நடுவுல கொஞ்சம் பக்கத்தைக் காணோம் - கண்டுபிடிங்க..!

16-07-2012

என் இனிய வலைத்தமிழ் மக்களே..!

கதைக்காகவும், திரைக்கதைக்காகவும்கூட இத்தனை யோசிக்க மாட்டார்கள் நமது தமிழ்ச் சினிமா இயக்குநர்கள். நல்ல தலைப்பு கிடைக்க அல்ல்லோகப்படுகிறார்கள். பழைய புத்தகக் கடைகளில் இருந்து பழைய புத்தகங்களை எடைக்கு எடை போட்டு வாங்கி வந்து புரட்டு புரட்டு என்று புரட்டி ஆளுக்கு பத்து தலைப்பு சொல்லணும் என்பதெல்லாம் பல இயக்குநர்கள் தங்களது உதவி இயக்குநர்களுக்கு சொல்லியிருக்கும் உத்தரவு..!

சில சமயங்களில் நல்ல தலைப்பு கிடைக்காவிட்டால்கூட அதை கடைசியா பார்த்துக்கலாம் என்று சொல்லிவிட்டு ஷூட்டிங்கை நடத்தியவர்களும் உண்டு..! பல நேரங்களில் இந்தத் தலைப்புதான்யா நல்ல சினிமாவுக்கும், கெட்ட சினிமாவுக்கும் அடையாளமா இருந்து தொலையுது.. ‘இன்பநிலா’ என்ற டைட்டிலை வைச்சா கேட்டவுடனேயே இது மஜா படம்னு வீட்ல இருக்குற பொம்பளைங்களே சொல்லிருவாங்க.. ‘வழக்கு எண் 18/9’ என்றவுடன் ஏதோ படத்துல இருக்கு போல என்ற எண்ணத்தைத் தோற்றுவிக்கவும் செய்யும்..!

வித்தியாசமாக யோசிப்பதாக நினைத்து............. 

“அட்டக்கத்தி

என் புகைப்படம்

ஏதோ செய்தாய் என்னை

கண்டுபிடிச்சிட்டேன்

கள்ளச் சிரிப்பழகா

கோயம்பேடு பேருந்து நிலையம்

செம்பட்டை

தேன்மொழி தஞ்சாவூர்

நானே உன் உபகாரி

நீ எனக்காக மட்டும்

படம் பார்த்து கதை சொல்

மதுபானக் கடை

ரதினா-நான் சுப்ரமணியம் பேசுறேன்

வெட்கத்தைக் கேட்டால் என்ன தருவாய்

வவ்வால் பசங்க” 

- இப்படியெல்லாம் தலைப்புகளை வைச்சு கொளுத்தியிருக்காங்க..!

இதுல இன்னொரு லேட்டஸ்ட் வரவு ‘நடுவுல கொஞ்சம் பக்கத்தைக் காணோம்’. சென்னை தரமணி திரைப்படக் கல்லூரியில் இயக்குநர் கல்வி படித்த பாலாஜி தரணிதரனி முதல் படம் இது. இவர் ஏற்கெனவே ‘வர்ணம்’, ‘ஏன் இப்படி மயக்கினாய்’ ஆகிய படங்களுக்கு வசனம் எழுதியுள்ளார். இதில் ஹீரோவா நடிக்கிறது ‘தென்மேற்குப் பருவக் காற்று’ படத்தின் ஹீரோ விஜய் சேதுபதி. பெங்களூர் பொண்ணு காயத்ரிதான் ஹீரோயின். எல்லாரையும் அண்ணன்னு கூப்பிட்டு நோகடிச்சிருச்சு. என்னையும் சேர்த்துதான்..!

இந்தப் படத்துக்காக ஸ்கிரிப்ட் எழுத, படிக்க, திருத்தம் செய்ய, ரிகர்சல் செய்ய ஒரு வருஷம் டிரெயினிங் எடுத்திட்டு, அப்புறமாத்தான் கேமிரா முன்னாடி வந்திருக்காங்க. பசங்க படத்தோட ஒளிப்பதிவாளர் பிரேம்குமார்தான் இந்தப் படத்தையும் ஒளிப்பதிவு செஞ்சிருக்காரு.  

இந்தப் படத்துக்கு நிகில் முருகன்தான் பி.ஆர்.ஓ.  என்பதால் உலக நாயகன் கமல்ஹாசனை இந்தக் குழு சந்தித்து அவர் கையாலேயே ஆடியோவை ரிலீஸ் செய்ய வைத்துவிட்டார்கள். கமலும் டிரெயிலரை பார்த்துவிட்டு படத்துல என்னவோ இருக்குன்னு பாராட்டிப் பேசியிருக்காரு..!

டிரெயிலர் காட்டுனாங்க.. முதல் ஷாட்டிலேயே “என்ன இது” என்கிறார் ஹீரோ புரியாமல். சுற்றியிருந்தவர்கள் முழிக்க.. டிரெயிலர் முழுவதையும் பார்த்த பின்பு ஹீரோ ஏதோவொரு விபத்தில் அடிபட்டு செலக்டிவ் அம்னீஷியாவால் பாதிக்கப்பட்டு அதன் விளைவுகள்தான் படத்தின் கதையாக இருக்கும் என்பது எனது அனுமானம்..!

“நல்லா போய்க்கிட்டிருக்கிற வாழ்க்கைல திடீர்ன்னு, நீங்க கடந்து வந்த 10 வருஷம் மட்டும் உங்களுக்கு ஞாபகமில்லைன்னா அதுனால என்னென்ன பாதிப்புகள் வரும்..? அதுதான் ஸார் கதை..”ன்னு ரொம்ப நோண்டி நோண்டி கேட்ட பின்னாடிதான் இயக்குநர் சொன்னாரு.. ஸோ.. இந்த செலக்டிவ் அம்னீஷியா சப்ஜெக்ட் நமக்கு புதுசுன்னு நினைக்கிறேன். பட்.. மத்த மொழிகளுக்கு நிச்சயமா இருக்காது..! 

இந்த நேரத்துல சில ஆண்டுகளுக்கு முன்பு சென்னை பிலிம் பெஸ்டிவலில் பைலட் தியேட்டரில் பார்த்த ஒரு படம் இப்போ ஞாபகத்துக்கு வருது..! ஏதோ ஒரு தென் அமெரிக்கா நாட்டு படம். கியூபான்னு நினைக்கிறேன்.  


படத்தின் துவக்கக் காட்சியே மருத்துவனையில் ஆரம்பிக்கும். ஹீரோ ஆக்சிடெண்ட்டாகி சிகிச்சையில் இருக்கிறார். அவருடைய குடும்பத்தினர், நண்பர்கள், லவ்வரான ஹீரோயின், இவளுடைய பெற்றோர் என்று பெரும் கூட்டமே திரண்டிருக்கும்.. அன்றைக்குத்தான் கண் விழித்திருக்கிறான் ஹீரோ. 

அம்மா, அப்பா, நண்பர்கள் அனைவரையும் பார்த்து அடையாளம் தெரிந்து கொள்பவன், ஹீரோயினை மட்டும் “யார் இந்தப் பொண்ணு..?” என்கிறான். ஹீரோயினுக்கு பக்கென்றாகிறது. “இவ உன் லவ்வர். உனக்கும் இவளுக்கும் நிச்சயத்தார்த்தமெல்லாம் நடந்திருச்சு...” என்கிறார்கள். “அப்படியா..? எப்போ? எனக்குத் தெரியாதே..?” என்கிறான் ஹீரோ. ஹீரோயின் மயக்கம போட்டு விழுக.. அவளைத் தூக்கி அடுத்த பெட்டில் படுக்க வைத்து ஆசுவாசப்படுத்துகிறார்கள்.

