனின் சொத்து 3.21 கோடியாக அதிகரித்து இருக்கிறது.

கடந்த தேர்தலில் 62 லட்சம் சொத்து கணக்கை காட்டிய அமைச்சர் பரிதிஇளம்வழுதி, இந்த தேர்தலில் 6.49 கோடி ரூபாய் அளவுக்கு சொத்து  மதிப்பைக் காட்டி இருக்கிறார்.

அமைச்சர் வெள்ளக்கோவில் சாமிநாதனின் சொத்து 86 லட்சத்தில் இருந்து 4.85 கோடியாகவும், அமைச்சர் பூங்கோதையின் சொத்து 1.35 கோடியில் இருந்து ஒரேடியாக 15.43 கோடியாகவும் எகிறியுள்ளது.

நானும்தான் இருக்கேன். 5 வருஷத்துக்கு முன்னாடி எப்படி இருந்தனோ அதே மாதிரிதான். இப்பவும் பிச்சைதான்..! ஒருவேளை எனக்குத்தான் பொழைக்கத் தெரியலையோ..?

நன்றி : ஜூனியர்விகடன்-ஏப்ரல்-6, 2011

Tweet

கருணாநிதியை மிஞ்சிய ஜெயலலிதா..!

25-03-2011

என் இனிய வலைத்தமிழ் மக்களே..!

முதல்வர் கருணாநிதியும், ஜெயலலிதாவும் நேற்று வேட்பு மனு தாக்கலின்போது, தங்கள் சொத்து மதிப்பையும் தாக்கல் செய்துள்ளனனர். கடந்த தேர்தலின்போது இவர்கள் இருவருக்கும் இருந்த சொத்து மதிப்பு இப்போது மூன்று  மடங்கு உயர்ந்துள்ளது.

முதல்வர் கருணாநிதி தனது சொத்து விவரங்களில் தன் பெயரில் உள்ள பணம் கையிருப்பு அசையும், அசையா சொத்துக்கள், தன் மனைவியர் தயாளு, ராஜாத்தி ஆகியோரின் பெயரில் உள்ள சொத்துக்கள் ஆகியவற்றை காட்டியுள்ளார்.

ஒரு கோடியே ஒரு லட்சம் ரூபாய் அளவுக்கு கடன் இருப்பதாகவும் கருணாநிதி கூறியுள்ளார். இந்த கடனை ராஜாத்தி மற்றும் கனிமொழியிடம் இருந்து வாங்கியுள்ளாராம். கடந்தாண்டு வருமான வரித்துறைக்கு வழங்கிய கணக்கின்படி, கருணாநிதிக்கு 37 லட்சத்து 34 ஆயிரம் ரூபாய் வருமானம் வந்துள்ளது. தயாளுக்கு 64 லட்சத்து 37 ஆயிரம் ரூபாயும், ராஜாத்திக்கு ஒரு கோடியே 67 லட்சத்து 94 ஆயிரம் ரூபாயும் வருமானம் கிடைத்துள்ளது. மற்ற அசையும், அசையா சொத்துக்களையும் சேர்த்து மொத்தமாக 50 கோடி ரூபாய் அளவிற்கு சொத்து கணக்கு காட்டப்பட்டுள்ளது.

ஆனால் ஜெயலலிதாவின் அசையும் மற்றும் அசையா சொத்துக்களின் மொத்த மதிப்பு, 51 கோடியே 40 லட்சத்து 67 ஆயிரத்து 979 ரூபாய் என தெரிவிக்கப்பட்டுள்ளது.

சொத்து குவிப்பு வழக்கில் பறிமுதல் செய்யப்பட்டுள்ள நகைகளையும் தனது சொத்தாக குறிப்பிட்டுள்ளார் ஜெயலலிதா. ஆனால், அவற்றின் மதிப்பை குறிப்பிடவில்லை. போயஸ் தோட்ட இல்லம், ஐதராபாத், கோடநாடு சொத்துக்கள் பற்றியும் தனது சொத்துப் பட்டியலில் குறிப்பிட்டுள்ளார்.

ஜெயலலிதாவிடம் இருக்கும் சொத்துக்கள் என்னென்ன..?

ஜெயலலிதாவின் அசையும் மற்றும் அசையாச் சொத்துக்களின் மொத்த மதிப்பு, 51 கோடியே 40 லட்சத்து 67 ஆயிரத்து 979 ரூபாய். 
 

அசையும் சொத்துக்கள்

1. கையிருப்பு ரொக்கம்- 25,000 ரூபாய்

2. பல்வேறு வகையான வங்கி நிரந்தர வைப்புத் தொகை, சேமிப்பு கணக்கு டிபாசிட், வங்கி சாரா நிதி நிறுவனங்கள் உள்ளிட்டவற்றில் டிபாசிட் மொத்தம் 2 கோடி ரூபாய் மதிப்பில் உள்ளது. இவை சொத்து குவிப்பு வழக்கில் பறிமுதல் செய்து நீதிமன்றப் பொறுப்பில் வைக்கப்பட்டுள்ளது.

3. பாண்டுகள், கம்பெனிகளில் பங்கு முதலீடு-50,000 ரூபாய். இவையும் பறிமுதல் செய்யப்பட்டு நீதிமன்றப் பொறுப்பில் உள்ளது.

4. சொந்தமான வாகனங்களில் மொத்த மதிப்பு 8.35 லட்சம் ரூபாய்.

5. நிறுவனங்களில் முதலீடுகள் விவரம்:

* ஸ்ரீ ஜெயா பப்ளிகேஷன்ஸ்-8.5 கோடி ரூபாய்.

* சசி எண்டர்பிரைஸஸ்-75 லட்சம் ரூபாய்.

* கோட நாடு எஸ்டேட்-1 கோடி ரூபாய்.

* ராயல் வேலி புளோரிடெக் எக்ஸ்போர்ட்-65 லட்சம் ரூபாய்

உட்பட நிறுவனங்களில் முதலீட்டின் மொத்த மதிப்பு 10.9 கோடி ரூபாய்.

அசையும் சொத்துக்களின் மொத்த மதிப்பு 13 கோடியே 03 லட்சத்து 27 ஆயிரத்து 979 ரூபாய்.

அசையாச் சொத்துக்கள் :

* ஆந்திர மாநிலம், குத்துபுல்லாபுர் மாவட்டம், ஜிடிமேட்லா கிராமத்தில் 14.5 ஏக்கர். வாங்கிய தேதி: 10.06.1968 மற்றும் 25.10.1968. வாங்கிய போது நிலத்தின் மதிப்பு 1,78,313 ரூபாய் (ஜெ., மற்றும் அவரது தாயார் பெயரால் வாங்கப்பட்டது). தோராயமான இன்றைய சந்தை மதிப்பு 11.25 கோடி ரூபாய்.

* செய்யூர் கிராமத்தில் 3.43 ஏக்கர். வாங்கியபோது நிலத்தின் மதிப்பு 17,060 ரூபாய். வாங்கிய தேதி: 16.12.1981. தோராயமான இன்றைய சந்தை மதிப்பு ஐந்து லட்சம் ரூபாய்.

*  79 போயஸ் கார்டன், சென்னையில் 1.5 கிரவுண்ட். வாங்கிய தேதி: 30.07.1991. வாங்கியபோது மதிப்பு: 10.2 லட்சம் ரூபாய். தற்போதைய சந்தை மதிப்பு: 3.24 கோடி ரூபாய்.

* 8-3-1099 மற்றும் 8-3-1099-ஏ, ஸ்ரீநகர் காலனி, ஹைதராபாத் என்ற முகவரியில் 651.18 சதுர மீட்டர் கட்டிடம். வாங்கிய தேதி: 11.02.1967. வாங்கிய போது மதிப்பு: 50 ஆயிரம் ரூபாய் (ஜெ., மற்றும் அவரது தாயாரால் வாங்கப்பட்டது). தற்போதைய சந்தை மதிப்பு: 3.5 கோடி ரூபாய்.

* ஜி.ஹெச்.18, தரைத்தளம், பர்சன் மேனர், சென்னையில் 180 சதுர அடி. வாங்கிய தேதி: 3.4.1990. வாங்கியபோது மதிப்பு: 1,05,409 ரூபாய். தற்போதைய சந்தை மதிப்பு: நான்கு லட்சம் ரூபாய்.

* எண்: 213-பி, செயின்ட் மேரிஸ் ரோடு, மந்தவெளி, சென்னையில் 1206 சதுர அடி. வாங்கிய தேதி: 10.07.1989. வாங்கிய போது மதிப்பு: 3,60,509 ரூபாய். தற்போதை சந்தை மதிப்பு: 35 லட்சம் ரூபாய்.

* 81 போயஸ் கார்டன், சென்னையில் 10 கிரவுண்ட். வாங்கியபோது மதிப்பு 1,32,009 ரூபாய் (ஜெ., மற்றும் அவரது தாயாரால் வாங்கப்பட்டது). தற்போதைய சந்தை மதிப்பு: 20.16 கோடி ரூபாய்.

அசையாச் சொத்துக்களின் தற்போதைய சந்தை மதிப்பு மொத்தம் 38 கோடியே 37 லட்சத்து 40 ஆயிரம் ரூபாய்.

நகைகள் பறிமுதல் செய்யப்பட்டு நீதிமன்றப் பொறுப்பில் உள்ளது என கூறப்பட்டுள்ளது. அவற்றின் மதிப்பு குறிப்பிடப்படவில்லை.

இந்தப் பட்டியலின்படி ஜெயலலிதாவின் அசையும் மற்றும் அசையாச் சொத்துக்களின் மொத்த மதிப்பு 51 கோடியே 40 லட்சத்து 67 ஆயிரத்து 979 ரூபாய்.

கருணாநிதியின் சொத்து மதிப்பு :

தி.மு.க., தலைவரும், முதல்வருமான கருணாநிதியின் சொத்து பட்டியல் விவரம் வருமாறு :

கருணாநிதி பெயரில் ரொக்கமாக 15 ஆயிரம் ரூபாய். அவரது மனைவி தயாளு பெயரில் 30 ஆயிரம் ரூபாய், மற்றொரு மனைவி ராஜாத்தி பெயரில் 2 லட்சம் ரூபாய் உள்ளது.

வங்கிக் கணக்குகளில் வைப்பு நிதியாக கோடம்பாக்கம் இந்தியன் வங்கியில் 4 கணக்குகள் உள்ளன. இதில் 5 கோடியே 13 லட்சத்து 49 ஆயிரத்து 152 ரூபாய். அடையாறு கரூர் வைசியா வங்கியில் 13 லட்சத்து 74 ஆயிரத்து 664 ரூபாய், கர்நாடகா வங்கியில் 39 லட்சத்து 62 ஆயிரத்து 995 ரூபாய். ராயப்பேட்டை இந்தியன் வங்கியில் 10 ஆயிரத்து 958 ரூபாய். சென்னை மகாலிங்கபுரம் இந்தியன் ஓவர்சீஸ் வங்கியில் 11 ஆயிரத்து 135 ரூபாய். கோடம்பாக்கம் இந்தியன் வங்கியில் 11 லட்சத்து 39 ஆயிரத்து 441 ரூபாய். ராஜா அண்ணாமலைபுரம் இந்தியன் வங்கியில் 13 லட்சத்து 15 ஆயிரத்து 180 ரூபாய் என, மொத்தம் 5 கோடியே 91 லட்சத்து 63 ஆயிரத்து 5,256 ரூபாய். 22 பைசா வங்கிக் கணக்கில் பணம் வைத்துள்ளார்.

அஞ்சுகம் பதிப்பகம் என்கிற பங்குதாரர் நிறுவனத்தில் 50 சதம் பங்குகள் 78,330 ரூபாய். இந்த நிறுவனத்திற்கு சென்னை, 180/93, கோடம்பாக்கம் நெடுஞ்சாலையில் சொந்தான கட்டடம் மற்றும் நிலம். 15, கோபாலபுரம் 4-வது குறுக்குத் தெருவில் அஞ்சுகம் அம்மாள் அறக்கட்டளைக்கு செட்டில்மென்ட் செய்யப்பட்ட 6 ஆயிரத்து 162 சதுர அடி மனை மற்றும் அதில் உள்ள கட்டடம்.

அறக்கட்டளை சொத்து ஆயுட் காலம் அனுபவ பாத்தியம் உள்ளது. தஞ்சை மாவட்டம் அகரத்திருநல்லூர் கிராமத்தில் (சர்வே எண் 29, 30/2, 31/2ஏ) 14.30 ஏக்கர் நிலம். இதற்கான மதிப்பு 4 கோடியே 92 லட்சத்து 56 ஆயிரத்து 855 ரூபாய். இதன் மூலம் அவரது பெயரில் 10 கோடியே 84 லட்சத்து 20 ஆயிரத்து 380 ரூபாய்.

திரைப்படம் எடுப்பதற்காக மும்பையில் உள்ள மோசர்பேர் நிறுவனத்திடம் 10 லட்சம் ரூபாய் முன் பணம் வாங்கிய வகையில் கருணாநிதிக்கு கடன் உள்ளது. வருமான வரியாக 37 லட்சத்து 34 ஆயிரத்து 20 ரூபாய் கட்டியுள்ளார்.

அசையும் சொத்து மதிப்பில், மனைவி தயாளு பெயரில் கலைஞர் "டிவி' நிறுவனத்தின் பங்குதாரர் என்ற வகையில், 6 கோடி ரூபாய் உட்பட 15 கோடியே 39 லட்சத்து 85 ஆயிரத்து 363 ரூபாய்.

அசையா சொத்துகள் 5 லட்சத்து 22 ஆயிரத்து 635 ரூபாய். இது தற்போதைய நடப்பு சந்தையின் தோராய மதிப்பாக 5 லட்சத்து 51 ஆயிரம் என குறிப்பிடப்பட்டுள்ளது.

அதே போன்று துணைவியார் ராசாத்தி பெயரில் அசையும் சொத்துகள் 20 கோடியே 62 லட்சத்து 61 ஆயிரத்து 924 ரூபாய். அசையா சொத்துகள் 3 கோடியே 8 லட்சத்து 35 ஆயிரத்து 318 ரூபாய். இதற்கு தற்போதைய நடப்பு சந்தையின் தோராய மதிப்பு 3 கோடியே 14 லட்சத்து 38 ஆயிரத்து 628 ரூபாய்.

ராசாத்தி தனது மகள் கனிமொழியிடம் இருந்து, பற்றில்லாக் கடனாக வாங்கிய ஒரு கோடியே ஒரு லட்சத்து 76 ஆயிரத்து 503 ரூபாய் கடன் உள்ளது எனவும் தெரிவிக்கப்பட்டுள்ளது.

கருணாநிதி, ஜெயலலிதா இருவருக்கும் இடையில் 1 கோடி ரூபாய்தான் வித்தியாசம் என்றாலும், ஆத்தா ஆட்சியில் இல்லாத நிலையிலேயே.. 10, 12 பேரப் பிள்ளைகள் இல்லாத சூழலிலேயே முறையான கணக்குக் காட்டுவதில்  தாத்தாவை தோற்கடித்திருப்பதைப் பார்த்தால் தாத்தா விட்டுப் பிடிக்கிறாரோ என்று தோன்றுகிறது. எப்படியிருந்தாலும் இந்த ஒரு விஷயத்திலாவது கருணாநிதியைத் தோற்கடித்ததற்காக ஜெயலலிதாவை பாராட்டுவோம்..!

தற்போது இருப்பவரும், அவருக்கு மாற்றாகச் சொல்லப்படுபவரும் நிச்சயம் ஏழைகள் அல்ல.. குபீர் பணக்காரர்கள்.. திடீர் செல்வந்தவர்கள் என்பதும் மறுக்க முடியாத உண்மை.

ஜெயலலிதாவின் சொத்துக் குவிப்புகள் அனைத்தும் அவர் ஆட்சிக் காலத்தில் இருந்தபோதுதான் உயர்ந்துள்ளது என்பது கண்கூடு. அவர் வாங்கியிருக்கும் சொத்துக்களின் விபரங்களும் அதைத்தான் காட்டுகிறது..!

தாத்தா கருணாநிதியோ தனது பேரன்கள் சம்பாதிக்க வழி வகை செய்துவிட்டு, அந்தப் பேரன்கள் மூலமாகவே தனது பங்குத் தொகையை வாங்கி கோடீஸ்வரராகியிருக்கிறார்..! ஆனாலும் மேடைக்கு மேடை தான் ஒரு சமானியன் என்று பொய்யை வேறு புளுகிக் கொண்டிருக்கிறார்..! காந்தி கணக்குக் காட்டுவதற்காக மோசர்பேர் நிறுவனத்திடம் இருந்து 10 லட்சம் ரூபாய் கடனாக வாங்கியிருப்பதாகச் சொல்லியிருக்கிறார். அது கதை, வசனம் எழுதுவதற்காக இருக்கும் என்று நினைக்கிறேன்..! எழுத முடியலைன்னா திருப்பிக் கொடுக்க வேண்டியதுதானே..? சில சினிமாக்காரர்கள் மாதிரி, அட்வான்ஸை திருப்பிக் கூட மாட்டேன்ற பிச்சைக்காரத்தனம் என்னத்துக்கு? மானத்தை வாங்குறாருய்யா தாத்தா..!

ஜெயலலிதாவோ முதல் முறையாக ஆட்சி பீடத்தில் ஏறும்போது சரஸ்வதி சபதத்தில் பிச்சையெடுக்கும் கே.ஆர்.விஜயாவை போல் இருந்தவர்.. அந்த ஆட்சி முடிவதற்குள்ளாக திருவிளையாடல் சாவித்திரி போலாகிவிட்டார்..! ஆனால் மக்களாகிய நாம்தான் பிச்சையெடுத்த கே.ஆர்.விஜயாவைப் போலாகிவிட்டோம்..! அவர் ஒருவரின் சொத்துப் பட்டியல் மட்டும்தான் இது. மற்றபடி அவரைச் சூழ்ந்திருக்கும் மன்னார்குடி மாபியா கும்பலின் சொத்துக்கள் முழுவதையும் பட்டியலிட்டிருந்தால் அதைப் பார்த்து நமக்கு நெஞ்சே வெடித்திருக்கும். நல்லவேளையாக ஆத்தா நமக்கு அந்த சோதனையைத் தராமல் விட்டு வைத்திருக்கிறார்..