மருத்துவர்கள் ஓடோடி வந்து ஹீரோவை செக்கப் செய்ய.. “அவன் செலக்டிவ் அம்னீஷியாவால் பாதிக்கப்பட்டுள்ளான்..” என்கிறார் டாக்டர். “கல்லூரியில் இருந்து வெளியில் வந்த வருடம் வரையிலும்தான் அவனுக்கு நினைவுகள் இருக்கு. அதுக்குப் பின்னாடி நடந்த்தெல்லாம் அவன் நினைவில் இல்லை” என்கிறார் டாக்டர். ஹீரோயினுக்கு மீண்டும் மயக்கம். 

ஹீரோவை வீட்டுக்கு அழைத்துச் சென்று மன நல சிகிச்சை அளிக்கச் சொல்கிறார்கள். ஹீரோயினை முதன் முதலில் சந்தித்த இடம்.. வாங்கிக் கொடுத்த பரிசுப் பொருட்கள்.. கட்டிலில் கட்டிப் புரண்ட மாதிரியான புகைப்படங்கள் என்று எல்லாத்தையும் பார்த்த பின்பும் ஹீரோவுக்கு மனசில்லை.. “உன்னை எனக்குப் பிடிக்கலை” என்று ஹீரோயினிடம் சொல்லிவிடுகிறான்.

நெருங்கிய நண்பர்களை “அட்டுகளா இருக்கீங்க.. ஒருத்தனுக்குக்கூட டீஸண்ஸி தெரியலை.. உங்க்கூடவெல்லாம் நான் சகவாசம் வைச்சுக்க முடியாது”ன்னு சொல்லி கட் பண்றான். இந்த நேரத்துலதான் ஒரு வில்லன் இடைல புகுர்றாரு.. அந்த ஊர்லேயே பிரபலமான போதை மருந்து கடத்தல்காரனான அவன், ஹீரோ வீட்டுக்கு வந்து அவனை பத்தி விசாரித்து அவனுக்கான மருத்துவச் செலவுக்குரிய பணத்தையும் கொடுக்குறாரு..! இதை அந்த ஊர் ரகசிய போலீஸ் ஒருத்தர் பார்த்து தனது மேலதிகாரிகளுக்கு தகவலை பாஸ் செய்ய.. காரணம் இல்லாம நம்மூர் டான் தெருவுல கால் வைக்க மாட்டான். ஹீரோவையும் வாட்ச் பண்ணுங்கன்னு சொல்ல.. வீட்டைச் சுற்றிலும் போலீஸ்.. வீட்டு உறுப்பினர்கள் எங்கே போனாலும் போலீஸ் பின் தொடர்கிறது..!

இந்த நேரத்துல திடீர்ன்னு ஒரு சூப்பர் மார்க்கெட்டுக்கு ஹீரோவை வரச் சொன்ன வில்லன், அங்கேயிருந்து ஹீரோவை கடத்துறான். போலீஸும் துரத்துது. ஆனா பிடிக்க முடியலை. இப்போ போலீஸுக்கு ஒரு க்ளூ கிடைக்குது.. பக்கத்து ஊர்ல நடந்த ஒரு பெஸ்டிவல் சமயத்துல அங்க பிரபலமான 2 போதை மருந்து ஏஜெண்ட்டுகள் யாராலோயோ கொல்லப்பட்டுட்டாங்க. அந்த நேரத்துல அந்த ஊர்ல வில்லனும் இருந்திருக்காரு. அதேபோல ஹீரோவும், அவன் லவ்வரும்கூட அதே ஹோட்டல்ல தங்கியிருந்திருக்காங்கன்றதை போலீஸ் கண்டுபிடிச்சிர்றாங்க.

இப்போ போலீஸ் டைரக்டா ஹீரோ வீட்டுக்குள்ள வந்து சர்ச் பண்றாங்க. போதை மருந்து எதையும் கண்டுபிடிக்க முடியலை. ஆனா ஒரு வீடியோ கேஸட் மட்டும் சிக்குது..! அதை எடுத்துப் பார்த்தா அது ஒரு மலை உச்சில ஹீரோவும், ஹீரோயினும் ரொமான்ஸ் செய்யும்போது எடுத்தது..! எதுக்கும் இருக்கட்டும்னு ஒரு நல்ல போலீஸ் அதை எடுத்திட்டுப் போயிடறாரு..!

இன்னொரு பக்கம் வில்லன், ஹீரோகிட்ட போனை கொடுத்து ஹீரோயின்கிட்ட அன்பா பேசி “அவளை நம்ம பக்கம் வரச் சொல்லு..” என்கிறான். ஹீரோ ஏன் எதுக்குன்னு நூறு கேள்வி கேக்குறான். சொன்னதை செய்யுன்னு அவன் தலைல நாலு தட்டு தட்ட.. ஹீரோயினுக்கு போனை போட்டு வரச் சொல்றான் ஹீரோ. இதையும் போலீஸ் மோப்பம் புடிச்சு.. ஹீரோயினை பாதி வழிலேயே அவங்க கடத்திர்றாங்க.. “இனிமே நாங்க சொல்ற மாதிரி நடந்தா ஹீரோவை நாங்க காப்பாத்தி தர்றோம்”னு ஹீரோயின்கிட்ட போலீஸ் சொல்லுது. ஹீரோயின் ஒத்துக்குறா..

ஹீரோவும், ஹீரோயினும் ஒரு ரெஸ்ட்டாரெண்ட்ல சந்திக்கிறாங்க.  சுத்தி போலீஸ். இன்னொரு பக்கம் வில்லன் ஆளுங்க.. ஹீரோயின் தாங்கள் கில்மா செஞ்ச வீடியோ கேஸட்டை, ஹீரோகிட்ட கொடுத்து “இதைப் பார்த்திட்டாவது என்னைப் புரிஞ்சுக்க”ன்னு சொல்றா.. ஹீரோ அந்த கேஸட்டை வாங்கிக்கிட்டு அவளையும் கூப்பிட்டுக்கிட்டு போலீஸ்கிட்டேயிருந்து தப்பிச்சு வில்லன் வீட்டுக்கு வர்றாரு..

அங்க அந்த வீடியோ கேஸட்டை போட்டுப் பார்த்தால் கடைசி சில வினாடிகள்ல அந்த மலைக்கு கீழ 2 பேரை 6 பேர் கொண்ட கும்பல் ஒண்ணு அடிச்சு உதைக்குறது பதிவாகியிருக்கு.. அதுல ஒருத்தன் தன்னோட துப்பாக்கியால ரெண்டு பேரையும் சுட்டுக் கொல்றான். இதுவும் கேஸட்ல பதிவாகியிருக்கு. அதை ஜூம் பண்ணிப் பார்த்தா அது வில்லன். இதைப் பார்த்து ஹீரோவும், ஹீரோயினும் ஷாக்காக.. இப்போ வில்லன் சிரிக்கிறாரு.. “இதுக்காகத்தான் இத்தனை கஷ்டமும்..! என் ஏஜெண்டுகதான் அவனுக.. கமிஷன் கூட வேணும்னு கேட்டு தகராறு செஞ்சானுக.. அதான் போட்டுத் தள்ளிட்டேன். அதை நீங்க ரெண்டு பேரும்தான் அதைப் பார்த்துட்டீங்க. உங்களைத் தேடுறதுக்கே எனக்கு இத்தனை நாளாயிருச்சு.. இப்போ உங்களையும் மேல அனுப்பப் போறேன்”னு சொல்றான். 

வீடியோவை பார்த்த ஷாக்குல ஹீரோவுக்கு திடீர் ஞானோதயம் பிறக்குது. எத்தனை காதலோட இவளோட படுத்து உருண்டிருக்கோம்னு நினைச்சவன், வில்லனை தாக்கிட்டு ஹீரோயினைக் கூட்டிக்கிட்டு தப்பிச்சிர்றாரு. அந்த அவசரத்துல அந்த வீடியோ கேஸட்டை எடுக்க மறந்திர்றாங்க..  தன் வீட்டுக்கு போன் செஞ்சு தான் பக்கத்து ஊருக்கு போறேன்னு ஹீரோ சொல்ல.. இதை போலீஸ் ஒட்டுக் கேட்டு அவர்களை விரட்டுது.. இன்னொரு பக்கம் வில்லனும் அவன் கோஷ்டியோட விரட்டுறான்..  

ஒரு கரும்புக் காடு. ஒரு பக்கம் போலீஸ் வருது.. இன்னொரு பக்கம் வில்லன் கோஷ்டி வருது.. கரும்புத் தோட்டத்துக்குள்ள ஹீரோவும், ஹீரோயினும் நுழைஞ்சு பதுங்குறாங்க. போலீஸ் சுத்தி வளைக்குது.  போலீஸுக்கு ஹீரோ மேல சந்தேகம்.. ஹீரோயினை கடத்திட்டுப் போறான்னு நினைக்கிறாங்க. வில்லனுக்கோ ஹீரோ, ஹீரோயினோட போலீஸ்ல சரண்டராகப் போறான்.. அதுக்குள்ள அவனை போட்டுத் தள்ளிரணும்னு நினைக்குறாங்க.. ரெண்டு பக்கமும் புல்லட்டுக தாறுமாறா பறக்குதுக.. இடைல இந்த 2 பேரும் மாறி மாறி ஓடி, ஓடி தப்பிக்கிறாங்க.. கடைசீல வில்லன் கோஷ்டிகிட்ட ஹீரோயினும், போலீஸ்கிட்ட ஹீரோவும் மாட்டிக்கிறாங்க. 

இப்போ நேருக்கு நேர் பஞ்சாயத்து நடக்குது.. ரெண்டு தரப்பும் துப்பாக்கியை கீழ போட்டுட்டு நாட்டாமை பட பாணில பஞ்சாயத்து பேசுறாங்க..! ஹீரோவை கொடுத்திட்டா ஹீரோயினை கொடுக்கிறதா வில்லன் சொல்றான். எப்படியாவது தப்பிக்கணும்னு நினைக்கணும்னு நினைச்ச ஹீரோ தானே வில்லன்கிட்ட சரண்டராகுற மாதிரி பாவ்லா பண்றான்.. ஹீரோயினும், ஹீரோவும் நேருக்கு நேரா வர்றாங்க. சுத்தி போலீஸும், வில்லன் ஆட்களும் கைல துப்பாக்கி இல்லாம..! 

ஹீரோ, ஹீரோயின் பக்கத்துல வந்ததும் கையைப் பிடிச்சிட்டு வேற பக்கம் ஓட ஆரம்பிக்கிறாங்க. போலீஸும், வில்லன் கோஷ்டியும் துப்பாக்கியை எடுத்திட்டு துரத்த ஆரம்பிக்க.. அதுக்குள்ள ஒரு துப்பாக்கியை எடுத்த ஹீரோ, வில்லன் கால்ல சுட்டுர்றாரு.. வில்லன் கீழே விழுக.. வில்லன் ஆட்கள் போலீஸை சுட ஆரம்பிக்கிறாங்க. போலீஸ், வில்லன் ஆட்களை சுட துவங்க.. ஹீரோவும், ஹீரோயினும் கரும்புக் காட்டுக்குள்ள ஓடி எஸ்கேப்பாகுறாங்க..!

ஒரு வழியா துப்பாக்கி சண்டை ஓய்ஞ்சு வில்லன் கோஷ்டி மொத்தத்தையும் போலீஸ் போட்டுத் தள்ளிட்டு ரோட்டுக்கு வர.. அங்கே நடுரோட்டுல நின்னு கிஸ் அடிச்சிட்டிருக்காங்க ஹீரோவும், ஹீரோயினும்.. போலீஸ் அவங்களை சுத்தி வளைச்சு துப்பாக்கியை நீட்ட.. இனிமேல் என்ன இருக்கு என்பதை போல் அவர்கள் பார்க்க.. அடுத்தக் காட்சியில் அவர்களுடைய கில்மா கேஸட் போலீஸ் தலைமையக கான்பரன்ஸ் ரூம் ஸ்கிரீன்ல ஓடிக்கிட்டிருக்கு.  அத்தனை போலீஸும் ஜொள்ளுவிட்டு பார்த்துக் கொண்டிருக்க.. ஹீரோவும், ஹீரோயினும் மட்டும் எதைப் பற்றியும் கவலைப்படாமல் முத்தமிட்டுக் கொண்டிருக்கிறார்கள்..! கேமிரா அப்படியே பேக் ஜூம்மாகி ஜன்னலுக்கு வந்து அப்படியே தரையிரங்க.. படமும் முடிஞ்சிருச்சு..!

முதல் 20 நிமிடங்கள் மட்டும்தான் படம் ஸ்லோ.. அதுக்கப்புறம்  திரைக்கதைல அவ்வளவு ஸ்பீடு..! என்னால் மறக்க முடியாத படங்களில் இதுவும் ஒன்று.. இதனை வாசிக்கும் அன்பர்கள், யாரேனும் இந்தப் படத்தைப் பார்த்திருந்தால் கொஞ்சம் படத்தின் பெயரைச் சொல்லுங்கள்.. புண்ணியமா போவும்..!

அதுக்காக, இந்தப் படத்தோட காப்பிதான் வரப் போற நடுவுல கொஞ்சம் பக்கத்தைக் காணோம் படம்னு நான் சொல்ல வரலை..! இந்தக் கதையை கேட்கும்போது நான் பார்த்த இந்தப் படம் நியாபகத்துக்கு வந்துச்சுன்னுதான் சொல்ல வந்தேன். அம்புட்டுத்தான்..!

Tweet

ஆரண்ய காண்டம் - சினிமா விமர்சனம்

15-06-2011

என் இனிய வலைத்தமிழ் மக்களே..!

சிறந்த படம், மிகச் சிறந்த படம், உள்ளூர் தரம், இந்தியத் தரம், உலகத் தரம் என்று எத்தனை வகைகளில் பிரித்துப் பார்த்தாலும் இத்திரைப்படம் தமிழ்ச் சினிமாவுலகில் சினிமா விமர்சகர்களால் மட்டுமே கொண்டாடப்படக் கூடிய ஒரு எதார்த்தவாத திரைப்படம்தான்.. அதில் சந்தேகமில்லை..!