என்ன இருந்தாலும் நம்ம அப்பன் முருகன், இவ்வளவு நல்லவர்களை நமக்குத் தலைமை தாங்கக் கூடிய தலைவர்களாக நம் தலையில் கட்டியிருக்கக் கூடாது..!

என்னவோ போடா முருகா..! நம்மளால இப்படி புலம்பத்தான் முடியுது..!

Tweet

நிழல் அமைச்சர்கள்? பின்னி எடுக்கும் பி.ஏ-க்கள்!

24-03-2011

என் இனிய வலைத்தமிழ் மக்களே..!

தமிழகத்தின் தலைமைச் செயலகத்தில் ஏதோ ஒரு பிரிவில் ஒரு வேலை ஆக வேண்டுமென்று வருபவர்கள் அனைவரும் பார்க்க விரும்புவது அந்தந்தத் துறைகளின் அமைச்சர்களை அல்ல. அவர்களது பி.ஏ.க்களைத்தான். ஒரு அமைச்சரின் பி.ஏ.வின் நட்பு உங்களுக்குக் கிடைத்திருந்தால் தலைமைச் செயலக வளாகத்தில் நிச்சயம் நீங்கள் ஹீரோதான்..!

அவரன்றி ஒரு அணுவும் அசையாது என்பதைப் போல பி.ஏ.க்கள் சொல்லாமல் பல அமைச்சர்கள் கிஞ்சித்தும் திரும்பிக் கூட பார்க்க மாட்டார்கள். அந்த அளவுக்கு பி.ஏ.க்கள் வைத்துதான் சட்டம் என்ற நிலைமைக்குப் போனதற்குக் காரணம் மிகச் சரியான முறையில் கமிஷனை வாங்கி நியாயமாக தங்களிடம் மறைமுகமாக ஒப்படைப்பார்கள். டீலிங்கை கச்சிதமாக பேசி முடிப்பார்கள். எந்தத் தவறு செய்தாலும் அமைச்சர்களுக்குப் பதிலாக தாங்களே முன் வந்து பொறுப்பேற்றுக் கொள்வார்கள்... என்று இந்த பி.ஏ.க்களின் தியாக உள்ளத்தால்தான் பல அமைச்சர்களின் வண்டியும் ஓடிக் கொண்டிருக்கிறது.

அது போன்று இந்த தி.மு.க. ஆட்சியில் பவர்புல்லான பி.ஏ.க்கள் பற்றிய ஒரு சர்வேயை இந்த வார ஜூனியர்விகடன் அம்பலப்படுத்தியுள்ளது. அது பற்றிய கட்டுரை இதோ..!

தமிழக அமைச்சர்களில் சிலர் அதிகார பந்தா காட்டுவார்கள், சிலர்  மௌன சாமியாக இருந்து பலே காரியங்கள் செய்வார்கள். இன்னும் சிலரின் அத்துமீறல்கள், அடாவடிகள் அவ்வப்போது வெளிச்சத்துக்கு வரும். ஆனால், எல்லா நேரத்திலும் இவர்களை எல்லாம் தாண்டி, இவர்களின் நிழலாக ராஜ தர்பார் நடத்தும் பேர்வழிகள் உண்டு. இந்த நிழல்கள், உண்மையில் அதிகாரம் படைத்த அமைச்சர்கள்போல வலம் வந்து கொண்டு இருக்கிறார்கள். இவர்களின் பொதுவான பெயர் - உதவியாளர்கள்! 

அமைச்சர்கள் ஒவ்வொருவருக்கும் சீனியர், ஜூனியர், ஸ்பெஷல் பி.ஏ-க்கள் நியமிக்கப்படுவார்கள். தவிர, பொலிடிக்கல் பி.ஏ-வும் உண்டு. இப்படிப் பல அந்தஸ்​துகளில் எத்தனை பி.ஏ-க்கள் இருந்தாலும், ஒவ்வோர் அமைச்சருக்கும் ஒருவர்தான் பவர்புல்! இவர்களின் கொட்டம்தான் கோட்டையில் எதிரொலிக்கும். எல்லா ஆட்சிக் காலத்திலும் இதுதான் நிலை. இருந்தும், இப்போது எல்லை மீறி... சிவப்பு விளக்கு காரில் அமைச்​சர்களைப் போலவே பயணப்படுகிறார்கள் இவர்கள்!

நிழல் அமைச்சர்களின் வண்டவாளங்கள் பற்றி விசாரிக்கப் போனால், தலைமைச் செயலகமே நாறு​கிறது. இவர்களின் ரிஷிமூலம், நதிமூலம் தேடிப் போனோம்.

வேளாண்மை அமைச்சர் வீரபாண்டி ஆறுமுகத்தின் சிறப்பு உதவியாளர் சண்முகம், சட்டத் துறை அமைச்சர் துரைமுருகனின் சிறப்பு உதவியாளர் சண்முகம், மக்கள் நல்வாழ்வுத் துறை அமைச்சர் எம்.ஆர்.கே.பன்னீர்செல்வத்தின் சிறப்பு உதவியாளர் சண்முகம், நெடுஞ்சாலைத் துறை அமைச்சர் வெள்ளக்கோவில் சாமிநாதனின் சிறப்பு உதவியாளர் சந்திரசேகரன், உணவுத் துறை அமைச்சர் எ.வ.வேலுவின் சிறப்பு உதவியாளர் சுப்ரமணியன், கதர்த் துறை அமைச்சரின் சிறப்பு உதவியாளர் மாதன், இந்து அறநிலையத் துறை அமைச்சர் பெரியகருப்பனின் முதுநிலை உதவியாளர் கிருஷ்ணா, வணிக வரித் துறை அமைச்சர் உபயதுல்லாவின் முதுநிலை உதவியாளர் சுருளிவேலு, வருவாய்த் துறை அமைச்சரின் சிறப்பு உதவியாளர் முனியாண்டி... இவர்கள் எல்லாம் ஓய்வு பெற்ற பின்பும் பதவி நீட்டிப்பில் ஒட்டிக்கொண்டு அமைச்சர் அலுவலகங்களில் வலம் வருகிறார்கள்.

கோபால்

சர்வ வல்லமை படைத்த பி.ஏ-க்களில் இவருக்கே முதலிடம் என்கிறார்கள். இவர் அழகிரிக்கு நெருக்க​மானவர். ஆகவே, எல்லா அமைச்சர்களுமே இவரைப் பார்த்து நடுங்குகிறார்கள். பள்ளிக் கல்வித் துறை அமைச்சர் தங்கம் தென்னரசுவின் சிறப்பு உதவியாளர்.
 

அமைச்சரின் தந்தை தங்கப்பாண்டியன் கூட்டுறவுத் துறை அமைச்சராக இருந்தபோது, அவரிடம் ஜூனியர் பி.ஏ-வாக இருந்தார் கோபால். 'இந்தக் கோப்பில் கையெழுத்துப் போடுங்க...’ என்று சொல்லும் அளவுக்கு கோபால் இருக்கிறார் என்றால், பார்த்துக் கொள்ளுங்கள் அவருடைய செல்வாக்கின் வீரியம்!

கட்சிக்காரர்கள் யாராவது அமைச்சரைப் பார்க்க வந்தால் 'கோபாலைப் பார்த்துவிடுங்கள்’ என்​பார். அமைச்சரே சில சமயம் தனக்கு நெருக்கமானவர் ஒருவருக்கு சிபாரிசு செய்திருந்தாலோ, வேறு காரியங்​களை செய்ய நினைத்தாலோ... உடனே, கோபால் கட்டையைப் போடுவார். அந்த ஸ்டைலே தனி. ''இல்லைங்க... இது முடியாது. 'அ’னா சொல்லிட்டார்!'' என்று கோபால் சொன்னால் அடுத்த நிமிடம் தங்கம் தென்னரசு ஆஃப் ஆகிவிடுவார். 'உண்மை​யில் அழகிரி சொல்லியி​ருக்க மாட்டார். அவர் பெயரைப் பயன்படுத்தியே அமைச்சரை ஆட்டிப் படைக்கிறார் கோபால்’ என்கிறார்கள் விவரம் அறிந்தவர்கள்.

கோபாலை அவ்வளவு சீக்கிரத்தில் யாருமே நெருங்கிவிட முடியாது. காரணம், இவருக்கும் ஒரு நந்தி உண்டு. பட்டப்   பெயர்​தான். அவர், அமைச்சரின் டபேதார் கோபி. அலுவலக உதவியாளர் பதவியில் இருக்கும் இவர்தான் கோபாலுக்கு எல்லாமும். கோபியைப் பார்த்தால்தான் கோபாலைப் பார்க்க முடியும்.

தமிழகத்தில் எந்தப் பள்ளியில் ஆசிரியர் இடம் காலியானாலும், உடனடியாக கோபால் பார்வைக்கு வந்துவிடும். இவர் யாருக்கு போஸ்டிங் போடச் சொல்கிறாரோ அவருக்குதான் லாட்டரி அடிக்கும். இவர் அனுமதி இல்லாமல், பள்ளிக் கல்வித் துறை இயக்குநரோ, மற்ற அதிகாரிகளோ எந்த மாறுதல் உத்தரவிலும் கையெழுத்துப் போட்டது கிடையாது. விடுமுறை நாட்களிலும் இவரது அலுவலகம் பிஸியாக இருக்கும். மாறுதல் உத்தரவுகள் டைப் ஆகிக் கொண்டேயிருக்கும்!

இளங்கோவன்

மின்சாரத் துறை அமைச்சர் ஆற்காடு வீராசாமியின் பி.ஏ.    இளங்​கோவன். ''அடுத்த தி.மு.க. ஆட்சியில் ஐயாதான் மின்சாரத் துறை அமைச்சர்...'' என்று  உடன்​பிறப்புகள் வர்ணிக்கிறார்கள்.

ஸ்போர்ட்ஸ் கோட்டாவில் மின்சார வாரியத்தில் நிர்வாக மேற்பார்வையாளராக வேலைக்கு சேர்ந்த இளங்கோவன், 1996-ல் ஆற்காடு வீராசாமி அமைச்சரானபோது அவரது பி.ஏ-வாகப் இடம் மாற்றப்பட்டார். எப்படி வந்தது இந்த செல்வாக்கு? இவர், தயாளு அம்மாளின் உறவினர்! இது ஒன்று போதாதா..?

இளங்கோவனின் கண் அசைவு இல்லாமல், மின்சார வாரியத்தில் ஒரு கோப்புகூட நகராது. இவரின் பரிமாற்​றங்கள் எல்லாம் வங்கிக் கணக்கில்தான் அரங்கேறும்!

மின்சார வாரியத்தின் சேர்மனாக சி.பி.சிங் வந்தவுடன், ராதா இன்ஜினீயரிங் நிறுவனத்தின் டெண்டரை ரத்து செய்து, மின்சார வாரியத்தின் ஊழியர்கள் மூலம் பணிகளை மேற்கொண்டதால், வாரியத்துக்கு மாதம்  3 கோடி லாபம் என்று மகிழ்ச்சியுடன் அறிவித்தார். அடுத்த சில மணி நேரங்களில் மீண்டும் ராதா இன்ஜி​னீயரிங் நிறுவனத்துக்கு டெண்டர் போனது​தான் கொடுமை. இதற்குப் பின்னால் இருந்தது இளங்​கோவனின் கையாம்.

மீட்டர், கேபிள், ஒயர், டிரான்ஸ்ஃபார்மர் என்று மின்சார வாரியத்தில் எந்தக் கொள்முதல் நடந்தாலும், அமைச்சர் முடிவு எடுக்கிறாரோ இல்லையோ... இளங்​கோவன்தான் அதிகாரம் படைத்தவர். மின் உற்பத்திக்காக தமிழகத்தில் இருக்கும் அனல் மின் நிலையங்களுக்கு பொருட்கள் கொள்முதல் செய்யப்படும். இதுபற்றி தொழிற்சங்கங்கள் சொல்லும் கதைகள் பலே ரகம். மேட்டூரில் இவருக்கு வேண்டப்பட்ட ஒருவர் பினாமியாக இருக்கிறார். கான்ட்ராக்டரான அவர் மூலம்தான் நிறைய விஷயங்கள் நடக்கின்றனவாம். தலைமைப் பொறியாளர் ஒருவர் வீட்டில் லஞ்ச ஒழிப்புத் துறையினர் அதிரடியாகப் புகுந்து சோதனை செய்தனர். உடனே, இளங்கோவன் தலையிட... ஒதுங்கிக் கொண்டதாம் போலீஸ்.

'இவர் திரைப்படங்களையும் எடுத்திருக்கிறார்; புதிய படங்களையும் தயாரித்து வருகிறார்’ என்றும் கோட்டையில் சொல்கிறார்கள். சினிமாவிலும் நடிகராக அவதாரம் எடுத்திருக்கிறார்.

இன்னொரு விஷயம்... ஆற்காட்டாருக்கு நெருக்கமாக இருந்ததாலோ என்னவோ, பத்மநாபன் என்ற ஒரு பி.ஏ-வை முதல்வர் அலுவலகத்தில் சொல்லி அங்கு இருந்து அப்புறப்படுத்தினாராம். சென்னை அண்ணா சாலையில் இருக்கும் ஒரு முக்கியமான ஹோட்டலையும் இளங்கோவன் பினாமி பெயரில் வாங்கி இருப்பதாகவும் கோட்டை வட்டாரம்     கிசுகிசுக்​கிறது.

தற்போது நடக்கவுள்ள நன்னி​லம் தொகுதியின் தி.மு.க. வேட்பாளரும் இவரே. தொகுதிக்கு ஸீட் கேட்டு இவர் செய்த அலப்பறைகள் பயங்கரம். நன்னிலம் தொகுதியில் இளங்கோவன் போட்டியிட வேண்டும் என்று 40-க்கும் மேற்பட்டவர்கள் பணம் கட்டினார்கள். எல்லாமே இவருடைய கைங்கர்யம்​தான்! நேர்காணலின்போது மட்டுமே பல லட்சங்​களை வாரி இறைத்துத் தனது பரிவாரங்களைப் பறை சாற்றி வேட்பாளராகவும் ஆகிவிட்டார்.  அடுத்தது தி.மு.க. ஆட்சிதான் என்றால் இவர்தான் மின்துறை அமைச்சர் என்று இப்போதே அறிவாலயத்தில் சொல்ல ஆரம்பித்துவிட்டார்கள்.

சண்முகம்

இவர் அமைச்சர் எம்.ஆர்.கே.பன்னீர்செல்வத்தின் சிறப்பு உதவியாளர். கருணாநிதியின் மகள் செல்வியின் மருமகனான டாக்டர் ஜோதிமணியின் தங்கை கணவர்தான் இந்த சண்முகம். 1996-2001 தி.மு.க. ஆட்சியில் அப்போதைய அமைச்சர் பொன்முடியின் சீனியர் பி.ஏ-வாக இருந்தவர். (அமைச்சரின் நிழலாக டி.எம்.எஸ்., டி.எம்.இ., குடும்ப நலத் துறை விவகாரங்களைக் கவனிப்பவர் உதவியாளர் சீனிவாசன்.)

பணம் காய்க்கும் மரமாக விளங்கும் தமிழ்நாடு மருத்துவ சேவைக் கழகம், எய்ட்ஸ் ஆகிய துறைகள் மீதுதான் இவருக்குக் கண் அதிகம். சென்னை ராயப்பேட்டையில் இவருக்குத் தனியாக அலுவலகமும் உண்டு. இவரது மனைவியின் தங்கையான உமாதான், அந்த அலுவலகத்தின் மேலாளர். காலையில் இருந்து இரவுவரையிலும் அந்த அலுவலகம் களைகட்டும். அதோடு, கல்லாவும்தான். காலையில் ஒப்பந்தக்காரர்களின் கூட்டம் நெரித்தால், மாலையில் மாறுதல் கேட்டு வரும் ஊழியர்கள் ஊர்வலம் நடக்கும்.

தமிழ்நாடு மருத்துவ சேவைக் கழத்தின் துணை மேலாளர் ஆனந்தன், முன்னாள் அமைச்சர் பிச்சாண்​டியிடம் சீனியர்     பி.ஏ-வாக இருந்த முருகன்... ஆகிய இருவரும்தான் சண்முகத்துக்கு எல்லாமே.

சமீபத்தில் 100-க்கும் மேற்பட்ட லேப் டெக்னிஷியன் நியமனம் நடை​பெற்றது. இதில் வேண்டப்பட்டவர்களுக்கு எல்லாம் பதவிகள் நியமித்து இருப்பதாகச் சொல்கிறார்கள். தமிழ்நாடு மருத்துவ சேவைக் கழகத்தில், ரத்தம், சிறுநீர் ஆகியவற்றை ஆய்வு செய்யும் செமி ஆட்டோ அனலைசர் டெண்டர் சில நாட்களுக்கு முன்பு வெளி​யிட்டார்கள். இந்தக் கொள்முதல் குளறுபடியால், சர்ச்​சைகள் உருவாகின.

472 செமி ஆட்டோ அனலைசர் கொள்முதல் செய்யும் டெண்டரில், ரோபினிக் இந்தியா பிரைவேட் லிமிடெட், டிரான்சியா பயோ மெடிக்கல் லிமிடெட் உள்ளிட்ட சில நிறுவனங்கள் பங்கேற்றன. டெக்னிக்கல் விஷயத்தில் சில நிறுவனங்கள் தேர்வு பெற்ற பிறகும், அவர்களுக்கு ஆர்டர் கிடைக்கவில்லை. திடீரென்று அவசரமாக ஒரு விதியைச் சேர்த்தார்கள். 'கடந்த ஐந்து ஆண்டுகளில் 30 அனலைசர் சப்ளை செய்திருக்க வேண்டும்’ என்று புதிய விதிமுறையைப் புகுத்தினார்களாம். அதற்குக் காரணம் ரோபினிக் இந்தியா லிமிடெட் நிறுவனம் தமிழக அரசுக்கு சில மாதங்களுக்கு முன்பு, 30 அனலைசர்களை சப்ளை செய்திருந்தது. இந்த நிறுவனம் சண்முகத்துக்கு வேண்டப்பட்டதாம்.