வெற்றி, தோல்வி என்கிற இரண்டு அம்சத்தை மையமாக வைத்து பார்த்தீர்களேயானால் இது நிச்சயமாக வணிக ரீதியாக தோல்வியடைந்த படம். ஆனால் படம் பார்த்தவர்களை சிறிதளவேனும் பிரமிக்க வைத்திருக்கிறது..! அதே சமயம் கோடிக்கணக்கான தமிழர்களை பார்க்க வைத்திருக்க வேண்டிய இத்திரைப்படத்தைத் தயாரித்தவர்களே, சில ஆயிரம் பேர் இந்தப் படத்தைப் பார்த்தாலே போதும் என்று நினைத்து செயல்பட்டதினால் தங்களுக்குக் கிடைக்க வேண்டிய கிரீடத்தை தாங்களே இழந்துவிட்டிருக்கிறார்கள்.

2008-ம் ஆண்டு டிசம்பர் மாதம் பூஜை போடப்பட்ட இத்திரைப்படம்   மூன்றாண்டுகள் கழித்து தற்போதுதான் வெளியாகியுள்ளது. ஒரு திரைப்படத்தைத் தயாரிப்பது என்பது பிள்ளை பெறுகின்ற அவஸ்தையைப் போன்றதுதான்..! ஆனாலும், சினிமா மீதிருக்கும் ஆர்வத்தில் தயாரித்தே தீர வேண்டும் என்ற நோக்கில் செயல்பட்டிருக்கும் இதன் தயாரிப்பாளருக்கு எனது சல்யூட்..!

அதே சமயம்.. முழுக்க, முழுக்க வணிகம் சார்ந்த இத்தொழிலில் தங்களை ஸ்திரப்படுத்திக் கொள்ளாமல், நல்ல சினிமாவைப் பற்றிச் சிந்தித்து தங்களைத் தியாகியாக்கிக் கொள்வது முட்டாள்தனம் என்றே நான் கருதுகிறேன்.

தான் ஆசை, ஆசையாகத் தனது குருநாதரின் பெயரில் கட்டியமைத்து குருபக்திக்கு உதாரணத்தைக் காட்டிய பாடும் நிலா திரு.எஸ்.பி.பாலசுப்பிரமணியன், தனது மகனின் இந்த சினிமா ஆர்வத்திற்காக சமீபத்தில் தனது கோதண்டபாணி ரிக்கார்டிங் ஸ்டூடியோவையே அடிமாட்டு விலைக்கு விற்றுவிட்டு தனது கடனை அடைத்திருக்கிறார் என்பது வருத்தமான விஷயம்தான்..!

தனது பெரும் சொத்துக்களை இழந்துதான் இத்திரைப்படம் இப்போது வெளி வந்திருக்கிறது என்கிற ஒரு விஷயம் அவருக்குப் பெருமையோ இல்லையோ.. என்னைப் போன்றவர்களுக்கு நிச்சயம் வருத்தம்தான். இடையில் வந்த நாணயம் திரைப்படமும் பெரும் அளவுக்கு நஷ்டத்தைக் கொடுத்த காரணத்தினால் இத்திரைப்படத்தை உருவாக்குவதிலும் பல இடர்பாடுகள்.. அத்தனையையும் தாண்டி படத்தை ரிலீஸ் செய்யும்போது இவர்களே அமைத்துக் கொண்ட கதைக்களன்களும் அதற்கு இடைஞ்சலே செய்துள்ளன..!

52 இடங்களில் வசனங்கள் மற்றும் காட்சிகளில் கத்திரி போட்டும், 22.81 மீட்டர் அளவுக்குத் தூக்கியெறிந்தும், 2 மணி 45 நிமிடங்களுக்கு எடுக்கப்பட்ட திரைப்படத்தை 8 ரீல்களில், 1 மணி 55 நிமிடங்களுக்குச் சுருக்கிக் கொடுத்தும் படத்தின் அபாரமான திரைக்கதை இப்படத்தைப் பார்க்க வைக்கிறது என்றாலும், இதனால் விளைவித்திருக்கும் நஷ்டத்தை நினைத்து  வருத்தப்படத்தான் முடிகிறது..!

எனக்குத் தெரிந்து இத்தனை சென்சார் வெட்டுகளை வாங்கிய முதல் தமிழ்த் திரைப்படம் இதுவாகத்தான் இருக்கும் என்று நினைக்கிறேன். கதைக்களன் அப்படிப்பட்டது. இந்தப் படத்தைப் பார்க்க யாரும் குடும்பத்துடன் வந்துவிடாதீர்கள் என்று தயாரிப்பாளரே சொன்ன பிறகு நாம் யார் மீது வருத்தப்படுவது..?

தெரிந்தேதான் எடுத்திருக்கிறார்கள். சென்சாரில் பிரச்சினைகள் வரும்.  ‘ஏ’ சர்டிபிகேட்தான் கிடைக்கும்.. தியேட்டரில் கூட்டம் வராது.. என்பதையெல்லாம் எதிர்பார்த்துதான் செய்திருக்கிறார்கள். உலகத் திரைப்பட விழாக்களில் தமிழ் மொழியின் சார்பாக அவசியம் திரையிட வேண்டிய ஒரு தமிழ்ப் படத்தைத் தயாரித்த திருப்தியே எங்களுக்கு போதும் என்பது இப்படக் குழுவினரின் விருப்பம் போலும்..! அந்த வகையில் சினிமா ரசிகர்களுக்கும், விமர்சகர்களுக்கும் மிக மிக ஏற்ற படம். மற்றவகையில் ஒரு சராசரி தமிழன் டைம் பாஸுக்காக குடும்பத்துடன் பார்க்கவே முடியாத திரைப்படமும் இதுதான்..!

படத்தின் போஸ்டர்களையாவது தமிழகத்துக்கு ஏற்றாற்போல் கொஞ்சம் புரிவதுபோல் அமைத்திருந்தால் இன்னும் கொஞ்சம் கூட்டமாவது வந்திருக்கும். ஏதோ புரியாத பாஷையில் வேற்று மொழி படம் போல் ஒட்டப்பட்டிருப்பதால் அடித்தட்டு மக்களை இப்படம் போய்ச் சேரவில்லை என்பது தெரிகிறது. தியேட்டரில் முக்கால்வாசி காலியாக இருந்த இருக்கைகளுடன் இப்படத்தைப் பார்க்கையில் மிகவும் வேதனையாகவும் இருந்தது. சிறப்பாகவும், கடுமையாகவும் உழைத்து ஒரு சிற்பத்தை உருவாக்கி அதனைப் பார்ப்பதற்கு ஒளி வெளிச்சத்தைக்கூட ஏற்பாடு செய்து வைக்காமல் இருட்டில் வைத்திருப்பதுபோலத்தான் தோன்றியது..!

இராமாயணத்தில், தனது தம்பி இலக்குவணனுடனும், மனைவி சீதாவுடன் ராமபிரான் காட்டில் வசித்து வந்த காலக்கட்டத்தைச் சொல்வதுதான்  ஆரண்ய காண்டம்..! ஆனால் இந்த ஆரண்ய காண்டம், ஒரு நாள் பொழுதில் நடக்கும் போர்க்களக் காட்சிகளை மையமாகக் கொண்டு உருவாகியுள்ளது.

உடலுறவில் ஈடுபட முடியாத அளவுக்கு தளர்ச்சியுடன் இருந்தாலும், தனது கடத்தல் தொழிலில் மிகவும் ஆக்ட்டிவ்வாக இருக்கும் தாதா சிங்கப்பெருமாள். இவரிடம் தளபதியாக இருப்பவர் பசுபதி என்னும் சம்பத். இவர்களுக்கு எதிர் கோஷ்டி கஜேந்திரன். அவனது தளபதி கஜபதி.

கஜேந்திரனுக்கு வர வேண்டிய போதை மருந்து சரக்கு ஒன்று ஊருக்குள் வந்திருப்பதாகவும், அதனை நாம் கைப்பற்றலாம் என்றும் ஐடியா கொடுக்கிறார் சம்பத். சிங்கப்பெருமாள் அதை வேண்டாம் என்று சொல்ல, “உனக்கு வயசாயிருச்சு தல.. அதான் சண்டையே வேணாம்ன்றே.. இப்படியே ஒதுங்கிப் போனா நாம தொழில் செய்ய முடியாது. முடியறவரைக்கும் நாம தில்லு காட்டியே ஆகணும். நீ வேண்ணா ஒதுங்கிக்க.. நான் பார்த்துக்குறேன். பசங்களை ரெடி பண்ணணும்.. ரேட் பேசணும்.. பத்து லட்சம் கடனா கொடு. இந்த பிஸினஸை நான் டீல் பண்ணிக்கிறேன்..” என்கிறார் சம்பத்.

ஒரு நிமிடத்தில் தனது தலைமை தாதா பதவி ஆட்டம் கண்டுவிட்டதைப் பார்த்து ஆடிப் போன சிங்கப்பெருமாள் பாண்டிச்சேரிக்கு போய்க் கொண்டிருக்கும் தனது அடியாட்களிடம் சம்பத்தை போட்டுத் தள்ளும்படி சொல்கிறார். இதனை தற்செயலாக கேட்டுவிடும் சம்பத் தப்பிக்க வேண்டி வேண்டுமென்றே போலீஸிடம் சிக்குவதைப் போல பாவ்லா காட்ட.. சம்பத்துக்கே அல்வா கொடுக்கும் பெருமாளின் அடியாட்கள் டீம், சம்பத்தின் மனைவியைத் தூக்கிச் செல்கிறது.

தன்னிடம் இருக்கும் சண்டை சேவலை வைத்து தற்போது பொழப்பை ஓட்டிக் கொண்டிருக்கும் முன்னாள் ஜமீன் காளையன், தனது மகன் கொடுக்காப்புளியுடன் சேவற்சண்டைக்காக சென்னை வந்திருக்கிறார். திருவல்லிக்கேணி பாவா லாட்ஜில் கஜேந்திரனுக்காக சரக்கு கொண்டு வந்திருக்கும் ஆளும் அதே லாட்ஜின் பக்கத்து அறையில் தங்கியிருக்கும் காளையனுடன் தண்ணியடிக்கும்போது தனது சரக்கையும், அதன் விலையையும் சொல்லி வைக்க.. காளையனின் புத்திசாலிப் பையன் கொடுக்காப்புளியின் காதில் இது விழுந்து தொலைக்கிறது.

சேவற்சண்டைக்காக போன இடத்தில் காளையனின் வெற்றிக் கூச்சலில் எரிச்சலாகும் பெட் கட்டி ஏமாந்த சிங்கப்பெருமாள், அவனது கோழியை பரலோகத்திற்கு அனுப்பி வைக்கிறார். இருந்த ஒரேயொரு சொத்தும் பறிபோன விரக்தியில் பையனுக்கும், அப்பனுக்குமான கவித்துவம் வாய்ந்த சொற்போரின் இறுதியில் கஜேந்திரனுக்கான சரக்கை எடுத்து தாங்கள் விற்பனை செய்து காசு பார்க்க பையன் ஐடியா கொடுக்கிறான்.

அப்போதுதான் சரக்கு கொண்டு வந்தவன் முந்தின நாள் அடித்த சரக்கினால் இறந்து போயிருப்பது தெரிய வர.. இது முருகனா பார்த்து நமக்குக் கொடுத்த வாய்ப்பு என்றெண்ணி சரக்குடன் அப்பனும், மகனுமாக எஸ்கேப்பாகிறார்கள்..!

கஜேந்திரனின் அடியாட்கள் லாட்ஜுக்கு சரக்கைத் தேடி வந்து கொண்டு வந்த ஆளின் சடலத்தைப் பார்த்து வெறுப்பாகி வெறும் கையுடன் திரும்புகையில் போன் செய்ய வேண்டிய நம்பர் இருந்த பேப்பரை தேடி அப்பனும், மகனும் மீண்டும் லாட்ஜூக்கு வருகிறார்கள். அங்கே கஜேந்திரனின் ஆட்கள் இவர்களைப் பார்த்துவிட்டு விரட்ட.. இவர்கள் அப்போதைக்குத் தப்பிக்கிறார்கள்.

இதனை சம்பத்துதான் செய்திருப்பான் என்று கஜேந்திரனின் ஆட்கள் நினைத்து சம்பத்துக்கு வலை விரிக்க, சிங்கப்பெருமாளிடம் பேசுகிறார்கள். சிங்கப்பெருமாளோ தான் செய்தாலென்ன? அடுத்தவன் செய்தாலென்ன? எப்படியோ சம்பத் செத்தால் சரிதான் என்றெண்ணி சம்பத் மீது வெறியைக் கிளப்பிவிடுகிறார்.

தனது மனைவியைக் காப்பாற்ற வேண்டி போலீஸிடம் இருந்து தப்பித்து வீட்டுக்கு வரும் சம்பத் கஜேந்திரனின் ஆட்களால் தாக்கப்பட்டு தப்பிக்கிறான்.

இதற்கிடையில், சிங்கப்பெருமாள் தனது கீப்பாக வைத்திருக்கும் சுப்பு, அவனிடமிருந்து தப்பிக்க எண்ணியவள்  அவளுக்கு காவலாக போடப்பட்டிருந்த அரவாணி ஸ்டைலில் இருக்கும் சப்பையை இதற்காக உருக்குகிறாள். இது அவர்கள் படுக்கையில் உருள்கின்றவரையில் போகிறது.  சிங்கப்பெருமாளிடம் இருக்கும் பணத்தை எடுத்துக் கொண்டு இருவரும் மும்பை சென்று செட்டிலாகிவிடலாம் என்று சப்பையை உசுப்பேற்றிவிடுகிறாள் சுப்பு.

இந்த நிலையில் விவரம் தெரியாத அப்பாவியாய் இருக்கும் காளையன் சிங்கப்பெருமாளின் அடியாளுக்கு போன் செய்து சரக்கு தன்னிடம் இருப்பதாகவும் 2 லட்சம் ரூபாய் கொடுத்து சரக்கை வாங்கிக் கொள்ளும்படியும் சொல்கிறான்.

புத்திசாலி கொடுக்காப்புளி அந்தச் சரக்கை எடுத்து ஒளித்து வைத்துவிட்டு வருவதற்குள் சிங்கப்பெருமாளின் அடியாள் படை காளையனை சிறையெடுத்துச் செல்கிறது. சிங்கப்பெருமாளின் முன்னிலையில் காளையனை பரேடு எடுக்கிறார்கள். ஆனாலும் காளையன் சரக்கு தனது மகனிடம் இருக்கிறது என்கிற உண்மையைத்தான் சொல்கிறான். அந்த உண்மையை இவர்களால்தான் நம்ப முடியவில்லை..!