இப்படி திடீரென்று புகுத்தப்பட்ட விதிமுறையால் மத்திய அரசின் சுகாதாரத் துறையின் பாராட்டுகளைப் பெற்ற டிரான்சியா பயோ மெடிக்கல் லிமிடெட் நிறுவனம் உள்ளிட்ட சில நிறுவனங்கள், டெண்டரில் தேர்ச்சி பெறாமல் போனதற்குக் காரணமே இவர்தானாம். இந்த விவகாரம் முதல்வர் வரையில் புகாராகப் போனது.

ஜீவானந்தம்

அமைச்சர் பொன்முடியின் சிறப்பு உதவியாளர். ஏற்கெனவே இருந்த ரவி கார்த்திக் ஓரங்கட்டப்பட்ட பிறகு, அமைச்சரின் தற்போதைய நிழல் இவர்தான். சுரங்கத் துறை உதவி இயக்குநர் முதல் தொழில்நுட்பக் கல்வி இயக்குநர்வரை அனைத்துத் துறை அதிகாரிகளும் இவரின் பாக்கெட்டில் அடக்கம்.

விழுப்புரம் மாவட்டத்தில் தலையாரிப் பணிக்கு ஆட்கள் எடுத்தார்கள். ஏழை ஒருவர் அந்தப் பணிக்கு சேர முயற்சிகள் எடுத்தார். அவருக்கு சென்னை கலெக்டர் சிபாரிசு செய்தார். உடனே, 'கோபித்துக் கொள்ளாதீர்கள், அமைச்சரின் உதவியாளர் ஜீவானந்தம் பரிந்துரை செய்தால் மட்டுமே போட முடியும்’ என்று சொல்ல... போன் துண்டிக்​கப்பட்டது.

சண்முகம்

வேளாண்மைத் துறை அமைச்சர் வீரபாண்டி ஆறுமுகத்தின் கூடுதல் சிறப்பு உதவி​யாளர். அ.தி.மு.க. ஆட்சிக் காலத்திலேயே பணி​யாளர் நலன் மற்றும் நிர்வாக சீர்திருத்தத் துறையில் பணியாற்றி ஓய்வு பெற்றுவிட்டார். தி.மு.க. ஆட்சிக்கு வந்த பிறகு ஐந்து ஆண்டுகளுக்கு மீண்டும் வேலை கிடைத்தது.

முருகேச பூபதி சிறப்பு உதவியாளராக இருந்த வரையில் இவர் வைட்டமின் விவகாரங்களில் தலையிடவில்லை. முருகேசபூபதி கோவை வேளாண்மைப் பல்கலைக் கழகத்தின் துணை வேந்தராக நியமிக்கப்பட்ட பிறகு, முழு அதிகாரம் படைத்த அமைச்சரின் நிழலாகச் செயல்படுகிறார்.

வேளாண்மை விரிவாக்கப் பணியாளர் நியமனம், மாறுதல், மாவட்டங்களில் வேளாண்மை இயக்குநர் மாற்றம் இப்படி வேளாண்மைத் துறையின் அனைத்து மாறுதல்களுக்கும் இவர்தான் தளபதி.

சண்முகம் மற்றும் உமாபதி

அமைச்சர் துரைமுருகனின் நிழல்கள். சண்முகம், பொதுப்பணித் துறை​யில் இருந்து ஓய்வு பெற்றவர். துரைமுருகன், பொதுப்பணித் துறை அமைச்சர் ஆனவுடன் சண்முகத்துக்கு மீண்டும் பணி வழங்கப்பட்டது.

வன்னியர் இனம் என்றால் தனி மரியாதை. அவர்களுக்குக் கொடுக்கப்படும் சலுகைகளை இவர்தான் முடிவு எடுப்பார். பொதுப்பணித் துறை பறிபோனதும் டம்மியாக இருந்தார். வீட்டு வசதி வாரியத்தின் வக்கீலாக இருந்த வழக்கறிஞர் வீரசேகரன் மீது பல குற்றச்சாட்டுகள் வந்து, முதல்வர் கருணாநிதியே எச்சரித்தார். அதன் பிறகு மீண்டும் வீரசேகரன் வீட்டு வசதி வாரிய வக்கீலாகப் பணிபுரிவது, சண்முகத்தின் கடைக்கண் பார்வை கிடைத்ததால்தான்.

உமாபதி சிறைத் துறையில் பரோல், டெண்டர் விவகாரங்களில் டி.ஐ.ஜி. துரைசாமியுடன் கூட்டணி அமைத்து வலம் வருகிறார். அமைச்சர் அலுவலகம் மற்றும் அமைச்சர் வீட்டு செலவுகளை இவர் கவனிப்​பார்.

வீரபாண்டி ஆறுமுகத்தின் உதவியாளராக இருந்த முருகேசபூபதி, கோவை வேளாண்மைப் பல்கலைக்​கழகத்தின் துணை வேந்தராக ஆனார். ஆற்காடு வீராசாமியின் உதவியாளர் இளங்கோவன் நன்னிலம் தொகுதியில் வென்று, ஒருவேளை அமைச்சராகக்கூட ஆகலாம்.

எப்படிப்பட்ட மலை முழுங்கி மகாதேவன்கள் பி.ஏ-க்களாக இருக்கிறார்கள் என்று பாருங்கள்!

நன்றி - ஜூனியர்விகடன் - மார்ச் 27, 2011

Tweet

அ.தி.மு.க. வேட்பாளர்கள் - புதிய பட்டியல்

22-03-2011

என் இனிய வலைத்தமிழ் மக்களே..!

எனது கணிப்பின்படி தனது அரசியல் வாழ்க்கையின் கடைசி தேர்தலை ஜெயலலிதா தற்போது சந்திக்கிறார் என்று நினைக்கிறேன். அதனால்தான் அவரது உற்ற தோழி சசிகலாவின் உறவினர்கள்,  அதிமுக வேட்பாளர்கள் பட்டியலை தீர்மானிப்பதில்  ஆதிக்கம் செலுத்தியுள்ளார்கள் என்றும் நான் நம்புகிறேன்.

எனது நம்பிக்கைக்கு இன்னுமொரு காரணம்.. முதல் பட்டியல் வெளியானதற்கு மறுநாள் காலையில் நான் சந்தித்த ஒரு கார்டன் வட்டாரத்து அரசியல் பிரமுகர், அன்றைய நாளில் என்ன நடந்தது என்று சொன்னார்.

சசிகலாவின் சொந்த பந்தங்கள் அடங்கிய கிச்சன் கேபினட் 160 தொகுதிகளுக்கான வேட்பாளர்கள் பட்டியலைத் தயார் செய்து ஜெயலலிதாவிடம் கொடுத்துள்ளது. ஜெயலலிதா அதில் இருந்து 70 தொகுதிகளை மட்டும் டிக் செய்து “இந்தப் பட்டியலை மட்டும் வெளியிட்டுவிடுங்கள். மீதியை இன்னும் இரண்டொரு நாட்களில் இரண்டு பட்டியல்களாக வெளியிடலாம்” என்று அங்கேயிருந்த நடராசனின் சகோதரர் ராமச்சந்திரனிடம் சொல்லியுள்ளார்.

அந்த நேரத்தில் அங்கேயிருந்த சசிகலாவின் கிச்சன் கேபினட்டோ “ஒட்டு மொத்தமாகவே ரிலீஸ் செய்துவிடலாம்.. தாமதமானால் நமக்குத்தான் கஷ்டம்..” என்று சொல்லியிருக்கிறார்கள். “கூட்டணிப் பேச்சுவார்த்தையே இன்னும் முடியலையே.. அதுக்குள்ள எப்படி நாம மொத்தமா ரிலீஸ் செய்ய முடியும்..?” என்று கேட்டிருக்கிறார் ஜெயலலிதா.

அப்போது ராமச்சந்திரன் தன் கையில் வைத்திருந்த ஒட்டு மொத்த லிஸ்ட்டை ஜெயலலிதாவிடம் நீட்டி “நீங்க சரின்னு சொன்னீங்கன்னா இதையே வெளியிட்டுவிடலாம். கூட்டணி கட்சிக்காரங்க கேட்டாங்கன்னா சொல்லிக்கலாம். இன்னிக்கு நிலைமைக்கு இதுனால யாரும் நம்ம கூட்டணியைவிட்டு விலக மாட்டாங்க. கடைசி நேரம்ன்றதால நாம கொடுக்குற தொகுதிகளை வாங்கிக்கிட்டுப் போயிருவாங்க..” என்று கூறியிருக்கிறார். இதற்கு கிச்சன் கேபினட்டும் ஒத்து ஊதி பேசியிருக்கிறார்கள்..!

இது தொடர்பான சசிகலா குடும்பம், ஜெயலலிதா பேச்சுவார்த்தையில் முற்றிப் போன கோபத்துடன் தன் கையில் இருந்த 70 தொகுதி பட்டியலையும் வீசியெறிந்துவிட்டு “என்னமோ பண்ணித் தொலைங்க.. டூர் லிஸ்ட் போட்டுட்டு கூப்பிட்டீங்கன்னா வந்து தொலையறேன்” என்று கோபத்துடன் கத்திவிட்டு தனது அறைக்குள் சென்றுவிட்டாராம்..!

முன்னரே சொல்லி வைத்திருந்தாற்போல 70 தொகுதி வேட்பாளர் பட்டியலை பெற்றுக் கொள்ள ஜெயா டிவியில் இருந்து ஆட்களும் வந்துவிட.. ராமச்சந்திரன் தானாகவே ஒரு முடிவெடுத்து ஜெயலலிதா டிக் செய்திருந்த 70 தொகுதி வேட்பாளர் பட்டியலை ஒதுக்கிவிட்டு தன் கையில் வைத்திருந்த 160 தொகுதிகளுக்கான வேட்பாளர் பட்டியலை பத்திரிகைகளுக்கு வெளியிடும்படி சொல்லிக் கொடுத்துவிட்டார்.

இதுதான் கார்டனில் அன்றைக்கு நடந்ததாக நான் விசாரித்தவரையில் தெரிந்தது. நான்கூட ஜெயலலிதாவுக்குத் தெரிந்துதான் பட்டியல் வெளியானது என்று நினைத்துக் கொண்டிருந்தேன். ஆனாலும் இந்தக் குழப்பத்துக்கு ஜெயலலிதாவே முழுப் பொறுப்பேற்றாக வேண்டும்..! செய்தி வெளியான அன்றிரவே அனைத்துக் கூட்டணித் தலைவர்களையும் போனில் அழைத்து நடந்ததை சொல்லியிருந்தால் மறுநாள் நடந்த 3-வது அணி எதிர்பார்ப்பு நடந்திருக்காது..

ஆனால் வறட்டு கவுரவம். இதனை வெளியில் யாரிடமாவது சொன்னால் நிச்சயமாக வரும் காலங்களில் அரசியல் மேடைகளில் இப்பேச்சு வெளியாகி தர்மசங்கடத்தை உருவாக்கிவிடும். சசிகலாவின் உறவினர்களின் பங்கு அதிமுக வேட்பாளர் பட்டியலில் உண்டு என்பது வெட்டவெளிச்சமாகிவிடும் என்று கருதி ஆன வரைக்கும் பார்க்கலாம் என்று விட்டுவிட்டதாகத் தகவல்..!

மறுநாள் நடந்த கூத்தில் உளவுத்துறையின் மூலம் நன்றாகவே விளையாட்டு காட்டியது தி.மு.க. அரசு. சன், கலைஞர் தொலைக்காட்சிகள் மூலமாக எதிர்க்கட்சிக் கூட்டணியின் பிளவு பற்றிய செய்தி பிரதானமாக்கப்பட்டு ஓடத் துவங்கியபொழுதே இவன் வழியில் மயக்கம் போட்டு விழுந்துவிடுவான் என்று ஆரூடம் சொன்ன கதையாக கூட்டணியைப் பிளக்கும் வேலையைக் கச்சிதமாகவே செய்துவிட்டார்கள்.

கறையான் புற்றெடுக்க கருநாகம் வந்து குடி புகுந்ததாகச் சொல்வார்களே.. அது தற்போதைய அ.தி.மு.க.வின் நிலைமைக்கு மிகப் பொருத்தமான சொலவடை..! புரட்சித்தலைவர் எம்.ஜி.ஆர். ஆரம்பித்த கட்சியில் இன்றைக்கு யார், யாரோ வந்து உட்கார்ந்து கொண்டு வேட்பாளர் பட்டியலை தேர்வு செய்யும்விதத்தைப் பார்த்தால் எம்.ஜி.ஆர். பாவம் என்றுதான் சொல்லத் தோன்றுகிறது..!

ஜெயலலிதா நேற்று 21-03-2011 வெளியிட்ட அ.தி.மு.க.வின் 160 தொகுதிகளுக்கான வேட்பாளர் பட்டியல்  இது :

1. ஸ்ரீரங்கம்:- ஜெ.ஜெயலலிதா (கழகப் பொதுச் செயலாளர்)

திருவள்ளூர் மாவட்டம்

2. பொன்னேரி (தனி):- பொன்.ராஜா (திருவள்ளூர் மாவட்ட மாணவர் அணி செயலாளர்)

3. திருவள்ளூர்:- பி.வி.ரமணா, (திருவள்ளூர் மாவட்ட ஜெயலலிதா பேரவைச் செயலாளர்)

4. பூவிருந்தவல்லி (தனி):- இரா.மணிமாறன், (காஞ்சீபுரம் மேற்கு மாவட்ட ஜெயலலிதா பேரவைச் செயலாளர்)

5. ஆவடி:- எஸ்.அப்துல் ரஹீம் (ஆவடி நகர செயலாளர்)

6. அம்பத்தூர்:- எஸ்.வேதாச்சலம் (அம்பத்தூர் நகர செயலாளர்)

7. மாதவரம்:- வி.மூர்த்தி (திருவள்ளூர் மாவட்ட செயலாளர்)

8. திருவொற்றியூர்:- கே.குப்பன் (திருவொற்றிïர் நகர செயலாளர்)

சென்னை மாவட்டம்

9. ராதாகிருஷ்ணன் நகர்:- பி.வெற்றிவேல் (வடசென்னை மாவட்ட பொருளாளர்)

10. கொளத்தூர்:- சைதை சா.துரைசாமி (தென்சென்னை மாவட்ட முன்னாள் செயலாளர்)

11. வில்லிவாக்கம்:- ஜே.சி.டி.பிரபாகர், (சிறுபான்மையினர் நலப்பிரிவு துணை செயலாளர்)

12. திரு.வி.க.நகர் (தனி):- வ.நீலகண்டன் (வடசென்னை மாவட்ட அவைத் தலைவர்)

13. ராயபுரம்:- டி.ஜெயக்குமார் (வடசென்னை மாவட்ட செயலாளர்)

14. துறைமுகம்:- பழ.கருப்பையா (கொள்கை பரப்பு இணைச் செயலாளர்)

15. ஆயிரம்விளக்கு:- பா.வளர்மதி, (கழக அமைப்புச் செயலாளர்)

16. அண்ணாநகர்:- எஸ்.கோகுல இந்திரா, (மகளிர் அணிச் செயலாளர்)

17. சைதாப்பேட்டை:- ஜி.செந்தமிழன், (தென்சென்னை மாவட்ட செயலாளர்)

18. தியாகராயநகர்:- வி.பி.கலைராஜன், (இளைஞர் பாசறை செயலாளர்)

19. மைலாப்பூர்:- ஆர்.ராஜலட்சுமி, (இளைஞர் பாசறை இணைச் செயலாளர்)

20. வேளச்சேரி:- எம்.கே.அசோக், (வேளச்சேரி பகுதி செயலாளர்)

காஞ்சீபுரம் மாவட்டம்

21. சோழிங்கநல்லூர்:- கே.பி.கந்தன் (காஞ்சீபுரம் கிழக்கு மாவட்ட ஜெ.பேரவை இணை செயலாளர்)

22. ஸ்ரீபெரும்புதூர் (தனி):- மொளச்சூர் இரா.பெருமாள், (ஸ்ரீபெரும்புதூர் ஒன்றிய ஜெ பேரவை செயலாளர்)

23. பல்லாவரம்:- ப.தன்சிங், (பல்லாவரம் நகர செயலாளர்)

24. தாம்பரம்:- டி.கே.எம்.சின்னையா, (தாம்பரம் நகர செயலாளர்)

25. திருப்போரூர்:- தண்டரை கே.மனோகரன் (திருப்போரூர் ஒன்றிய செயலாளர்)

26. செய்யூர் (தனி):- வி.எஸ்.ராஜி, (லத்தூர் ஒன்றிய செயலாளர்)

27. மதுராந்தகம் (தனி):- எஸ்.கணிதா சம்பத், (காஞ்சீபுரம் கிழக்கு மாவட்ட மகளிர் அணி செயலாளர்)

28. உத்திரமேரூர்:- வாலாஜாபாத் பா.கணேசன் (வாலாஜாபாத் ஒன்றிய செயலாளர்)

29. காஞ்சீபுரம்:- வி.சோமசுந்தரம், (காஞ்சீபுரம் மேற்கு மாவட்ட செயலாளர்)

வேலூர் மாவட்டம்

30. அரக்கோணம் (தனி):- சு.ரவி, (வேலூர் கிழக்கு மாவட்ட பொருளாளர்)

31. காட்பாடி:- எஸ்.ஆர்.கே.அப்பு (எ) ராதாகிருஷ்ணன், (வேலூர் கிழக்கு மாவட்ட இளைஞர் பாசறை செயலாளர்)

32. ராணிப்பேட்டை:- அ.முஹம்மத்ஜான், (வேலூர் கிழக்கு மாவட்ட சிறுபான்மையினர் நலப்பிரிவு செயலாளர்)

33. ஆற்காடு:- ஆர்.சீனிவாசன் (ஆற்காடு நகர செயலாளர்)

34. வேலூர்:- டாக்டர் வி.எஸ்.விஜய், (வேலூர் கிழக்கு மாவட்ட மருத்துவ அணி செயலாளர்)

35. வாணியம்பாடி:- கோவி.சம்பத்குமார் (ஆலங்காயம் ஒன்றிய செயலாளர்)

36. ஜோலார்பேட்டை:- கே.சி.வீரமணி, (வேலூர் மேற்கு மாவட்ட செயலாளர்)

37. திருப்பத்தூர்:- கே.ஜி.ரமேஷ் (கந்திலி ஒன்றிய செயலாளர்)

தர்மபுரி-கிருஷ்ணகிரி மாவட்டங்கள்

38. ஊத்தங்கரை (தனி):- மனோரஞ்சிதம் நாகராஜ் (கிருஷ்ணகிரி மாவட்ட இணை செயலாளர்)

39. பர்கூர்:- கே.இ.கிருஷ்ணமூர்த்தி (கிருஷ்ணகிரி மாவட்ட இலக்கிய அணி செயலாளர்)

40. கிருஷ்ணகிரி:- கே.பி.முனுசாமி, (கிருஷ்ணகிரி மாவட்ட செயலாளர்)

41. பாலக்கோடு:- கே.பி.அன்பழகன், (தருமபுரி மாவட்ட செயலாளர்)

42. பாப்பிரெட்டிப்பட்டி:- பி.பழனியப்பன், (தருமபுரி மாவட்ட ஜெ பேரவை செயலாளர்)

திருவண்ணாமலை மாவட்டம்

43. திருவண்ணாமலை:- எஸ்.ராமச்சந்திரன் (திருவண்ணாமலை தெற்கு மாவட்ட அவைத் தலைவர்)

44. கீழ்பென்னாத்தூர்:- ஏ.கே.அரங்கநாதன் (துரிஞ்சாபுரம் ஒன்றிய செயலாளர்)

45. கலசபாக்கம்:- அக்ரி எஸ்.எஸ்.கிருஷ்ணமூர்த்தி, (திருவண்ணாமலை தெற்கு மாவட்ட செயலாளர்)

46. போளூர்:- எல்.ஜெயசுதா லட்சுமிகாந்தன், (போளூர் ஒன்றிய மகளிர் அணி செயலாளர்)

47. செய்யார்:- முக்கூர் என்.சுப்பிரமணியன், (திருவண்ணாமலை வடக்கு மாவட்ட செயலாளர்)

48. வந்தவாசி (தனி):- செய்யாமூர் வே.குணசீலன் (அனக்காவூர் ஒன்றிய செயலாளர்)

49. மைலம்:- கே.பி.நாகராஜன், (மைலம் ஒன்றிய செயலாளர்)

50. திண்டிவனம் (தனி):- டாக்டர் த.அரிதாஸ், (விழுப்புரம் வடக்கு மாவட்ட மருத்துவ அணி இணை செயலாளர்)

51. வானூர் (தனி):- ஐ.ஜானகிராமன், (விழுப்புரம் வடக்கு மாவட்ட எம்.ஜி.ஆர். மன்ற இணை செயலாளர்)

52. விழுப்புரம்:- சி.வி.சண்முகம், (விழுப்புரம் வடக்கு மாவட்ட செயலாளர்)

53. உளுந்தூர்பேட்டை:- இரா.குமரகுரு (விழுப்புரம் தெற்கு மாவட்ட செயலாளர்)

54. சங்கராபுரம்:- ப.மோகன், (விழுப்புரம் தெற்கு மாவட்ட எம்.ஜி.ஆர். மன்ற செயலாளர்)

55. கள்ளக்குறிச்சி (தனி):- பா.அழகுவேல் பாபு, (விழுப்புரம் தெற்கு மாவட்ட மகளிர் அணி தலைவர்)

சேலம்-நாமக்கல் மாவட்டங்கள்

56. ஆத்தூர் (தனி):- எஸ்.மாதேஸ்வரன், (சேலம் புறநகர் கிழக்கு மாவட்ட எம்.ஜி.ஆர். இளைஞர் அணி துணைச் செயலாளர்)

57. ஏற்காடு (பழங்குடி):- செ.பெருமாள் (தொகுதி செயலாளர்)

58. ஓமலூர்:- பல்பாக்கி சி.கிருஷ்ணன் (சேலம் புறநகர் மேற்கு மாவட்ட எம்.ஜி.ஆர். மன்ற செயலாளர்)

59. எடப்பாடி:- எடப்பாடி கே.பழனிசாமி, (சேலம் புறநகர் மேற்கு மாவட்ட செயலாளர்)

60. சங்ககிரி:- விஜயலட்சுமி பழனிச்சாமி

61. சேலம் (மேற்கு):- ஜி.வெங்கடாஜலம், (சேலம் மாநகர் மாவட்ட ஜெ பேரவை செயலாளர்)

62. சேலம் (தெற்கு):- எம்.கே.செல்வராஜ், (சேலம் மாநகர் மாவட்ட செயலாளர்)

63. வீரபாண்டி:- எஸ்.கே.செல்வம் (சேலம் புறநகர் கிழக்கு மாவட்ட செயலாளர்)

64. ராசிபுரம் (தனி):- ப.தனபால், (நாமக்கல் மாவட்ட எம்.ஜி.ஆர். மன்ற தலைவர்)

65. நாமக்கல்:- கே.பி.பி.பாஸ்கர், (நாமக்கல் நகர செயலாளர்)

66. குமாரபாளையம்:- பி.தங்கமணி, (நாமக்கல் மாவட்ட செயலாளர்)

ஈரோடு-திருப்பூர் மாவட்டங்கள்

67. ஈரோடு (மேற்கு):- கே.வி.ராமலிங்கம், (ஈரோடு மாநகர் மாவட்ட செயலாளர்)

68. மொடக்குறிச்சி:- ஆர்.என்.கிட்டுசாமி (ஈரோடு மாநகர் மாவட்ட அண்ணா தொழிற்சங்க செயலாளர்)

69. தாராபுரம் (தனி):- கே.பொன்னுசாமி, (ஈரோடு மாநகர் மாவட்ட ஜெ பேரவை செயலாளர்)

70. காங்கேயம்:- என்.எஸ்.என்.நடராஜ், (காங்கேயம் ஒன்றிய செயலாளர்)

71. பெருந்துறை:- தோப்பு என்.டி.வெங்கடாச்சலம், (ஈரோடு புறநகர் மாவட்ட செயலாளர்)

72. பவானி:- பி.ஜி.நாராயணன் (பொதுக்குழு உறுப்பினர்)

73. அந்திïர்:- எஸ்.எஸ்.ரமணீதரன், (தொகுதி கழக செயலாளர்)

74. கோபிசெட்டிப்பாளையம்:- கே.ஏ.செங்கோட்டையன் (தலைமை நிலைய செயலாளர்)

75. உதகமண்டலம்:- புத்தி சந்திரன், (குந்தா ஒன்றிய செயலாளர்)

கோவை மாவட்டம்

76. மேட்டுப்பாளையம்:- ஓ.கே.சின்னராஜ் (கோவை மாநகர் மாவட்ட அண்ணா தொழிற்சங்க செயலாளர்)

77. அவினாசி (தனி):- ஏ.ஏ.கருப்புசாமி (அவினாசி ஒன்றிய மீனவர் பிரிவு செயலாளர்)

78. திருப்பூர் (வடக்கு):- எம்.எஸ்.எம்.ஆனந்தன் (திருப்பூர் நகர செயலாளர்)

79. பல்லடம்:- பல்லடம் கே.பி.பரமசிவம் (பல்லடம் ஒன்றிய செயலாளர்)

80. கவுண்டம்பாளையம்:- வி.சி.ஆறுக்குட்டி (சர்க்கார்சாமக்குளம் ஒன்றிய செயலாளர்)

81. கோயம்புத்தூர் (வடக்கு):- தா.மலரவன் (கோவை மாநகர் மாவட்ட செயலாளர்)

82. தொண்டாமுத்தூர்:- எஸ்.பி.வேலுமணி, (கோவை புறநகர் மாவட்ட செயலாளர்)

83. கோயம்புத்தூர் (தெற்கு):- சேலஞ்சர் துரை (எ) ஆர்.துரைசாமி, (கோவை மாநகர் மாவட்ட எம்.ஜி.ஆர். மன்ற இணை செயலாளர்)

84. சிங்காநல்லூர்:- ஆர்.சின்னசாமி (அண்ணா தொழிற்சங்க செயலாளர்)

85. கிணத்துக்கடவு:- செ.தாமோதரன் (பொள்ளாச்சி வடக்கு ஒன்றிய செயலாளர்)

86. பொள்ளாச்சி:- எம்.கே.முத்துகருப்பண்ணசாமி, (கிணத்துக்கடவு ஒன்றிய செயலாளர்)

87. உடுமலைப்பேட்டை:- பொள்ளாச்சி ஏ.ஜெயராமன் (தேர்தல் பிரிவு செயலாளர்)

88. மடத்துக்குளம்:- சி.சண்முகவேலு, (திருப்பூர் மாவட்ட செயலாளர்)

திண்டுக்கல்-கரூர் மாவட்டங்கள்

89. பழனி:- கே.எஸ்.என்.வேணுகோபாலு, (திண்டுக்கல் மாவட்ட எம்.ஜி.ஆர். மன்ற தலைவர்)

90. ஒட்டன்சத்திரம்:- பி.பாலசுப்பிரமணி (தொகுதி செயலாளர்)

91. நத்தம்:- இரா.விசுவநாதன், (திண்டுக்கல் மாவட்ட கழக செயலாளர்)

92. வேடசந்தூர்:- ச.பழனிச்சாமி, (தொகுதி செயலாளர்)

93. அரவக்குறிச்சி:- வி.செந்தில்நாதன், (கரூர் மாவட்ட இளைஞர் பாசறை செயலாளர்)

94. கரூர்:- வி.செந்தில்பாலாஜி, (கரூர் மாவட்ட செயலாளர்)

95. கிருஷ்ணராயபுரம் (தனி):- எஸ்.காமராஜ், (கரூர் மாவட்ட ஜெ பேரவை செயலாளர்)

திருச்சி-பெரம்பலூர்

96. குளித்தலை:- பாப்பாசுந்தரம் (கரூர் மாவட்ட அவைத் தலைவர்)

97. மணப்பாறை:- ஆர்.சந்திரசேகர் (மருங்காபுரி ஒன்றிய செயலாளர்)

98. திருச்சி (மேற்கு):- என்.மரியம்பிச்சை, (திருச்சி மாநகர் மாவட்ட முன்னாள் செயலாளர்)

99. திருச்சி கிழக்கு:- ஆர்.மனோகரன், (திருச்சி மாநகர் மாவட்ட செயலாளர்)

100. மணச்சநல்லூர்:- பூனாட்சி (திருச்சி புறநகர் மாவட்ட எம்.ஜி.ஆர். மன்ற இணை செயலாளர்)

101. முசிறி:- என்.ஆர்.சிவபதி, (எம்.ஜி.ஆர். இளைஞர் அணி முன்னாள் செயலாளர்)

102. துறையூர் (தனி):- இந்திராகாந்தி, (திருச்சி புறநகர் மாவட்ட இணை செயலாளர்)

103. பெரம்பலூர் (தனி):- இளம்பை இரா.தமிழ்ச்செல்வன், (பெரம்பலூர் மாவட்ட மாணவர் அணி செயலாளர்)

104. அரியலூர்:- துரை.மணிவேல் (பெரம்பலூர் மாவட்ட இணை செயலாளர்)

105. ஜெயங்கொண்டம்:- பா.இளவழகன், (பெரம்பலூர் மாவட்ட செயலாளர்)

106. நெய்வேலி:- எம்.பி.எஸ்.சிவசுப்பிரமணியன், (தொகுதி செயலாளர்)

கடலூர்-நாகை மாவட்டங்கள்

107. கடலூர்:- எம்.சி.சம்பத், (கடலூர் கிழக்கு மாவட்ட செயலாளர்)

108. குறிஞ்சிப்பாடி:- சொரத்தூர் இரா.ராஜேந்திரன், (எம்.ஜி.ஆர். மன்ற துணை செயலாளர்)

109. புவனகிரி:- செல்வி ராமஜெயம் (கடலூர் மேற்கு மாவட்ட மகளிர் அணி செயலாளர்)

110. காட்டுமன்னார்கோயில் (தனி):- என்.முருகுமாறன், (கடலூர் மேற்கு மாவட்ட துணை செயலாளர்)

111. சீர்காழி (தனி):- ம.சக்தி, (நாகப்பட்டினம் மாவட்ட மகளிர் அணி செயலாளர்)

112. பூம்புகார்:- எஸ்.பவுன்ராஜ் (செம்பனார்கோவில் தெற்கு ஒன்றிய செயலாளர்)

113. நாகப்பட்டினம்:- கே.ஏ.ஜெயபால், (நாகப்பட்டினம் மாவட்ட பொருளாளர்)

114. வேதாரண்யம்:- என்.வி.காமராஜ் (பொதுக்குழு உறுப்பினர்)

115. மன்னார்குடி:- சிவா.ராஜமாணிக்கம், (மன்னார்குடி நகர மன்ற முன்னாள் தலைவர்)

116. திருவாரூர்:- குடவாசல் எம்.ராசேந்திரன் (திருவாரூர் மாவட்ட முன்னாள் செயலாளர்)

117. நன்னிலம்:- ஆர்.காமராஜ், (திருவாரூர் மாவட்ட செயலாளர்)

118. திருவிடைமருதூர்(தனி):- டி.பாண்டியராஜன் (திருநறைïர் ஊராட்சி செயலாளர்)

தஞ்சை மாவட்டம்

119. கும்பகோணம்:- இராம.ராமநாதன், (முன்னாள் சட்டமன்ற உறுப்பினர்)

120. பாபநாசம்:- இரா.துரைக்கண்ணு, (பாபநாசம் ஒன்றிய செயலாளர்)

121. திருவையாறு:- எம்.ரெத்தினசாமி (பூதலூர் ஒன்றிய செயலாளர்)

122. தஞ்சாவூர்:- எம்.ரெங்கசாமி, (தஞ்சாவூர் வடக்கு மாவட்ட செயலாளர்)

123. ஒரத்தநாடு:- ஆர்.வைத்திலிங்கம், (தஞ்சாவூர் தெற்கு மாவட்ட செயலாளர்)

124. கந்தர்வகோட்டை (தனி):- ந.சுப்ரமணியன், (குளத்தூர் ஊராட்சி செயலாளர்)

125. விராலிமலை:- டாக்டர் சி.விஜயபாஸ்கர், (மருத்துவ அணி துணைச் செயலாளர்)

126. திருமயம்:- பி.கே.வைரமுத்து (புதுக்கோட்டை மாவட்ட முன்னாள் செயலாளர்)

127. ஆலங்குடி:- கு.ப.கிருஷ்ணன்

சிவகங்கை-மதுரை மாவட்டங்கள்

128. அறந்தாங்கி:- மு.ராஜநாயகம் (சிறுமருதூர் கிளை செயலாளர்)

129. காரைக்குடி:- சோழன் சித.பழனிச்சாமி (சிவகங்கை மாவட்ட செயலாளர்)

130. திருப்பத்தூர்:- ஆர்.எஸ்.ராஜகண்ணப்பன்

131. மானாமதுரை (தனி):- ம.குணசேகரன், (மானாமதுரை ஒன்றிய செயலாளர்)

132. மேலூர்:- ஆர்.சாமி (பொதுக்குழு உறுப்பினர்)

133. மதுரை கிழக்கு:- கே.தமிழரசன் (மதுரை புறநகர் மாவட்ட ஜெ பேரவை செயலாளர்)

134. சோழவந்தான் (தனி):- எம்.வி.கருப்பையா, (அலங்காநல்லூர் ஒன்றிய மீனவர் பிரிவு செயலாளர்)

135. மதுரை வடக்கு:- ஏ.கே.போஸ், (மதுரை மாநகர் மாவட்ட முன்னாள் செயலாளர்)

136. மதுரை மேற்கு:- செல்லூர் கே.ராஜு, (மதுரை மாநகர் மாவட்ட செயலாளர்)

137. திருமங்கலம்:- ம.முத்துராமலிங்கம் (மதுரை புறநகர் மாவட்ட செயலாளர்)

தேனி-விருதுநகர் மாவட்டங்கள்

138. ஆண்டிபட்டி:- தங்க தமிழ்செல்வன், (தேனி மாவட்ட செயலாளர்)

139. போடிநாயக்கனூர்:- ஓ.பன்னீர்செல்வம் (கழகப் பொருளாளர்)

140. ராஜபாளையம்:- கே.கோபால்சாமி, (விருதுநகர் மாவட்ட இலக்கிய அணி செயலாளர்)

141. சாத்தூர்:- ஆர்.பி.உதயகுமார், (மாணவர் அணி செயலாளர்)

142. சிவகாசி:- கே.டி.ராஜேந்திர பாலாஜி (விருதுநகர் மாவட்ட எம்.ஜி.ஆர். இளைஞர் அணி செயலாளர்)

143. அருப்புக்கோட்டை:- வைகைச்செல்வன், (இலக்கிய அணி செயலாளர்)

144. பரமக்குடி (தனி):- டாக்டர் எஸ்.சுந்தர்ராஜ், (ராமநாதபுரம் மாவட்ட பொருளாளர்)

145. முதுகுளத்தூர்:- மு.முருகன் (முதுகுளத்தூர் பேரூராட்சி செயலாளர்)

நெல்லை-தூத்துக்குடி மாவட்டங்கள்

146. விளாத்திகுளம்:- ஜி.வி.மார்க்கண்டேயன், (தொகுதி செயலாளர்)

147. தூத்துக்குடி:- ஏ.பால், (தூத்துக்குடி மாவட்ட ஜெ பேரவை இணை செயலாளர்)

148. திருச்செந்தூர்:- பி.ஆர்.மனோகரன், (இளைஞர் பாசறை துணை செயலாளர்)

149. ஸ்ரீவைகுண்டம்:- எஸ்.பி.சண்முகநாதன் (தூத்துக்குடி மாவட்ட செயலாளர்)

150. கோவில்பட்டி:- கடம்பூர் செ.ராஜ× (தூத்துக்குடி மாவட்ட ஜெ பேரவை இணை செயலாளர்)

151. சங்கரன்கோவில் (தனி):- சொ.கருப்பசாமி (அமைப்புச் செயலாளர்)

152. வாசுதேவநல்லூர் (தனி):- டாக்டர் எஸ்.துரையப்பா, (திருநெல்வேலி புறநகர் மாவட்ட மருத்துவ அணி செயலாளர்)

153. கடையநல்லூர்:- பி.செந்தூர்பாண்டியன் (திருநெல்வேலி புறநகர் மாவட்ட செயலாளர்)

154. ஆலங்குளம்:- பி.ஜி.ராஜேந்திரன், (திருநெல்வேலி புறநகர் மாவட்ட ஜெ பேரவை செயலாளர்)

155. திருநெல்வேலி:- நயினார் நாகேந்திரன், (ஜெயலலிதா பேரவைச் செயலாளர்)

156. அம்பாசமுத்திரம்:- இசக்கி சுப்பையா, (திருநெல்வேலி புறநகர் மாவட்ட ஜெ பேரவை இணை செயலாளர்)

குமரி மாவட்டம்

157. கன்னியாகுமரி:- கே.டி.பச்சைமால் (கன்னியாகுமரி மாவட்ட செயலாளர்)

158. நாகர்கோவில்:- நாஞ்சில் ஏ.முருகேசன் (கன்னியாகுமரி மாவட்ட ஜெ பேரவை செயலாளர்)

159. குளச்சல்:- பி.லாரன்ஸ் (கன்னியாகுமரி மாவட்ட மீனவர் பிரிவு இணை செயலாளர்)

160. கிள்ளியூர்:- ஆர்.ஜார்ஜ், (கிள்ளியூர் ஒன்றிய செயலாளர்)

அ.தி.மு.க. புதிய வேட்பாளர் பட்டியலில் பல மாற்றங்கள் நடந்துள்ளன. இதனால் கொளத்தூர் தொகுதியில் துணை முதல்-அமைச்சர் மு.க.ஸ்டாலினை எதிர்த்து சைதை சா.துரைசாமி போட்டியிடுகிறார்.