தனது தந்தையை மீட்க வேண்டி பேப்பரில் இருந்த ஒரு எண்ணுக்கு போன் செய்கிறான் கொடுக்காப்புளி. அது சம்பத்தின் எண். சம்பத் சரக்கைத் தன்னிடம் கொடுத்தால் தான் அவனது தந்தையை மீட்டுக் கொடுப்பதாகச் சொல்கிறான். பையன் சரக்கைக் கொண்டு வந்து கொடுக்கும்போது தந்திரமாக கஜேந்திரனின் அடியாட்களையும் வரச் செய்கிறான் சம்பத்.

அதே சமயம் சிங்கப்பெருமாளிடமிருந்து தப்பிக்க நினைத்து சுப்பு நடத்திய நாடகத்தில் அறியாக்குழந்தையாக தானும் ஒரு கதாபாத்திரமாகிறான் சப்பை. சப்பையால் சிங்கப்பெருமாள் சாக.. சப்பையை சுப்பு தீர்த்துக் கட்டுகிறாள்.

இங்கே சம்பத் தனது பராக்கிராமத்தால் கஜேந்திரனையும், கஜபதியையும் வீழ்த்திவிட்டு சிங்கப்பெருமாளின் அரண்மனைக்கு வருகிறான். துப்பாக்கியும், கையுமாக நிற்கும் சுப்பு மீது பரிதாபப்பட்டு அவளை அனுப்பி வைக்க.. பெருமாளிடமே ஆட்டைய போட்ட பணத்துடன் சுப்பு ஏரியாவைவிட்டு வெளியேற.. அடுத்த சிங்கப்பெருமாளாக உருவெடுத்து தனது அரியாசனத்தில் அமர்கிறார் சம்பத்..!

இதுதான் படத்தின் கதை. எப்படியும் இதனைப் படிக்கின்ற அனைவரும் படத்தைப் பார்க்க மாட்டீர்கள் என்றே நினைக்கிறேன். அதனால்தான் நீண்ட நாட்கள் கழித்து முழு கதையையும் இங்கே சொல்லிவிட்டேன்..!

கிளைமாக்ஸில் சுப்பு லாரியால் விபத்துக்குள்ளாக்கும் காட்சி உண்மையாக இருந்திருந்து, சம்பத்தும் இறந்து போய் படத்தை முடித்திருந்தால் நிச்சயமாக இந்தப் படம் ஒரு ஸ்பெயின் படத்தின் காப்பி என்று உறுதியாகச் சொல்வேன். இப்போது முழுமையாக இல்லை.. 95 சதவிகிதம் காப்பி என்று மட்டுமே உறுதியுடன் சொல்கிறேன்..!

மூன்றாண்டுகளுக்கு முன்பாக பைலட் தியேட்டரில் உலகத் திரைப்பட விழாவில் பார்த்த அத்திரைப்படத்தின் பெயர்தான் நினைவுக்கு வர மறுக்கிறது..! அந்த ஸ்பெயின் படத்தில் இல்லாமல், காண்டத்தில் இருக்கும் எக்ஸ்ட்ரா கேரக்டர்கள் காளையனும், கொடுக்காப்புளியும்தான்..!

ஆனாலும் என்ன..? காப்பி செய்தாலும் மிக விறுவிறுப்பான திரைக்கதையாக்கம்..! வித்தியாசமான கேமிரா கோணங்கள்.. கேரக்டர் ஸ்கெட்ச்சஸ்.. வசனங்கள் என்று அத்தனையிலும் சென்ட்டம் அடித்திருக்கிறார் இயக்குநர்..!

முதல் படம் போலவே தெரியவில்லை.. நிச்சயம் இயக்குநர் தியாகராஜா குமாரராஜாவை  வெகுவாகப் பாராட்ட வேண்டும். அதிலும் காளையன், கொடுக்காப்புளியின் கேரக்டர்களை வடிவமைத்திருப்பதற்கு ஸ்பெஷல் பாராட்டு..! காளையனுக்கும், அவனது மகனுக்குமான நட்பை எந்த வகையிலும் தந்தை, மகனாக பார்க்க முடியாத அளவுக்கு கொண்டு சென்றிருக்கிறார். அப்பாவைத் திட்டாதப்பா என்று காளையன் சொல்கின்ற வார்த்தையில் இருக்கும் ஏக்கத்தை அவர் முகமும் காட்டுவிடுகிறது..! பெர்பெக்ட் ஆக்ஷன் அண்ட் டைரக்ஷன்..!

“அப்பா மேல அவ்ளோ பாசமா?” என்ற சம்பத்தின் கேள்விக்கு, “அப்படியில்லை. ஆனா அவர் என் அப்பா..” என்று கொடுக்காப்புளி சொல்லும்போது தியேட்டரே அதிர்ந்தது. இது ஒன்று போதும் இயக்குநருக்கு..!

ஜாக்கிஷெராப் என்னும் இந்தக் கலைஞன் நடித்திருக்கும் முதல் தமிழ்த் திரைப்படம் இது என்று நினைக்கிறேன்..! ரொம்ப நடிக்க வேண்டாம். கேரக்டர் ஸ்கெட்ச்சஸே போதும் என்று இயக்குநர் முடிவெடுத்துவிட்டார். கோபத்தில் ஈ என்று பல்லைக் காட்டும் அந்தக் காட்சிகளும், மாடியில் இருந்து கேட்கும் இசைக்கேற்றவாறு தனது உடலை ஆட்டியபடியே அவர் மாடிப்படியேறும் காட்சியிலும் அட்டகாசமான உடல் மொழியை வெளிப்படுத்தியிருக்கிறார் ஜாக்கி.. ஜாக்கியின் மரணத்தின்போது நிகழ்வது செத்துப் போன ஒருவனின் பிரதியோ என்று நினைக்கத் தோன்றுகிறது..!

'காட்பாதரில்' துவங்கி இந்தப் படம் வரையிலும் தாதாக்கள் வெளிப்படுத்தும் வசன உச்சரிப்புகளும், வசனங்களும், காட்டுகின்ற உடல் மொழியும் ஒன்று போலவே உள்ளன.. தாதாக்கள் என்றால் உலகம் முழுக்க இப்படித்தான் என்று நினைத்துவிட்டார்கள் போலும்..!

ரவிகிருஷ்ணா என்கிற சப்பையை மிகச் சிறப்பாகக் காட்டியிருக்கிறார் இயக்குநர். மிஷ்கினின் 'அஞ்சாதே' படத்திற்காக உடலை இளைக்க வைத்து, என்னென்னமோ செய்து போலீஸ் வேடத்துக்கு தயாராக இருந்தும் நடிக்க முடியாமல் போன வருத்தத்தில் இருந்த ரவிக்கு இந்த வேடத்தினால் இன்னும் கொஞ்சம் இளைக்க வேண்டிய கட்டாயம். ஆனாலும் கிடைத்திருக்கும் பாராட்டுக்களால் பூரிப்பு அதிகமாகியிருக்கும்..!

நான் பார்த்த அந்த ஸ்பெயின் படத்தில் தான் ஆண்மகன்தான் என்பதைக் காட்டுவதற்காக ரவுடிகள் முன்பாகவே ஒரு விபச்சாரப் பெண்ணுடன் உடலுறவு செய்து காட்டுவான். பின்பு கிளைமாக்ஸில் ரவுடிகளை துப்பாக்கியால் சுடுவது போலவும் காட்சிகள் இருக்கும். ஆனால் இறப்புக் காட்சியில் தமிழ் சிங்கப்பெருமாளைவிடவும் உருக்கம் ஸ்பானிய சப்பையிடம் இருந்தது.. இதில் அது சிங்கப்பெருமாளிடம் போய் சப்பை சப்பையாகவே இறக்கிறான்..!