கடந்த 16-ந் தேதி வெளியான வேட்பாளர்கள் பட்டியலில் இருந்த  பல தொகுதிகள் புதிய பட்டியலில் கூட்டணி கட்சிகளுக்கு விட்டுக் கொடுக்கப்பட்டுள்ளன. பல புதிய தொகுதிகளும் அ.தி.மு.க.வுக்கு கிடைத்துள்ளன. இதனால் ஏற்கனவே அறிவிக்கப்பட்ட பல அ.தி.மு.க.வினர் வாய்ப்பை இழந்துள்ளனர். அதேசமயம் சிலருக்கு புதிதாக வாய்ப்பும் கிடைத்துள்ளது.

கும்மிடிப்பூண்டி கோபால்நாயுடு, விருகம்பாக்கம் கமலக்கண்ணன், ஆலந்தூர் வெங்கட்ராமன், செங்கல்பட்டு ராமச்சந்திரன், அரூர் முருகன், செஞ்சி தமிழ்மொழி ராஜதத்தன், விக்கிரவாண்டி சிந்தாமணி ஆர்.வேலு, ஈரோடு கிழக்கு மனோகரன், சூலூர் முன்னாள் அமைச்சர் செ.ம.வேலுசாமி, திருப்பூர் தெற்கு விசாலாட்சி, திண்டுக்கல் ராமுத்தேவர், கீழ்வேலூர் அசோகன், திருத்துறைப்பூண்டி கே.கோபால், புதுக்கோட்டை கருப்பையா, சிவகங்கை முருகானந்தம், மதுரை மேற்கு சாலை முத்து, உசிலம்பட்டி நீதிபதி, பெரியகுளம் இளமுருகன், கம்பம் சந்தனகுமார், ஸ்ரீவில்லிபுத்தூர் கே.சீனிவாசன், விருதுநகர் ரவி, ஒட்டப்பிடாரம் என்.சின்னத்துரை, தென்காசி அண்ணாமலை, நாங்குநேரி முருகன், ராதாபுரம் சசிகலா புஷ்பா ஆகியோர் வாய்ப்பை இழந்துள்ளனர்.

கொளத்தூர் தொகுதியில் தி.மு.க. வேட்பாளராக துணை முதல்-அமைச்சர் மு.க.ஸ்டாலின் போட்டியிடுகிறார். அவரை எதிர்த்து அ.தி.மு.க. சார்பில் சைதை சா.துரைசாமி போட்டியிடுகிறார். பழைய பட்டியலில் இந்த தொகுதி கூட்டணி கட்சிகளுக்காக விட்டுவைக்கப்பட்டிருந்தது குறிப்பிடத்தக்கது.

ஆர்.கே.நகரில் தி.மு.க. வேட்பாளர் சேகர்பாபுவை எதிர்த்து மதுசூதனன் போட்டியிடுவதாக இருந்தது. இப்போது கூட்டணி கட்சிக்காக ஒதுக்கப்பட்ட பெரம்பூர் தொகுதியில் அறிவிக்கப்பட்டிருந்த வெற்றிவேல் ஆர்.கே.நகருக்கு மாற்றப்பட்டுள்ளார். மதுசூதனன் தேர்தல் வாய்ப்பை இழந்துள்ளார்.

மைலாப்பூர் தொகுதியில் அறிவிக்கப்பட்டிருந்த ஆர்.ஜானகி மாற்றப்பட்டு வக்கீல் ஆர்.ராஜலட்சுமி அறிவிக்கப்பட்டுள்ளார்.

தூத்துக்குடி தொகுதியில் அறிவிக்கப்பட்டிருந்த ஜெனிபர் சந்திரன் மாற்றப்பட்டு ஏ.பால் அறிவிக்கப்பட்டுள்ளார்.

சேலம் வடக்கு தொகுதியில் அ.தி.மு.க. வேட்பாளராக முன்னாள் அமைச்சர் விஜயலட்சுமி பழனிசாமி போட்டியிடுவதாக ஏற்கனவே அறிவிக்கப்பட்டு இருந்தது. தற்போது இந்த தொகுதி தே.மு.தி.க.வுக்கு கொடுக்கப்பட்டு உள்ளது.

இதனால் அ.தி.மு.க. வேட்பாளர் விஜயலட்சுமி பழனிசாமி சங்ககிரி தொகுதிக்கு மாற்றப்பட்டு உள்ளார். இந்த தொகுதியில் தி.மு.க. சார்பில் அமைச்சர் வீரபாண்டி ஆறுமுகம் போட்டியிடுகிறார்.

கொளத்தூர் - சைதை சா.துரைசாமி, அரக்கோணம் - ரவி, ஆற்காடு - சீனிவாசன், வாணியம்பாடி - கோவி.சம்பத்குமார், திருப்பத்தூர் - ரமேஷ், பாப்பிரெட்டிப்பட்டி - பழனியப்பன், திருவண்ணாமலை - ராமச்சந்திரன், கீழ்பென்னாத்தூர் -அரங்கநாதன், போளூர் - ஜெயசுதா லட்சுமிகாந்தன், செய்யார் -முக்கூர் சுப்பிரமணியன், வந்தவாசி -  குணசீலன், வானூர் -ஜானகிராமன், ஆத்தூர் மாதேஸ்வரன், நாமக்கல் பாஸ்கர், மணச்சநல்லூர் - பூனாட்சி, துறையூர் - இந்திராகாந்தி, அரியலூர் -மணிவேல், ஜெயங்கொண்டம் - இளவழகன், நெய்வேலி -சிவசுப்பிரமணியன், புவனகிரி - செல்வி ராமஜெயம் (தற்போதைய எம்.எல்.ஏ.), காட்டுமன்னார்கோவில் - முருகுமாறன், வேதாரண்யம் - காமராஜ், திருவிடைமருதூர் - பாண்டியராஜன், திருவையாறு -ரெத்தினசாமி, அறந்தாங்கி - ராஜநாயகம், மதுரை கிழக்கு -தமிழரசன், கிள்ளியூர் - ஜார்ஜ் ஆகியோர் புதிதாக வாய்ப்பு பெற்றுள்ளனர்.

இத்தேர்தலில் தி.மு.க., - அ.தி.மு.க., இடையே 84 தொகுதிகளில் நேரடி போட்டி ஏற்பட்டுள்ளது.

நேரடியாக மோதும் தொகுதிகள் மற்றும் வேட்பாளர்கள் வருமாறு:

எண் - தொகுதி - தி.மு.க. வேட்பாளரின் பெயர்  - அ.தி.மு.க. வேட்பாளரின் பெயர் - இந்த வரிசைப்படி படித்துக் கொள்ளுங்கள் :

1 ஆயிரம் விளக்கு - அசன்முகமது ஜின்னா - பா.வளர்மதி

2. சைதாப்பேட்டை - மகேஷ்குமார் - செந்தமிழன்

3. ஆர்.கே.நகர் - பி.கே.சேகர்பாபு - வெற்றிவேல்

4 கொளத்தூர் - மு.க.ஸ்டாலின் - சைதை துரைசாமி

5 வில்லிவாக்கம் - க.அன்பழகன் - ஜே.சி.டி.பிரபாகரன்

6 பொன்னேரி(தனி) - மணிமேகலை - பொன்.ராஜா

7 திருவள்ளூர் - இ.ஏ.பி.சிவாஜி - பி.வி.ரமணா

8 அம்பத்தூர் - ப.ரங்கநாதன் - எஸ்.வேதாச்சலம்

9 மாதவரம் - டாக்டர் கனிமொழி - வி.மூர்த்தி

10 திருவொற்றியூர் - கே.பி.பி.சாமி - கே.குப்பன்

11 பல்லாவரம் - தா.மோ.அன்பரசன் - ப.தன்சிங்

12 தாம்பரம் - எஸ்.ஆர்.ராஜா - சின்னையா

13 உத்திரமேரூர் - பொன் குமார் - வாலாஜாபாத் கணேசன்

14 காட்பாடி - துரைமுருகன் - எஸ்.ஆர்.கே.அப்பு என்ற ராதாகிருஷ்ணன்

15 ராணிப்பேட்டை - ஆர்.காந்தி - முகம்மத்ஜான்

16 திருப்பத்தூர் - எஸ்.ராஜேந்திரன் - கே.ஜி.ரமேஷ்

17 திருவண்ணாமலை - ஏ.வ.வேலு - எஸ்.ராமச்சந்திரன்

18 கீழ்பெண்ணாத்தூர் - கு.பிச்சாண்டி - ஏ.கே.அரங்கநாதன்

19 வந்தவாசி(தனி) - கமலக்கண்ணன் - செய்யாமூர் குணசீலன்

20 வானூர்(தனி) - புஷ்பராஜ் - ஜானகிராமன்

21 விழுப்புரம் - க.பொன்முடி - சி.வி.சண்முகம்

22 சங்கராபுரம் - உதயசூரியன் - மோகன்

23 கடலூர் - புகழேந்தி - எம்.சி.சம்பத்

24 குறிஞ்சிப்பாடி - எம்.ஆர்.கே.பன்னீர்செல்வம் - சொரத்தூர் ராஜேந்திரன் செல்வம்

25 திருவிடைமருதூர்(தனி) - கோவி.செழியன் - பாண்டியராஜன்

26 கும்பகோணம் - க.அன்பழகன் - ராம.ராமநாதன்

27 திருவையாறு - கல்லணை செல்லக்கண்ணு - ரத்தினசாமி

28 தஞ்சாவூர் - எஸ்.என்.எம்.உபயதுல்லா - எம்.ரங்கசாமி

29 ஒரத்தநாடு - மகேஷ் கிருஷ்ணசாமி - வைத்திலிங்கம்

30 மன்னார்குடி - டி.ஆர்.பி.ராஜா - சிவா.ராஜமாணிக்கம்

31 திருவாரூர் - மு.கருணாநிதி - குடவாசல் ராஜேந்திரன்

32 நன்னிலம் - இளங்கோவன் - ஆர்.காமராஜ்

33 ஸ்ரீரங்கம் - என்.ஆனந்த் - ஜெ.ஜெயலலிதா

34 திருச்சி மேற்கு - கே.என்.நேரு - மரியம்பிச்சை

35 திருச்சி கிழக்கு - அன்பில் பெரியசாமி - ஆர்.மனோகரன்

36 மணச்சநல்லூர் - என்.செல்வராஜ் - டி.பி.பூனாட்சி

37 துறையூர்(தனி) - பரிமளா தேவி - இந்திராகாந்தி

38 பெரம்பலூர்(தனி) - எம்.பிரபாகரன் - இளம்பை தமிழ்ச்செல்வன்

39 அரவக்குறிச்சி - கே.சி.பழனிசாமி - வி.செந்தில்நாதன்

40 கிருஷ்ணராயபுரம்(தனி) - பெ.காமராஜ் - எஸ்.காமராஜ்

41 குளித்தலை - மாணிக்கம் - பாப்பாசுந்தரம்

42 கந்தர்வக்கோட்டை(தனி) - கவிதைப்பித்தன் - சுப்ரமணியன்

43 விராலிமலை - எஸ்.ரகுபதி - டாக்டர் விஜயபாஸ்கர்

44 ஏற்காடு(தனி) - தமிழ்செல்வன் - பெருமாள்

45 சங்ககிரி - வீரபாண்டி ஆறுமுகம் - விஜயலட்சுமி பழனிச்சாமி

46 சேலம் தெற்கு - எஸ்.ஆர்.சிவலிங்கம் - எம்.கே.செல்வராஜ்

47 வீரபாண்டி - வீரபாண்டி ராஜேந்திரன் - எஸ்.கே.செல்வம்

48 சேலம் மேற்கு - இரா.ராஜேந்திரன் - ஜி.வெங்கடாஜலம்

49 ராசிபுரம்(தனி) - வி.பி.துரைசாமி - ப.தனபால்

50 குமாரபாளையம் - வெப்படை செல்வராஜ் - பி.தங்கமணி

51 பாப்பிரெட்டிபட்டி- முல்லைவேந்தன் - பழனியப்பன்

52 மேட்டுப்பாளையம் - அருண்குமார் - சின்னராஜ்

53 கவுண்டம்பாளையம் - சுப்ரமணியன் - ஆறுக்குட்டி

54 கோவை வடக்கு - வீரகோபால் - மலரவன்

55 கோவை தெற்கு - பொங்கலூர் பழனிசாமி - சேஞ்சர் துரை

56 கிணத்துக்கடவு - மு.கண்ணப்பன் - செ.தாமோதரன்

57 தாராபுரம்(தனி) - ஜெயந்தி - பொன்னுசாமி

58 திருப்பூர் வடக்கு - கோவிந்தசாமி - எம்.எஸ்.எம்.ஆனந்தன்

59 மடத்துக்குளம் - மு.பெ.சாமிநாதன் - சி.சண்முகவேலு

60 அந்தியூர் - என்.கே.கே.பி.ராஜா - எஸ்.எஸ்.ரமணிதரன்

61 மேலூர் - ராணி ராஜமாணிக்கம் - ஆர்.சாமி

62 மதுரை கிழக்கு - மூர்த்தி - தமிழரசன்

63 திருமங்கலம் - மணிமாறன் - ம.முத்துராமலிங்கம்

64 மதுரை மேற்கு - தளபதி - செல்லூர் ராஜு

65 பழனி - செந்தில்குமார் - வேணுகோபாலு

66 ஒட்டன்சத்திரம் - சக்கரபாணி - பாலசுப்பிரமணி

67 நத்தம் - விஜயன் - இரா.விஸ்வநாதன்

68 ஆண்டிபட்டி - எல்.மூக்கையா - தங்க தமிழ்செல்வன்

69 போடிநாயக்கனூர் - லட்சுமணன் - ஓ.பன்னீர்செல்வம்

70 முதுகுளத்தூர் - சத்தியமூர்த்தி - மு.முருகன்

71 திருப்பத்தூர் - கே.ஆர்.பெரியகருப்பன் - ராஜகண்ணப்பன்

72 மானாமதுரை(தனி) - தமிழரசி - குணசேகரன்

73 ராஜபாளையம் - தங்கபாண்டியன் - கே.கோபால்சாமி

74 சாத்தூர் - கடற்கரை ராஜ் - உதயகுமார்

75 சிவகாசி - வனராஜா - உதயகுமார்

76 அருப்புக்கோட்டை - சாத்தூர் ராமச்சந்திரன் - வைகைச்செல்வன்

77 சங்கரன்கோவில்(தனி) - உமாமகேஸ்வரி - சொ.கருப்பசாமி

78 ஆலங்குளம் - பூங்கோதை - பி.ஜி.ராஜேந்திரன்

79 திருநெல்வேலி - ஏ.எல்.எஸ்.லட்சுமணன் - நயினார் நாகேந்திரன்

80 அம்பாசமுத்திரம் - ஆவுடையப்பன் - இசக்கி சுப்பையா

81 தூத்துக்குடி - கீதா ஜீவன் - ஏ.பால்

82 திருச்செந்தூர் - அனிதா ராதாகிருஷ்ணன் - பி.ஆர்.மனோகரன்

83 கன்னியாகுமரி - சுரேஷ்ராஜன் - கே.டி.பச்சைமால்

84 நாகர்கோவில் - மகேஷ்  - நாஞ்சில் முருகேசன்

தற்போதைக்கு இறுதியான 160 வேட்பாளர்களின் பட்டியல் இதுதான் என்று சொல்லப்பட்டாலும் எனக்கு நம்பிக்கையில்லை. வேட்புமனு தாக்கலுக்கு முதல் நாள் வரையிலும்கூட ஜெயலலிதா தனது கட்சி வேட்பாளரை மாற்ற வாய்ப்புண்டு என்பதால் இப்போதைக்கு இதுதான் இறுதியானது என்று நினைத்துக் கொள்ளலாம். அவ்வளவுதான் சொல்ல முடியும்..!

Tweet

திருவாரூரூக்கு ஓட்டம் பிடித்த மு.கருணாநிதி..!

18-03-2011

என் இனிய வலைத்தமிழ் மக்களே..!

ஒரு வழியாய் தாத்தா கருணாநிதி தனது ஆட், படை, பரிவாரங்களை களத்தில் இறக்கியுள்ளார். பொதுவாக இதற்கு முந்தைய தேர்தல்களில் தேர்தல் கமிஷனின் கால அவகாசம் நிறைய இருந்தது. அதனால் யார், யாருக்கு எதனால் எப்படி சீட் கிடைத்தது என்று பல்வேறு பத்திரிகைகள் அலசி ஆராய்ந்து சொல்லிக் கொண்டிருந்தன.