'பாக்ஸர்' ஆறுமுகம் கஜேந்திரனாக இறுக்கமான முகத்துடன் பிரபு, குஷ்பூ என்ற சீரியஸ் காமெடி வார்த்தைகளை உதிர்க்கும் கேரக்டர். தனது தளபதி இறந்தவுடன் கோபத்தில் பல்லைக் கடித்துக் கொண்டு காரில் இருந்து இறங்கி ஓடும் காட்சியில்தான் பயந்து போனேன்.

திரைக்கதையுடன் பல்லாங்குழி ஆடியிருக்கிறார் ஒளிப்பதிவாளர். அந்த பாவா லாட்ஜை அக்குவேறு, ஆணி வேறாக அத்தனை கோணத்திலும் படம் பிடித்திருக்கும் அந்த ஷாட்டுகள் கண்ணுக்கு அழகு..! விறுவிறுவென்ற காட்சியமைப்புக்கு ஒளிப்பதிவாளர் வினோத் பெரும் உதவி செய்திருக்கிறார்.. கேமிரா கோணம் வைப்பதில் வித்தியாசம் இருந்தாலும் அதற்குப் பெரிதும் துணையாய் இருக்க வேண்டியது லொகேஷன்கள்தான்..! அதுவும் இந்தப் படத்தில் பெர்பெக்ட்..!

சம்பத்தின் வீடு, சம்பத் கஜேந்திரனின் ஆட்களிடம் இருந்து தப்பித்து போகும் வழிகள், பாவா லாட்ஜ், காளையன் காத்திருக்கும் தெரு, கஜேந்திரனின் வீடு, சிங்கப்பெருமாளின் வீடு, சேவல் சண்டை நடக்கும் இடம், கிளைமாக்ஸ் சண்டை நடைபெறும் இடம் என்று அத்தனையும் விதம்விதமான ரகங்கள்..! ஒளிப்பதிவாளரின் ஜெயிப்புக்கு இதுவும் ஒரு முக்கியக் காரணம்..!

சுப்புவும், சப்பையும் வெளியில் ஊர் சுற்றும்போது விமானத்தை வாயில் முழுங்குவதைப் போல செய்து காட்டி சுப்புவை சிரிக்க வைக்கும் காட்சியைத் தொடர்ந்து ஒரு காதல் பாடல் இருந்தது..! அதேபோல் இடைவேளைக்கு பின்பு அத்தனை பேருக்குமான காட்சிகளையும் ஒருங்கிணைத்தும் ஒரு பாடல் இருந்ததாம்..! காட்சியின் தீவிரம் கெடுகிறதே என்று பலரும் சொன்னதால் பாடல்கள் கட் செய்யப்பட்டதாகச் சொல்கிறார்கள்..!

ஆனால் இதற்குப் பதிலாக பின்னணி இசையில் கலக்கியிருக்கிறார் இசையமைப்பாளர் யுவன்சங்கர்ராஜா. பாவா லாட்ஜ் துரத்தல்.. காளையனும், கொடுக்காப்புளியும் ஓடுவது..! சம்பத்தின் ஓட்டம்.. சரக்கை எடுத்துக் கொண்டு கொடுக்காப்புளி சம்பத்தை காண வரும்போது பின்னாடியே வரும் இசை, காளையன்-கொடுக்காப்புளியின் வாய்ச்சண்டை முடிந்து போய் நிற்கும் அந்தத் தருணத்தில் ஒலிக்கும் ரிதம்.. மெல்ல மெல்ல நம்மை அவர்களிடத்தில் கொண்டு போய்விட்டது..! ஹாட்ஸ் ஆஃப் யுவன்..!

கிளைமாக்ஸ் சண்டைக் காட்சி மட்டுமே சொதப்பல் என்றாலும் சம்பத் ஜெயித்தாக வேண்டும் என்ற இக்கதையின் முடிவின்படி அவர் ஜெயிக்க வைக்கப்பட்டிருக்கிறார் என்றே நினைக்கிறேன். இது மட்டுமல்ல.. காளையன் வைத்திருந்த பேப்பர், அடுத்தக் காட்சியில் கொடுக்காப்புளியின் கையில் இருப்பது.. யாரும் சொல்லாமலேயே லாட்ஜ் ஆள் காளையனை கை காட்டுவது.. சிங்கப்பெருமாள் செத்தவுடன் எந்தப் பேச்சும் கேட்காமல் சம்பத்தை தலைவனாக ஏற்கும் அடியாள் படை.. என்று சில கேள்விகள் எழுத்தான் செய்கிறது.. இதையெல்லாம் அதுவரையிலும் நம்மை ரசிக்க வைத்ததற்காக மன்னித்துவிட்டுவிடலாம்.

அந்த ஸ்பெயின் திரைப்படத்தின் இறுதியில் டாப் ஆங்கிளில் ஹீரோயின் லாரியால் மோதி இறப்பதையும், அவள் கையில் வைத்திருந்த பேக்கில் இருந்து பணம் முழுவதும் சிதறி காற்றில் அலைபாய்ந்து அந்த சாலை முழுவதுமே பறந்து கொண்டேயிருப்பதைக் காட்டுவதுடன் படம் நிறைவடையும்..! அந்தக் காட்சியும், அந்தப் படமும் சொன்ன செய்தி.. “எல்லாவற்றிற்கும் ஒரு எதிர்வினை உண்டு” என்பதை..!

ஆனால் அது இங்கே நாகதத்தனிடம் விஷ்ணுகுப்தன்(இதில் “விஷ்னு” என்று எழுத்துப் பிழை வேறு..) எது தர்மம் என்று கேட்பதாகச் சொல்லி ஆரம்பித்திருக்கிறார்கள்..!

அவரவர்க்குத் எது தேவையோ,  அதுவே தர்மம் என்று நாகதத்தன் கூறினாராம்..! இது இந்தப் படத்தின் தயாரிப்பாளருக்கும் பொருந்தும்..!

படத்தின் டிரெயிலர் இது :



Aaranya Kaandam Cast

·    Jackie Shroff as Singaperumal
·    Ravi Krishna as Sappai
·    Sampath Raj as Pasupathy
·    Yasmin Ponnappa as Subbu
·    Somasundaram as Kaalayan
·    Rambo Rajkumar
·    Ajay Raj
·    Master Vasanth

Aaranya Kaandam Crew

·    Directed by - Thiagarajan Kumararaja
·    Produced by - S. P. B. Charan
·    Written by - Thiagarajan Kumararaja
·    Music by - Yuvan Shankar Raja
·    Cinematography - P. S. Vinod
·    Editing by - Praveen K. L. & Srikanth N. B.
·    Studio - Capital Film Works
·    Art Director : Vithesh
·    Costume designer : Vasuki Bhaskar
·    PRO : Johnson
·    Stunts : Dileep subrayan

Tweet

2011-ஆஸ்கர் திரைப்பட விருதுகள்..!

28-02-2011

என் இனிய வலைத்தமிழ் மக்களே..!