ஆனால் இந்தத் தேர்தலில் மட்டும் அது முடியவில்லை. உடனுக்குடன் வேட்பாளர் பெயர்களை அறிவித்து மறுநாளே பிரச்சாரத்திற்கு கிளம்ப வேண்டிய கட்டாயம் உள்ளதால் எந்தப் பிரச்சினையும் இல்லாமல் இப்போது அமைச்சர்களாக,  சட்டமன்ற உறுப்பினர்களாக இருப்பவர்களில் பெரும்பான்மையினருக்கு சீட்டுக்களை திருப்பிக் கொடுத்து  அமைதியாக்கிவிட்டார் தாத்தா.

இவர்களில் புதுமுகங்கள் 58 பேர், பெண்கள் 11 பேர், பட்டதாரிகள் 70 பேர், வக்கீல்கள் 26 பேர், டாக்டர்கள் 3 பேர், முதுகலை பட்டம் பெற்றவர்கள் 27 பேர். 

அ.தி.மு.க.,வில் இருந்து தி.மு.க.,விற்கு தாவிய சேகர்பாபு, முத்துசாமி, ரகுபதி, ம.தி.மு.க.,வில் இருந்து தாவிய மு.கண்ணப்பன், மார்க்சிஸ்ட் கம்யூனிஸ்ட் கட்சியிலிருந்து தி.மு.க.விற்கு தாவிய கோவிந்தசாமி ஆகியோர் பட்டியலில் இடம் பெற்றுள்ளனர்.

முன்னாள் மத்திய அமைச்சர் என்.வி.என்.சோமுவின் மகள் கனிமொழிக்கு மாதவரம் தொகுதியில் போட்டியிட வாய்ப்பு அளிக்கப்பட்டுள்ளது.   நெல்லையில் அத்தொகுதியின் முன்னாள் எம்.எல்.ஏ.,வும், தற்போதைய மேயருமான ஏ.எல்.சுப்ரமணியத்தின் மகன் லட்சுமணனுக்கு சீட் வழங்கப்பட்டுள்ளது. பழனி தொகுதியில் அமைச்சர் ஐ.பெரியசாமியின் மகன் செந்தில்குமாருக்கு சீட் கொடுக்கப்பட்டுள்ளது. அ.தி.மு.க., பொதுச் செயலர் ஜெயலலிதாவை எதிர்த்து, தி.மு.க.வின் சார்பில் ஸ்ரீரங்கம் தொகுதியில் ஆனந்த் என்ற 29 வயது இளைஞர் நிறுத்தப்பட்டுள்ளார். 


சேப்பாக்கம்-திருவல்லிக்கேணி, சைதாப்பேட்டை, துறைமுகம், கொளத்தூர், வில்லிவாக்கம், விருகம்பாக்கம் என்ற சென்னை தொகுதிகளெல்லாம் இருக்கும் நிலையிலேயே தாத்தா, தனது சொந்த ஊரான திருவாரூருக்கு ஓடிப் போயிருக்கும் விஷயத்தை பார்த்தால் பாவமாக இருக்கிறது..!

இந்த வயசான காலத்தில் தாத்தாவுக்கு இப்படியொரு சோகம் ஏற்பட்டிருக்க வேண்டாம்தான். ஆனாலும் புத்திரப் பாசம் அளவுக்கதிகமான அநியாயங்களை செய்ய வைத்து அதன் கர்மப் பலனாக அவரை ஊரைவிட்டு துரத்தியிருக்கிறது..!

எந்த ஊருக்குச் சென்றாலும் தான்தான் தமிழினத்தின் தலைவன் என்று தானே சொல்லிக் கொண்ட இந்தத் தாத்தா கடைசியில் தனது பிறந்த ஊர் மக்கள் மட்டுமே தன்னைக் காப்பாற்றுவார்கள் என்று உண்மை நிலைமையறிந்து கதறுவது வருங்கால அரசியல்வியாதிகளுக்கு நிச்சயம் ஒரு பாடமாக இருக்கும்..!

நான்கு முறை தன்னை ஜெயிக்க வைத்த ஆயிரம்விளக்கு தொகுதியைக் கை கழுவிவிட்டு புதிதாக உருவாக்கப்பட்டுள்ள கொளத்தூர் தொகுதிக்கு ஓட வேண்டிய நிலைமை மு.க.ஸ்டாலினுக்கு..!

ஒரு காலத்தில் தி.மு.க.வின் கோட்டை என்று கருதப்பட்டிருக்கும் சென்னையில் தானைத் தளபதியின் சொந்தத் தொகுதியிலேயே நிற்க முடியாத சூழல் என்றால் தி.மு.க.வின் மீது மக்களுக்கிருக்கும் அதிருப்தியை அவர்கள் உணர்ந்துதான் இருக்கிறார்கள் என்பது நன்கு புரிகிறது..!

தென் மண்டல சீட்டுக்களைப் பெற்றவர்களையெல்லாம் பார்க்கின்றபோது மதுரை தளபதி நீட்டிய சீட்டில் தாத்தா கை வைக்காமல் அப்படியே ஏற்றுக் கொண்டிருக்கிறார் என்பது தெரிகிறது..!

உடல்நலக் குறைவு காரணமாக அமைச்சர் ஆற்காடு வீராசாமியும், வயது மூப்பு காரணமாக அமைச்சர் கோ.சி.மணியும் இத்தேர்தலில் போட்டியிடவில்லை. பாவம் ஆற்காடு..! நன்றாக வாழ வேண்டிய வயதில் இப்படி கஷ்டப்படுகிறார்..! சம்பாதித்தது போதும் என்று முருகன் நினைத்துவிட்டான் போலும்..!

இன்றைய இந்த இரவு நேரத்தில் ஆத்தா ஜெயலலிதா, வைகோவுக்கு 15 சீட்டுக்களை ஒதுக்க சம்மதம் தெரிவித்தும், கம்யூனிஸ்ட் கட்சிகள் கேட்ட தொகுதிகளை மீண்டும் விட்டுக் கொடுக்க முன் வந்திருப்பதாகவும் செய்திகள் வந்திருக்கின்றன..!

அப்படியிருக்கும்பட்சத்தில் இறுதியான அதிமுக பட்டியல் நாளை இன்னொரு முறை வெளியாகும் என்று எதிர்பார்க்கிறேன். அதன் பின்புதான் தி.மு.க., அ.தி.மு.க. நேரடி மோதல் நடக்கும் தொகுதிகளின் பட்டியல் இறுதியாகும்.

அப்போது விலாவாரியாக மேலும் பேசுவோம்..!

இப்போது 2011 தமிழக சட்டப் பேரவைத் தேர்தலில் போட்டியிடம் தி.மு.க. வேட்பாளர்களின் பட்டியலை பார்ப்போம்..!

1. ஆயிரம் விளக்கு - அசன் முகம்மது ஜின்னா

2. சேப்பாக்கம்-திருவல்லிக்கேணி - ஜே. அன்பழகன்

3. விருகம்பாக்கம் - தனசேகரன்

4. சைதாப்பேட்டை - மகேஷ்குமார்

5. வில்லிவாக்கம் - க. அன்பழகன்

6. ஆர்.கே. நகர் - பி.கே.சேகர்பாபு

7. கொளத்தூர் - மு.க.ஸ்டாலின்

8. எழும்பூர் (தனி) - பரிதிஇளம்வழுதி

9. பொன்னேரி (தனி) -மணிமகேலை

10. திருவள்ளூர் - இ.ஏ.பி. சிவாஜி

11. அம்பத்தூர் - புரசை ரங்கநாதன்

12. மாதவரம் - டாக்டர் கனிமொழி

13. திருவொற்றியூர் - கே.பி.பி. சாமி

14. பல்லாவரம் - தா.மோ.அன்பரசன்

15. தாம்பரம் - எஸ்.ஆர். ராஜா

16. உத்திரமேரூர் - பொன்குமார்

17. காட்பாடி - துரைமுருகன்

18. கே.வி. குப்பம் - சீதாராமன்

19. ராணிப்பேட்டை - காந்தி

20. குடியாத்தம் (தனி) - ராஜமார்த்தாண்டன்

21. திருப்பத்தூர் - ராஜேந்திரன்

22. திருவண்ணாமலை - எ.வ.வேலு

23. கீழ்ப்பென்னாத்தூர் - பிச்சாண்டி

24. ஆரணி - சிவானந்தம்

25. வந்தவாசி - கமலக்கண்ணன்

26. வானூர் - புஷ்பராஜ்

27. விழுப்புரம் - டாக்டர் பொன்முடி

28. விக்கிரவாண்டி - ராதாமணி

29. திருக்கோவிலூர் - தங்கம்

30. சங்கராபுரம் - உதயசூரியன்

31. பண்ருட்டி - சபா ராஜேந்திரன்

32. கடலூர் - இள.புகழேந்தி

33. குறிஞ்சிப்பாடி - எம்.ஆர்.கே.பன்னீர் செல்வம்

34. திருவிடைமருதூர் (தனி) - கோவி செழியன்

35. கும்பகோணம் - கா.அன்பழகன்

36. திருவையாறு - செல்லக்கண்ணன்

37. தஞ்சாவூர் - எஸ்.எம்.உபயதுல்லா

38. ஒரத்தநாடு - மகேஷ் கிருஷ்ணசாமி

39. கீழ்வேளூர் (தனி) - மதிவாணன்

40. மன்னார்குடி - டி.ஆர்.பி. ராஜா

41. திருவாரூர் - மு.கருணாநிதி

42. நன்னிலம் - இளங்கோவன்

43. திருச்சி மேற்கு - கே.என்.நேரு

44. திருச்சி கிழக்கு - அன்பில் பெரியசாமி

45. திருவெறும்பூர் - சேகரன்

46. ஸ்ரீரங்கம் - என்.ஆனந்த்

47. லால்குடி - சவுந்திரபாண்டியன்

48. மண்ணச்சநல்லூர் - செல்வராஜ்

49. துறையூர் - பரிமளா தேவி

50. பெரம்பலூர் - பிரபாகரன்

51, குன்னம் - சிவசங்கரன்

52. அரவாக்குறிச்சி - கே.சிபழனிச்சாமி

53. கிருஷ்ணராயபுரம் (தனி) - காமராஜ்

54. குளித்தலை - இரா.மாணிக்கம்

55. கந்தர்வக்கோட்டை - கவிதைப்பிதத்ன்

56. விராலிமலை - எஸ்.ரகுபதி

57. புதுக்கோட்டை - பெரியண்ணன் அரசு

58. கெங்கவல்லி (தனி) - சின்னத்துரை

59. ஏற்காடு - தமிழ்ச்செல்வன்

60. சங்ககிரி - வீரபாண்டி ஆறுமுகம்

61. சேலம் தெற்கு - சிவலிங்கம்

62. வீரபாண்டி - வீரபாண்டி ராஜேந்திரன்

63. சேலம் மேற்கு - ராஜேந்திரன்

64. ராசிபுரம் தனி - வி.பி.துரைசாமி

65. சேந்தமங்கலம் - பொன்னுச்சாமி

66. குமாரபாளையம் - செல்வராஜ்

67. பென்னாகரம் - இன்பசேகரன்

68. பாப்பிரெட்டிபட்டி - முல்லைவேந்தன்

69. வேப்பணஹள்ளி - செங்குட்டுவன்

70. தளி - ஒய்.பிரகாஷ்

71. மேட்டுப்பாளையம் - அருண் குமார்

72. கவுண்டம்பாளையம் - டி.பி. சுப்பிரமணியம்

73. கோவை வடக்கு - வீரகோபால்

74. கோவை தெற்கு - பொங்கலூர் பழனிச்சாமி

75. கிணத்துக்கடவு - மு.கண்ணப்பன்

76. தாராபுரம் தனி - ரா.ஜெயந்தி

77. திருப்பூர் வடக்கு - கோவிந்தசாமி

78. மடத்துக்குளம் - சாமிநாதன்

79. ஈரோடு கிழக்கு - முத்துச்சாமி

80. அந்தியூர்- என்.கே.கே.பி. ராஜா

81. பவானிசாகர் (தனி) - லோகேஸ்வரி

82. கூடலூர் (தனி) - திராவிடமணி

83. குன்னூர் - ராமச்சந்திரன்

84. மேலூர் - ராணி ராஜமாணிக்கம்

85. மதுரை கிழக்கு - பி.மூர்த்தி

86. திருமங்கலம் - மணிமாறன்

87. உசிலம்பட்டி - ராமசாமி

88. மதுரை மத்தி - எஸ்.எஸ். கெளஸ் பாட்ஷா

89. மதுரை மேற்கு - கோ.தளபதி

90. பழனி - செந்தில்குமார்

91. ஒட்டன்சத்திரம் - சக்கரபாணி

92. நத்தம் - விஜயன்

93. ஆத்தூர் - திண்டுக்கல் ஐ.பெரியசாமி

94. ஆண்டிப்பட்டி - மூக்கையா

95. கம்பம் - கம்பம் ராமகிருஷ்ணன்

96. பெரியகுளம் (தனி) - அன்பழகன்

97. போடிநாயக்கனூர் - லட்சுமணன்

98. திருவாடானை - சுப தங்கவேலன்

99. முதுகுளத்தூர் - சத்தியமூர்த்தி

100. திருப்பத்தூர் - கே.என்.பெரியகருப்பன்

101. ராஜபாளையம் - தங்கபாண்டியன்

102. ஸ்ரீவில்லிபுத்தூர் (தனி) - துரை

103. சாத்தூர் - கடற்கரை ராஜ்

104. சிவகாசி - வனராஜா

105. அருப்புக்கோட்டை - கே.கே.எஸ்.எஸ்.ஆர். ராமச்சந்திரன்

106. திருச்சுழி - தங்கம் தென்னரசு

107. மானாமதுரை (தனி) - தமிழரசி

108. முதுகுளத்தூர் - சத்தியமூர்த்தி

109. சங்கரன் கோவில் (தனி) - உமா மகேஸ்வரி

110. தென்காசி - கருப்பசாமி பாண்டியன்

111. அம்பாசமுத்திரம் - ஆவுடையப்பன்

112. பாளையங்கோட்டை - மைதீன்கான்

113. தூத்துக்குடி - கீதா ஜீவன்

114. திருச்செந்தூர் - அனிதா ராதாகிருஷ்ணன்

115. ஒட்டப்பிடாரம் - ராஜா

116. ஆலங்குளம் பூங்கோதை ஆலடி அருணா

117. கன்னியாகுமரி - சுரேஷ்ராஜன்

118. நாகர்கோவில் - மகேஷ்

119. பத்மநாபபுரம் - புஷ்பலீலா ஆல்பன்

Tweet

கருணாநிதியை மீண்டும் முதல்வராக்கத் துடிக்கும் ஜெயலலிதா..!

17-03-2011

என் இனிய வலைத்தமிழ் மக்களே..!

கலைஞர் கருணாநிதியைப் போலவே ஆட்சி நடத்தும் தகுதியே இல்லாத புரட்சித் தலைவி ஜெயலலிதா, கட்சி நடத்தும் தகுதியும் தனக்கு இல்லாததை மீண்டும் ஒரு முறை நிரூபித்திருக்கிறார்..!

தற்போதைய பொது எதிரி யார் என்பதை தமிழகமே அடையாளம் கண்டு அவரை வீட்டுக்கு அனுப்பும் வேலையைச் செய்யத் துடித்துக் கொண்டிருக்கும் இதே நேரத்தில் அலுங்காமல், குலுங்காமல் அதே எதிரியை ஆட்சிக் கட்டிலில் அமர வைக்க தன்னால் முடிந்த அத்தனையையும் செய்து கொண்டிருக்கிறார் ஜெயலலிதா.

ஜெயலலிதா தனது கூட்டணிக் கட்சிகளுக்குக் கொடுத்திருக்கும் இந்திய மரியாதைக்கு அசட்டுத்தனமான, திமிர்த்தனமான, முட்டாள்தானமான என்று இந்த வரிசையில் எத்தனை இருக்கோ... அத்தனையும் போட்டுக் கொள்ளலாம்.

அ.தி.மு.க. கூட்டணி வேட்பாளர்கள் பட்டியல் வெளியீடுவதற்கு முன்பு வரையிலும் தமிழினத்தின், தமிழகத்தின் பொது எதிரியான கருணாநிதி வீட்டுக்கு அனுப்பப்படுவார் என்றுதான் தமிழகமே நம்பிக் கொண்டிருந்தது. ஏன், கருணாநிதியே இதைத்தான் நம்பினார். இல்லாவிடில் சென்னையை கூட்டணிக் கட்சியினருக்கு தாம்பாளத் தட்டில் வைத்து வழங்கிவிட்டு தான் மட்டும் ஊரைவிட்டு ஓடுவாரா...?

அவரே பயந்து ஓடிக் கொண்டிருக்கும்போது மேலும் ஓட, ஓட துரத்தும் வேலைகளைக் கவனிக்காமல், போதும். திரும்பி வந்திருங்க என்று அறைகூவல் விடுத்திருக்கும் ஜெயலலிதாவின் இந்தச் செயலால் நாசமாகப் போவது அவரும், அவரது கட்சியினரும்தான்..! கூடவே தமிழகத்து மக்களும்தான்..!

தனது கட்சிக்காரர்களை மட்டும்தான் ஜெயலலிதா இதுவரையில் மதிக்காமல் இருந்திருக்கிறார் என்றால், இப்போது கூட்டணிக் கட்சித் தலைவர்களையும் அதேபோல் நினைத்துவிட்டார்..! ஜெயலலிதாவுக்கும், கருணாநிதிக்கும் இதுதான் வித்தியாசம்..!

தனது வீடு திறந்த வீடு என்பதை வெளிக்காட்டி தமிழகத்தின் கலாச்சாரத்திற்கேற்றவாறு, நாகரிகமான முறையில் யார் வந்தாலும் வரவேற்கிறார் கருணாநிதி. ஆனால் ஜெயலலிதாவோ தான் சந்திர மண்டலத்தில் குடியிருப்பதைப் போல காட்டிக் கொண்டு இறுக மூடிய வீட்டுக்குள் உட்கார்ந்து கொண்டு பொது வாழ்க்கைப் பிரச்சாரத்தைச் செய்து வருகிறார்..!

கருணாநிதியை வீட்டுக்கு அனுப்ப வேண்டும் என்ற ஒரே கொள்கையோடு ஒன்று சேரும் அனைத்துக் கட்சிக்காரர்களையும் அனுசரித்து, தோழமையோடு அரவணைத்து வெற்றி வாகை சூடுவதைவிட்டுவிட்டு தனது வழக்கமான திமிர்த்தனத்தைக் காட்டி தன் தலையில் தானே மண்ணையள்ளிப் போட்டுக் கொண்டிருக்கிறார் ஜெயலலிதா.

இப்போது தே.மு.தி.க. ஜெயலலிதாவுக்கு நிபந்தனை விதிக்கும் அளவுக்குத் தன்னைத் தானே தாழ்த்திக் கொண்டுள்ளது. இது ஆத்தாவுக்கு நிச்சயம் தேவையானதுதான்..! அனைத்து எதிர்க்கட்சிகளின் ஓட்டுக்களும் பிரிந்திருப்பதால்தான் கருணாநிதி ஆட்சிக்கு வந்திருக்கிறாரே தவிர, தமிழகத்து மக்கள் அனைவரும் ஏகோபித்த குரலில் அவருக்கு வாக்களித்து அவரை ஆட்சிக் கட்டிலில் அமர வைக்கவில்லை என்பதை துரதிருஷ்டவசமாக அவர் மட்டுமே உணர்ந்திருக்கிறார்.

இதனை அவருக்கு முன்பாகவே உணர வேண்டிய எதிர்க்கட்சித் தலைவி ஜெயலலிதா ஏனோ தனக்காகவே தமிழகத்து மக்கள் காத்திருப்பதைப் போல ஒரு கனவை கண்டுவிட்டு அதனை நோக்கி நடப்பதாக நினைத்து புதைகுழியில் இறங்கிக் கொண்டிருக்கிறார்.

அதிமுக, இரண்டு கம்யூனிஸ்ட் கட்சிகள், தேமுதிக, மதிமுக, புதிய தமிழகம், மனித நேய மக்கள் கட்சி, கார்த்திக்கின் நாடாளும் மக்கள் கட்சி, சமத்துவ மக்கள் கட்சி, இந்திய குடியரசுக் கட்சி, மூவேந்தர் முன்னேற்றக் கழகம், கொங்கு இளைஞர் பேரவை என்று மெகா கூட்டணியாகத் திகழ வேண்டிய இந்த இடத்தில் முக்கியமான கட்சிகள் கழன்று கொள்ளும்போது கடையாணி கழன்ற மாட்டு வண்டியில் எந்த ஊருக்கு பிரயாணம் செய்யப் போகிறார் இந்த ஆத்தா..?

ஸ்பெக்ட்ரம் ஊழலில் ஆ.ராசா பணத்தை லஞ்சமாக பெற்றுள்ளார். அதனை பல்வேறு நாடுகளில் முதலீடு செய்துள்ளார் என்று நேற்று பட்டவர்த்தனமாக சி.பி.ஐ.யின் வழக்கறிஞர் கே.கே.வேணுகோபால் உச்சநீதிமன்றத்தில் தெரிவித்துவிட்டார். இதனைவிடவும் மிகக் கேவலமான ஒரு விஷயம் தமிழகத்து மக்களுக்கும், தி.மு.க.வுக்கும் இதுவரையில் நடந்ததில்லை..!

ஆளும் கட்சி கூட்டணியில், தான் அமைச்சரவை வகிக்கும் ஒரு அரசியல் அமைப்பில் செயல்படும் போலீஸ் அமைப்பு ஒன்றே, தனது கட்சியின் அமைச்சர் ஒருவர் லஞ்சம் வாங்கிக் குவித்துவிட்டார் என்று பகிரங்கமாக நீதிமன்றத்தில் குற்றம் சுமத்தியிருக்கும்போது இதனை எந்தெந்த வழிகளில் மக்களிடத்தில் கொண்டு சென்று இந்தக் கொள்ளைக் கூட்டத்தை அப்புறப்படுத்தும் வழியைக் கவனிப்பதைவிட்டுவிட்டு, மீண்டும், மீண்டும் தனது சொந்த சுகத்தையே முன் வைத்து அரசியல் நடத்தும் ஜெயலலிதா அரசியல் என்னும் பொது வாழ்க்கையில் ஈடுபடும் தகுதியை முற்றிலுமாக இழந்துவிட்டார்.

“யானை தன் தலையில் தானே மண்ணையள்ளிப் போடுவதைப் போல தமிழகத்து மக்கள் கொடுத்திருக்கும் அரிய வாய்ப்பை இந்த அம்மையார் தானே கெடுத்துக் கொள்கிறார்..” என்று கலைஞர் கருணாநிதியே ஜெயலலிதாவி்ன் முந்தைய ஆட்சியின் அலங்கோலங்கள் பற்றி வருத்தப்பட்டுச் சொன்னார்.. இப்போது அந்த வாக்கியத்திற்கு மீண்டும் உயிர் கொடுத்திருக்கிறார்  ஜெயலலிதா. வசனகர்த்தா கருணாநிதி. நடிகை ஜெயலலிதா..!

தமிழகத்தின் அரசியல் கட்சிகளின் செல்வாக்கு தி.மு.க., அ.தி.மு.க. என்றே ஆரம்பிக்கிறது என்பதால்தான் கருணாநிதிக்குப் பதிலாக ஜெயலலிதா என்ற பேச்சே எழும்புகிறது. மக்கள் ஆதரவு இவர்கள் இருவரைத் தவிர மற்ற யாரேனும் ஒருவருக்கு அமோகமாக கிடைத்துவிட்டால் இந்த இரண்டு திருடர்களையும் யார் கொண்டாடப் போகிறார்கள்?

ஊழல் விஷயத்தில் கருணாநிதியைவிட ஜெயலலிதாதான் சில வருடங்களுக்கு முன்புவரையிலும் முன்னணியில் இருந்தார். ஆனால் ஸ்பெக்ட்ரம் ஊழலுக்கு முன்பு ஜெயலலிதாவையும் வீழ்த்திவிட்டு 'அகில உலக ஊழல் திலகம்' என்ற பட்டத்தை பெற்றுக் கொண்ட கருணாநிதியை வீழ்த்த நாம் ஜெயலலிதா என்னும் இரண்டாவது ஊழல்வாதியை தேட வேண்டியது நமது துரதிருஷ்டம்தான்..!

இதற்கு மக்களைத்தான் குற்றம் சுமத்த வேண்டும். வைகோ இருக்கிறார். வாக்களித்திருக்கலாம். கம்யூனிஸ்ட் கட்சிகள் இருக்கின்றன வாக்களித்திருக்கலாம். விஜயகாந்த் வந்திருக்கிறார் வாக்களித்துப் பார்க்கலாம். ஆனால் இதையெல்லாம்விட்டுவிட்டு மீண்டும், மீண்டும் தி.மு.க., அதிமுக என்று மாறி மாறி திருடர்களையே கொண்டு வந்து கொண்டிருக்கும் இந்த முட்டாள்தனமான மக்கள் இருக்கின்றவரையில் இந்த நிலைமை மாறவே மாறாது..!  இப்போது திருந்த வேண்டியது தமிழகத்து மக்கள்தான்.

தேர்தல் கூட்டணி வைப்பதுகூட இந்திய அரசியல் அமைப்புச் சட்டப்படி தேர்தல் கமிஷனின் அங்கீகாரத்தைப் பெறுவதற்காக கண்டிப்பாக நடத்த வேண்டிய ஒரு சடங்காகவே இருக்கிறது என்பதையும் நாம் ஒருவிதத்தில் ஏற்றுக் கொள்ள வேண்டும்.

தேர்தல் கமிஷனின் சின்ன விதிமுறை மட்டும் இவ்வளவு கடினமானதாக இல்லாமல் இருந்தால், கட்சிகள் அனைத்தும் தனித்தனியே நின்றே தங்களது பலத்தைக் காட்டிவிடும். ஆனால் பெரிய கட்சிகளை எதிர்த்து சிறிய கட்சிகள் வளர்ந்துவிடக் கூடாதே என்பதற்காகவே அமைக்கப்பட்டிருக்கும் சின்னம் தொடர்பான அந்த விதிமுறையை மறுபரீசிலனை செய்ய, இதுவரையில் பெரிய கட்சிகள் எதுவும் கோரிக்கை விடுக்கவில்லை என்பதையும் சற்று யோசித்துப் பாருங்கள். புரியும்..!

ஜனநாயகத்தில் அனைத்துக் கட்சியினருக்கும் சம அளவில் வாய்ப்புகள் தரப்பட வேண்டும். நம் நாட்டில் சாமான்ய மக்களின் கல்வியறிவே மிகக் குறைவாக இருக்கின்றபோது தேர்தலுக்கு தேர்தல் சின்னங்களை மாற்றிக் கொண்டேயிருந்தால் அக்கட்சி வளர்வதற்கு வாய்ப்பே இல்லை. உதயசூரியன் சின்னமும், இரட்டை இலையும், அரிவாள் சுத்தியலும் தமிழகத்து மக்கள் மத்தியில் பிரபலமானதற்குக் காரணம் நீண்ட வருடங்களாக அக்கட்சிகளுக்குக் கிடைத்திருக்கும் அங்கீகாரம்தான்.

இந்த அங்கீகாரத்தைப் பெறுவதற்காகவே இப்போதைய அரசியல் கட்சிகள் தங்களது அரசியல் அபிலாஷைகளை ஒதுக்கிவைத்துவிட்டு ஓரளவுக்கு கொள்கைகள் ஒத்துப் போகின்ற கட்சியுடன் கூட்டணி வைத்துக் கொள்கின்றன. வேறு வழியில்லாமல் நாமும் இதனை ஏற்றுக் கொள்ளத்தான் வேண்டும்.

நேற்று இரவில் இருந்து எழுந்த எதிர்ப்புகளையெல்லாம் ஏதோ சாதாரணமாக கொசு கடித்தாற்போன்று அலட்சியப்படுத்திய ஜெயலலிதா சன் மற்றும் கலைஞர் தொலைக்காட்சிகள் தே.மு.தி.க. அலுவலகம் முன்பாக அதன் தொண்டர்கள் காட்டியிருக்கும் எதிர்ப்புணர்வுக்கு பின்பு லேசாக இறங்கி வந்திருப்பதுபோல் தெரிகிறது. மாலைக்குப் பின்பு எதிர்க்கட்சிகளுடன் கூட்டணி பேசிக் கொண்டிருக்கிறார்களாம். 

இன்னொரு பக்கம் இத்தனை வருடங்களாக தனக்கென்று எந்த பிரதிபலனையும் எதிர்பார்க்காமல் எத்தனையோ இழப்புகளைத் தாங்கிக் கொண்டு ஆதரவை அளித்து வந்த வைகோ தனக்கு நேர்ந்த அவமானத்தைத் தாங்கிக் கொள்ள முடியாமல் வெளியில் தலை காட்டாமல் இருக்கிறார். தமிழகத்து அரசியலில் அவர் நிலைமை பரிதாபமானதற்கு காரணம் அவருடைய நியாயமான, நேர்மையான குணம்தான்..!

திருமாவளவனைப் போல காலையில் இலங்கை தூதரகத்தை அகற்று என்று முழங்கிவிட்டு மதியத்தில் அறிவாலயத்தில் போய் சாமி கும்பிடும் கேவலத்தைச் செய்யத் தெரியாததால்தான் வைகோ இன்றைக்கு இந்த லட்சணத்தில் இருக்கிறார். ஈழப் பிரச்சினை ஒன்றுதான் வைகோ இன்றைக்கு தமிழகத்தின் தனிப்பெரும் தலைவராக உருவெடுக்கவிடாமல் வைத்தது என்பது வரலாற்று உண்மை..!

இன்றைய நிலைமையே நாளையும் நீடித்து ஒருவேளை மூன்றாவது அணி அமையும்பட்சத்தில் இந்த இரண்டு கயவர்களையும் விரட்ட அந்த அணிக்கு ஆதரவு தர வேண்டியது நமது கடமை.. இதையும் நாம் செய்யவில்லையெனில் வருங்காலத்தில் நமது வாரிசுகளுக்கென்று மிச்சம் மீதி எதுவும் தமிழகத்தில் இருக்காது என்கின்ற உண்மையையும் நாம் இந்த நேரத்திலாவது உணர வேண்டும்.

இன்றைய நிலைமையே நிச்சயமாகத் தொடரும் என்றால் கருணாநிதியின் வெற்றியும் உறுதியானதுதான். இதற்கடுத்து அடுத்தாண்டு பெங்களூர் மத்திய சிறைச்சாலையில் ஜெயலலிதாவை காணும் பாக்கியம் அவர்தம் கட்சியினருக்கு நிச்சயமாக கிடைக்கும்..!

சொத்துக் குவிப்பு வழக்கு தனது இறுதிக் கட்டத்தை எட்டி விட்டது. ஆத்தாவின் தலைக்கு மேல் கத்தி தொங்கிக் கொண்டிருக்கிறது. இப்போதைய தேர்தல் நேரத்தை வைத்து வேண்டுமானால் மே மாதம் வரையிலும் விசாரணைக்கு ஆஜராகமாமல் ஜெயலலிதா தப்பிக்கலாம். ஆனால் ஜூன், ஜூலையில் நிச்சயமாக விசாரணை முடிந்துவிடும். விசாரணையின் முடிவும் நிச்சயமாக ஜெயலலிதாவுக்கு பாதகமாகத்தான் வரப் போகிறது என்றே நானும் நம்புகிறேன்.

ஊர்க் காசை அடித்து உலையில் போடும் வித்தையில் கரை கண்ட முதல் தமிழகத்து அரசியல் பெண்மணி என்ற கெட்ட பெயரோடு ஜெயலலிதா ஜெயிலுக்குள் வாசம் செய்யப் போவதும் உறுதிதான்..! இத்தனை விஷயங்கள் தனக்காகக் காத்திருக்கும்போது அதனை எதிர்கொள்ள எத்தனை ராஜதந்திர விஷயங்களை மேற்கொள்ள வேண்டும்..? கருணாநிதியிடம் இத்தனை நாட்களாக அரசியல் நடத்திய ஜெயலலிதா அவரிடம் கற்றுக் கொண்டதுதான் என்ன..?

கருணாநிதியாவது விஞ்ஞானி ரீதியாக ஊழல் செய்து இதுவரையில் மாட்டிக் கொள்ளாத புத்திசாலி. இதைக்கூட ஜெயலலிதா அவரிடம் கற்றுக் கொள்ளாமல் மாட்டிக் கொண்டதை நினைத்தால் சிரிப்பாகத்தான் இருக்கிறது.

நமக்கும் வேறு வழியில்லை.. இந்த இரண்டு கொள்ளைக் கூட்டக் கும்பல்களுக்கு மத்தியிலும் மாறி, மாறி அல்லல்பட வேண்டும் என்று நம் தலையில் எழுதப்பட்டிருக்கிறது..!

அனுபவிப்போம்..!

Tweet

கலைஞரின் வள்ளல்தனம்..! மருத்துவர் ராமதாஸின் சுதாரிப்பு..!

16-03-2011

என் இனிய வலைத்தமிழ் மக்களே..!

மருத்துவர் தமிழ்க்குடிதாங்கி அவர்கள், “குடியைப் புகுத்தி தமிழ்நாட்டை நாசமாக்கிய பெருமைக்குரியவர்” என்று அவராலேயே புகழப்பட்ட தாத்தாவிடமே, வாயெல்லாம் பல்லைக் காட்டி 30 தொகுதிகளை வாங்கியது மிகப் பெரிய சாமர்த்தியம்தான்..!

கழுவுகிற மீனில் நழுவுகிற மீனாக பாட்டாளி மக்கள் கட்சியைக் காட்டி காங்கிரஸை மிரட்டுகிற வேலையை தாத்தா செய்தபோதெல்லாம் பட்டென்று பலூனை உடைப்பதுபோல் வார்த்தைகளை வீசியெறிந்து கூட்டணி முறிந்தது என்ற நிலைமைக்குக் கொண்டு போயிருந்தார் மருத்துவர்.

ஆனாலும் விதி விடவில்லை. டெல்லி பாதுஷாக்களை ஒரு கட்டுக்குள் வைக்க வேண்டுமெனில் பக்கத்து வீட்டு பசுக்களை சீராட்டி, பாலூட்டி தேற்றி வைக்க வேண்டுமென்ற கணக்கை நன்கு அறிந்தவர் நமது தாத்தா. அதனால்தான் காங்கிரஸ் 90 தொகுதிகளுக்கு கணக்குப் போடுகிறது என்றவுடனேயே சாதாரணமாக கல்யாணப் பத்திரிகை அளிக்க வந்தவரையே மடக்கிப் போட்டு “கல்யாணப் பரிசாக தொகுதிகளை தருகிறேன். அள்ளிச் செல்லுங்கள்..” என்று வாரி வழங்கியனுப்பி வைத்தார் தாத்தா.

பாட்டாளி மக்கள் கட்சி கடந்து வந்த அரசியல் பாதை அப்படியொன்றும் மிக எளிதானதல்ல. எத்தனை, எத்தனை கூட்டணிகள்..? எத்தனை, எத்தனை தாவல்கள்..? அத்தனைக்கும் அடிப்படையில் இருந்தது, அவருடைய குடும்பப் பாசம் என்பதை அவராலேயே மறுக்க முடியாது..!

1991 சட்டமன்றத் தேர்தலில் முதல்முறையாக பா.ம.க. தனித்துப் போட்டியிட்டது. கட்சி சார்பாக பண்ருட்டி ராமச்சந்திரன் - ஒரே ஒரு எம்.எல்.ஏ.வாகத் தேர்வானார். அப்போது கட்சி வாங்கிய ஓட்டு சதவீதம் 5.91.

1996 சட்டமன்றத் தேர்தல். பா.ம.க. அப்போதும் தனித்துப் போட்டியிட்டு 4 தொகுதிகளில் வெற்றி பெற்றது. ஓட்டு சதவீதம் 3.84.

1998 - பாராளுமன்றத். தேர்தல். அ.தி.மு.க., பா.ஜ.க., ம.தி.மு.க. கூட்டணியுடன்  5 தொகுதிகளில் போட்டியிட்டதில் 4-ல் வெற்றி பெற்றது. தலித்எழில்மலை, என்.டி. சண்முகம், எம்.துரை, பாரிமோகன் ஆகிய நால்வரும் வெற்றி பெற்றவர்கள். ஓட்டு சதவீதம் 6.05.

1999-நாடாளுமன்றத் தேர்தலில் தி.மு.க. கூட்டணிக்குத் தாவியது. 8 தொகுதிகளில் போட்டியிட்டு 5 தொகுதிகளில் வெற்றி பெற்றது. என்.டி.சண்முகம், துரை, ஏ.கே.மூர்த்தி, பு.தா.இளங்கோவன், பொன்னுசாமி என்று ஐந்து எம்.பிக்கள். ஓட்டு சதவீதம் 8.21.

2001 சட்டமன்றத் தேர்தலில் அ.தி.மு.க., காங்கிரஸ் கூட்டணிக்குத் தாவியது. 27 இடங்களில் போட்டியிட்டு 22 இடங்களைக் கைப்பற்றியது. வாக்கு சதவிகிதம் 5.56.

2004 பாராளுமன்றத் தேர்தலில் திமுக, காங்கிரஸ், ம.தி.மு.க. கூட்டணிக்கு மறுபடியும் தாவியது. 6 இடங்களில் போட்டியிட்டு 6 இடங்களிலுமே வெற்றி கண்டது. வாக்கு சதவிகிதம் 6.71.

2006 சட்டமன்றத் தேர்தலில் தி.மு.க.-காங்கிரஸ் கூட்டணியில் இணைந்து தேர்தலை சந்தித்தது. 31 தொகுதிகளில் போட்டியிட்டு 18 சட்டமன்ற தொகுதிகளைக் கைப்பற்றியது பா.ம.க. பெற்ற வாக்கு சதவிகிதம் 5.65.

2009-ம் ஆண்டு நடந்த பாராளுமன்றத் தேர்தலின்போது அ.தி.மு.க. கூட்டணிக்குத் தாவியது பா.ம.க. ஆனால் அந்தத் தேர்தலில் தான் போட்டியிட்ட 6 தொகுதிகளிலுமே தோல்வியைத் தழுவியது. பெற்ற ஓட்டுக்களின் சதவிகிதம் 5.71.

இப்போது மறுபடியும் 2011-ம் ஆண்டு சட்டசபைத் தேர்தலில் கூட்டணியை தி.மு.க.வுடன் இடம் மாற்றியுள்ள பா.ம.க. போட்டியிடும் தொகுதிகள் இன்று அறிவிக்கப்பட்டுள்ளன.

தொகுதிகள் பட்டியல் :

1.திருப்போரூர்

2.செங்கல்பட்டு
 

3.காஞ்சிபுரம்
 

4.ஆற்காடு
 

5.போளூர்
 

6.ஜோலார்பேட்டை
 

7.செஞ்சி
 

8.மயிலம்
 

9.நெய்வேலி
 

10.மேட்டூர்
 

11.ஓமலூர்
 

12.எடப்பாடி
 

13.பவானி
 

14.தர்மபுரி
 

15.பூம்புகார்
 

16.திண்டுக்கல்
 

17.ஆலங்குடி
 

18.மதுரவாயல்
 

19.அணைக்கட்டு
 

20.ஜெயங்கொண்டம்
 

21.பர்கூர்
 

22.வேளச்சேரி
 

23.கும்மிடிப்பூண்டி
 

24.புவனகிரி
 

25.கோவில்பட்டி
 

26.திண்டிவனம்
 

27.சோழவந்தான்
 

28.வேதாரண்யம்
 

29.பரமத்திவேலூர்
 

30.பாலக்கோடு

எப்படியோ மருத்துவர் தான் நினைத்ததை சாதித்தபடியேதான் உள்ளார். இந்த முறையும் அலுங்காமல், குலுங்காமல் ராஜ்யசபா பதவியை தனது மகனுக்காக உறுதிப்படுத்திக் கொண்டுள்ளார்..!

“கலைஞரின் இனியவை நாற்பது ஒன்றே போதும் தமது கூட்டணி ஜெயிப்பதற்கு..” என்று பத்திரிகையாளர்களிடம் கூறியுள்ளார். அதே சமயம் “தற்போது தி.மு.க.வுடன் அமைந்துள்ள கூட்டணி வெறும் தேர்தல் கூட்டணி மட்டும்தான்” என்று உஷாராகவே பதில் சொல்லியுள்ளார் மருத்துவர். இதுவே வயிற்றைக் கலக்குகிறது. மனிதர் இப்படியே எத்தனை முறைதான் கூட்டணி மாறுவார்..? தாவுவதற்கு கூச்சப்படவே மாட்டேன்றாரே..!

தொகுதிப் பட்டியல்களில் திண்டுக்கல்லை பார்த்தவுடன் திகைப்பாக இருக்கிறது. அ.தி.மு.க., மார்க்சிஸ்ட் கம்யூனிஸ்ட் கட்சிகளுக்கு பலம் வாய்ந்ததாகவும், தற்போது தி.மு.க. வசமும் இருக்கும் அந்த ஊரில் பாட்டாளி மக்கள் கட்சியின் சார்பில் நிற்க ஆட்களும் இருக்கிறார்களா..? ஆச்சரியமாக இருக்கிறது..! தி.மு.க. நின்றால் ஒருவேளை தோற்கலாம் என்ற மனநிலையில் இவர்களிடம் தள்ளிவிட்டுவிட்டார்களோ.. தெரியவில்லை..!

இதே போல் ஆலங்குடி, மதுரவாயல், பர்கூர், வேளச்சேரி, கோவில்பட்டி, சோழவந்தான், வேதாரண்யம், பரமத்திவேலூர், பாலக்கோடு ஆகிய தொகுதிகளில் நிச்சயமாக கூட்டணிக் கட்சிகளின் தயவில்தான் பா.ம.க. வெற்றியைப் பற்றியே கனவு காண முடியும்..!

பிரதான கூட்டணிக் கட்சிகளையே மொத்தமாக வீட்டுக்கு அனுப்ப வேண்டும் என்கிற மனநிலையில் இருக்கின்ற நாம், இவர்களோடு கூட்டணியில் இணைந்ததற்காக இந்தக் கட்சியையும் வீட்டுக்கு அனுப்ப வேண்டியதுதான். வேறு வழியில்லை..!

Tweet

காங்கிரஸ் தொகுதிகள் பட்டியல்..! தோல்வியை உணர்ந்துவிட்ட தி.மு.க..!

15-03-2011

என் இனிய வலைத்தமிழ் மக்களே..!

காங்கிரஸ்காரர்கள் மட்டுமல்ல.. அ.தி.மு.க. கூட்டணிக் கட்சியினரும் ஆவலோடு எதிர்பார்த்தது காங்கிரஸ் போட்டியிடும் இடங்களின் பட்டியலைத்தான். இனி இதனை வைத்துத்தான் அ.தி.மு.க.வில் தொகுதிப் பங்கீட்டை முடிவு செய்வார்கள் என்று உறுதியாகச் சொல்லலாம்..!

ஆனால், இவர்களைவிடவும் ஈழத்துப் பிரச்சினையில் தமிழகத்து மக்களை கொத்துக் கொத்தாக சாகக் கொடுத்த கோபத்தில் காங்கிரஸை பழி தீர்க்கக் காத்திருக்கும் தமிழ் இன உணர்வாளர்கள்தான் ஆவலோடு எதிர்பார்த்துக் காத்துக் கொண்டிருந்தார்கள்.

இந்த லிஸ்ட்டை நேற்று நள்ளிரவிலேயே வரிசையாக மாவட்ட வாரியாக செல்போன் மெஸேஜில் வெளியிட்டு புண்ணியத்தைக் கட்டிக் கொண்டார்கள் தமிழக காங்கிரஸ் கட்சியினர். இன்று மாலை அனைத்து கூட்டணிக் கட்சிகளுக்குமாக சேர்த்து அறிவிக்கப்பட இருந்த காங்கிரஸ் பட்டியலை அவசரம் கருதியே காலையில் வெளியிட்டிருக்கிறார்கள்.

மாவட்டம் வாரியாக முழுப் பட்டியல் இதோ :

சென்னை மாவட்டம்

1. தி.நகர்
2. அண்ணா நகர்
3. ராயபுரம்
4. மைலாப்பூர்
5. திரு.வி.க.நகர் (தனி)

திருவள்ளூர் மாவட்டம்

6. ஆவடி
7. பூந்தமல்லி (தனி)
8. திருத்தணி

காஞ்சிபுரம் மாவட்டம்

9. மதுராந்தகம் (தனி)
10. ஆலந்தூர்
11. ஸ்ரீபெரும்புதூர் (தனி)

வேலூர் மாவட்டம்

12. வேலூர்
13. சோளிங்கர் 
14. ஆம்பூர்

திருவண்ணாமலை மாவட்டம்

15. செங்கம் (தனி)
16. செய்யார்
17. கலசப்பாக்கம்

கடலூர் மாவட்டம்

18. விருத்தாச்சலம்

விழுப்புரம் மாவட்டம்

19. ரிஷிவந்தியம்

கிருஷ்ணகிரி மாவட்டம்

20. கிருஷ்ணகிரி
21. ஓசூர்

சேலம் மாவட்டம்

22. சேலம் (வடக்கு)
23. ஆத்தூர் (தனி)

நாமக்கல் மாவட்டம்

24. திருச்செங்கோடு

கோவை மாவட்டம்

25. சிங்காநல்லூர்
26. வால்பாறை (தனி)
27. தொண்டாமுத்தூர்

திருப்பூர் மாவட்டம்

28. திருப்பூர் (தெற்கு)
29. அவினாசி (தனி)
30. காங்கேயம்

ஈரோடு மாவட்டம்

31. மொடக்குறிச்சி
32. ஈரோடு (மேற்கு)

நீலகிரி மாவட்டம்

33. ஊட்டி

திண்டுக்கல் மாவட்டம்

34. நிலக்கோட்டை (தனி)
35. வேடசந்தூர்

நாகப்பட்டினம் மாவட்டம்

36. மயிலாடுதுறை

தஞ்சாவூர் மாவட்டம்

37. பேராவூரணி
38. பட்டுக்கோட்டை
39. பாபநாசம்

திருவாரூர் மாவட்டம்

40. திருத்துறைப்பூண்டி (தனி)

புதுக்கோட்டை மாவட்டம்

41. அறந்தாங்கி
42. திருமயம்

பெரம்பலூர் மாவட்டம்

43. அரியலூர்

கரூர் மாவட்டம்

44. கரூர்

திருச்சி மாவட்டம்

45. முசிறி
46. மணப்பாறை

மதுரை மாவட்டம்

47. மதுரை (மேற்கு)
48. மதுரை (வடக்கு)
49. திருப்பரங்குன்றம்

ராமநாதபுரம் மாவட்டம்

50. ராமநாதபுரம்
51. பரமக்குடி (தனி)

சிவகங்கை மாவட்டம்

52. சிவகங்கை
53. காரைக்குடி

விருதுநகர் மாவட்டம்

54. விருதுநகர்

தூத்துக்குடி மாவட்டம்

55. விளாத்திகுளம்
56. ஸ்ரீவைகுண்டம்

நெல்லை மாவட்டம்

57. வாசுதேவநல்லூர் (தனி)
58. கடையநல்லூர்
59. நாங்குநேரி
60. ராதாபுரம்

கன்னியாகுமரி மாவட்டம்

61. குளச்சல்
62. விளவங்கோடு
63. கிள்ளியூர்

தர்மபுரி, தேனி ஆகிய மாவட்டங்களில் மட்டுமே காங்கிரஸுக்கு தொகுதிகள் கிடைக்கவில்லை. மற்றபடி பரவலாக பல மாவட்டங்களிலும் இடங்களைப் பெற்றிருக்கிறது..!

காங்கிரஸின் இந்த தொகுதி வேட்டையில் பழைய காங்கிரஸ் தொகுதிகளில் (மறுசீரமைப்பில் மிச்சம் மீதியிருக்கும் தொகுதிகளில்) அதே வேட்பாளர்கள் நின்று தொலைக்கலாம். ஆனால் விடியல் சேகருக்கும், வேலூர் ஞானசேகரனுக்கும் நிச்சயமாக பலத்த எதிர்ப்பு கிளம்பும். வேலூர் ஞானசேகரன் 20 ஆண்டுகளாக சட்டமன்ற உறுப்பினராக உள்ளார். அத்தோடு தீவிரமான கருணாநிதியின் அபிமானி என்பதால் இந்த முறை அவருக்கு சீட் கொடுக்கக் கூடாது என்று காங்கிரஸ் தொண்டர்கள் பலத்த எதிர்ப்புணர்வோடு இருக்கிறார்கள்..

சென்ற தேர்தலின்போதே இறுதிக் கட்டத்தில் வேலூரில் உண்ணாவிரதம், பந்தல் எரிப்பு, கட்சி அலுவலகம் தாக்கு என்று சகலத்தையும் செய்து கருணாநிதியின் கடைக்கண் பார்வையினால்தான் ஞானசேகரன் சீட்டை வாங்கினார். இம்முறை எப்படியோ..?

ஆற்காடு வீராசாமி இத்தேர்தலில் நிற்கப் போவதில்லை என்பதால் அண்ணா நகர் மிக எளிதாக ஒதுக்கப்பட்டிருக்கும் என்று நினைக்கிறேன்..! ஆலந்தூர் தொகுதி அமைச்சர் தா.மோ.அன்பரசன் நின்று ஜெயித்த தொகுதி. இப்போது அமைச்சர் அன்பரசன் புதிதாக உருவாகியுள்ள பல்லாவரம் தொகுதிக்கு இடம் மாறப் போவதாகத் தகவல்.. மைலாப்பூர் எஸ்.வி.சேகருக்கே மீண்டும் கிடைக்கலாம்..!

சென்ற 2006 சட்டப் பேரவைத் தேர்தலில் காங்கிரஸ் வெற்றி பெற்ற தொட்டியம், சாத்தான்குளம், சேரன்மாதேவி ஆகிய தொகுதிகள் தற்போதைய தொகுதி மறுசீரமைப்பில் நீக்கப்பட்டுவிட்டதால் இத்தொகுதிகளில் நின்று ஜெயித்த ராஜசேகரன், ராணி வெங்கடேசன், வேல்துரை ஆகியோர் வேறு தொகுதிகள் தேட வேண்டியதுதான்..! இதேபோல் விடுதலைச் சிறுத்தைகள் சார்பில் மங்களூரில் நின்று ஜெயித்து தற்போது காங்கிரஸில் அடைக்கலமாகியிருக்கும் செல்வமும் அத்தொகுதி நீக்கப்பட்டுவிட்டதால் வேறு தொகுதி தேடுகிறார்..!

இந்தப் பட்டியலில் அத்தனை அரசியல் பார்வையாளர்களையும் அதிர்ச்சிக்குள்ளாக்கியிருப்பது சென்னையிலேயே 5 தொகுதிகளை காங்கிரஸ் பக்கம் தள்ளிவிட்டிருப்பதைத்தான்..!

எம்ஜிஆர் காலத்திலேயே சென்னை மாநகரம் தி.மு.க.வின் கோட்டையாகக் கருதப்பட்டது.. அப்பேர்ப்பட்ட தி.மு.க. இன்றைக்கு சென்னையை விட்டுக் கொடுத்து அண்டை, அசலூர்களுக்கு நகர வேண்டிய கட்டாயம் வந்தது அக்கட்சியின் துரதிருஷ்டம்தான்..!

படித்தவர்கள் அதிகம் உள்ளவர்கள் என்பதால்தான் சென்னையில் தி.மு.க.வுக்கு ஓட்டுக்கள் அதிகம் கிடைக்கிறது என்பது பரவலான பேச்சு. அப்படியிருக்க சென்னையை கூட்டணிக் கட்சியிடம் தள்ளிவிட வேண்டிய அவசியமென்ன என்பதை யோசித்துப் பார்த்தால் தி.மு.க.வினரின் பயம் தெள்ளத் தெளிவாகத் தெரிகிறது..

தாத்தா திருவாரூர் ஓடுகிறார் என்கிறார்கள். இருப்பதிலேயே மிகக் குறைந்த பரப்பளவுடைய தொகுதியாக சென்னையில் அவருக்காக காத்திருக்கும் சேப்பாக்கம்-திருவல்லிக்கேணி தொகுதியைக் கைவிட்டுவிட்டு தனது இறுதிக் காலத்தில் சொந்த ஊர் தேடி ஓட வேண்டிய நிலைமையை நினைத்தால் பரிதாபமாகத்தான் உள்ளது..!

வருங்கால முதல்வர் தளபதி ஸ்டாலினே ஆயிரம் விளக்கை கை விட்டுவிட்டு பாளையங்கோட்டை பக்கம் ஓட முயல்வதாகத் தகவல்கள்..! இவர்களை இப்படியெல்லாம் ஓட, ஓட விரட்டும் எண்ணத்தை உருவாக்கியவிதத்திலேயே ஸ்பெக்ட்ரம் ஊழலை வெளிக்கொணர்ந்தவர்கள் பாராட்டுக்கு உரியவர்கள்..!

ஸ்பெக்ட்ரம் ஊழலால் நாறிப் போயிருக்கும் இந்த நேரத்தில் சென்னை போன்ற படித்தவர்கள் அதிகம் உள்ள நகரங்களில் நமக்கு நாஸ்திதான் என்பதை தி.மு.க. தலைமை இப்போதே உணர்ந்துவிட்டது தெள்ளத் தெளிவாகத் தெரிகிறது..!

போதாக்குறைக்கு இலவசமாக டிவி கொடுத்து அதன் மூலமாக ஜெயா செய்திகள் மூலமாகவும், இதர தொலைக்காட்சி செய்திகளின் மூலமாக ஸ்பெக்ட்ரம் ஊழலை ஒவ்வொரு குடிசை வீட்டிலும் கொண்டு போய்ச் சேர்த்து தன் தலையில் தானே மண்ணையள்ளிப் போட்டிருக்கும் இந்தத் தருணத்தில் தி.மு.க.வின் இந்த முடிவு கொஞ்சம் புத்திசாலித்தனமானதுதான்.

தி.மு.க., காங்கிரஸைவிடவும் ஓட்டுப் போடக் காத்திருக்கும் மக்களாகிய நாம் இன்னமும் அதீத புத்திசாலித்தனத்துடன், தி.மு.க. தலைமையிலான கூட்டணிக்கு இத்தேர்தலில் பட்டை நாமம் போட வேண்டியது நமது கடமையாகும்..!

Tweet