உலக சினிமாவுலகமே ஆவலுடன் எதிர்பார்த்த ஆஸ்கர் விருதுகள் இன்று காலை வழங்கப்பட்டுவிட்டன. இந்த முறையும் 2 விருதுகளையும் வாங்கிவிடுவார் என்று எதிர்பார்ப்பில் இருந்த இசைப்புயல் ஏ.ஆர்.ரஹ்மானின் ரசிகர்களுக்கு ஏமாற்றமே கிட்டியுள்ளது. ரஹ்மான் போட்டியிட்ட இரண்டு பிரிவுகளிலுமே அவர் தேர்வாகவில்லை என்பது வருத்தத்திற்குரிய செய்தி.

தேர்வானவர்களின் முழுப் பட்டியல் இங்கே :

1. Best Picture - பரிந்துரை செய்யப்பட்ட திரைப்படங்கள்

·    “Black Swan” Mike Medavoy, Brian Oliver and Scott Franklin, Producers
·    “The Fighter” David Hoberman, Todd Lieberman and Mark Wahlberg, Producers
·    “Inception” Emma Thomas and Christopher Nolan, Producers
·    “The Kids Are All Right” Gary Gilbert, Jeffrey Levy-Hinte and Celine Rattray, Producers
·    “The King's Speech” Iain Canning, Emile Sherman and Gareth Unwin, Producers
·    “127 Hours” Christian Colson, Danny Boyle and John Smithson, Producers
·    “The Social Network” Scott Rudin, Dana Brunetti, Michael De Luca and Ceán Chaffin,    
      Producers
·    “Toy Story 3” Darla K. Anderson, Producer
·    “True Grit” Scott Rudin, Ethan Coen and Joel Coen, Producers
·    “Winter's Bone" Anne Rosellini and Alix Madigan-Yorkin, Producers

விருது பெற்ற திரைப்படம்

“The King's Speech”

2. Best Director - பரிந்துரை செய்யப்பட்டவர்கள்

·    “Black Swan” Darren Aronofsky
·    “The Fighter” David O. Russell
·    “The King's Speech” Tom Hooper
·    “The Social Network” David Fincher
·    “True Grit” Joel Coen and Ethan Coen

விருது பெற்றவர்

Tom Hooper - “The King's Speech”

3. Best Writing (Original Screenplay) - பரிந்துரை செய்யப்பட்டவர்கள்

·    “Another Year” Written by Mike Leigh
·    “The Fighter” Screenplay by Scott Silver and Paul Tamasy & Eric Johnson;
      Story by Keith Dorrington & Paul Tamasy & Eric Johnson
·    “Inception” Written by Christopher Nolan
·    “The Kids Are All Right” Written by Lisa Cholodenko & Stuart Blumberg
·    “The King's Speech” Screenplay by David Seidler

விருது பெற்றவர்

David Seidler for “The King's Speech”
 
4. Best  Writing (Adapted Screenplay) - பரிந்துரை செய்யப்பட்டவர்கள்

·    “127 Hours” Screenplay by Danny Boyle & Simon Beaufoy
·    “The Social Network” Screenplay by Aaron Sorkin
·    “Toy Story 3” Screenplay by Michael Arndt; Story by John Lasseter, Andrew Stanton        
      and Lee Unkrich
·    “True Grit” Written for the screen by Joel Coen & Ethan Coen
·    “Winter's Bone” Adapted for the screen by Debra Granik & Anne Rosellini

விருது பெற்றவர்

Aaron Sorkin For “The Social Network”
 
5. Best Actor in a Leading Role - பரிந்துரை செய்யப்பட்டவர்கள்

·    Javier Bardem in “Biutiful”
·    Jeff Bridges in “True Grit”
·    Jesse Eisenberg in “The Social Network”
·    Colin Firth in “The King's Speech”
·    James Franco in “127 Hours”

விருது பெற்றவர்

Colin Firth in “The King's Speech”
 
6. Best Actor in a Supporting Role - பரிந்துரை செய்யப்பட்டவர்கள்

·    Christian Bale in “The Fighter”
·    John Hawkes in “Winter's Bone”
·    Jeremy Renner in “The Town”
·    Mark Ruffalo in “The Kids Are All Right”
·    Geoffrey Rush in “The King's Speech”

விருது பெற்றவர்

Christian Bale in “The Fighter”
 
7. Best Actress in a Leading Role - பரிந்துரை செய்யப்பட்டவர்கள்

·    Annette Bening in “The Kids Are All Right”
·    Nicole Kidman in “Rabbit Hole”
·    Jennifer Lawrence in “Winter's Bone”
·    Natalie Portman in “Black Swan”
·    Michelle Williams in “Blue Valentine”

விருது பெற்றவர்

Natalie Portman in “Black Swan”
 
8. Best Actress in a Supporting Role - பரிந்துரை செய்யப்பட்டவர்கள்

·    Amy Adams in “The Fighter”
·    Helena Bonham Carter in “The King's Speech”
·    Melissa Leo in “The Fighter”
·    Hailee Steinfeld in “True Grit”
·    Jacki Weaver in “Animal Kingdom”

விருது பெற்றவர்

Melissa Leo in “The Fighter”
 
9. Best Cinematography - பரிந்துரை செய்யப்பட்டவர்கள்

·    “Black Swan” Matthew Libatique
·    “Inception” Wally Pfister
·    “The King's Speech” Danny Cohen
·    “The Social Network” Jeff Cronenweth
·    “True Grit” Roger Deakins

விருது பெற்றவர்

Wally Pfister  - “Inception”
 
10. Best Film Editing - பரிந்துரை செய்யப்பட்டவர்கள்

·    “Black Swan” Andrew Weisblum
·    “The Fighter” Pamela Martin
·    “The King's Speech” Tariq Anwar
·    “127 Hours” Jon Harris
·    “The Social Network” Angus Wall and Kirk Baxter

விருது பெற்றவர்கள்

Angus Wall and Kirk Baxter  - “The Social Network”
 
11. Best Costume Design - பரிந்துரை செய்யப்பட்டவர்கள்

·    “Alice in Wonderland” Colleen Atwood
·    “I Am Love” Antonella Cannarozzi
·    “The King's Speech” Jenny Beavan
·    “The Tempest” Sandy Powell
·    “True Grit” Mary Zophres

விருது பெற்றவர்

Colleen Atwood - “Alice in Wonderland”
 
12. Best Makeup - பரிந்துரை செய்யப்பட்டவர்கள்

·    “Barney's Version” Adrien Morot
·    “The Way Back” Edouard F. Henriques, Gregory Funk and Yolanda Toussieng
·    “The Wolfman” Rick Baker and Dave Elsey

விருது பெற்றவர்கள்

Rick Baker and Dave Elsey - “The Wolfman”
 
13. Best Art Direction - பரிந்துரை செய்யப்பட்டவர்கள்

·    “Alice in Wonderland”
     Production Design: Robert Stromberg; Set Decoration: Karen O'Hara
   
·    “Harry Potter and the Deathly Hallows Part 1”
     Production Design: Stuart Craig; Set Decoration: Stephenie McMillan
   
·    “Inception”
     Production Design: Guy Hendrix Dyas; Set Decoration: Larry Dias and Doug Mowat
   
·    “The King's Speech”
      Production Design: Eve Stewart; Set Decoration: Judy Farr
   
·    “True Grit”
      Production Design: Jess Gonchor; Set Decoration: Nancy Haigh

விருது பெற்றவர்கள்

Production Design : Robert Stromberg ; Set Decoration : Karen  O'Hara - “Alice in Wonderland”
 
14. Best Music (Original Score) - பரிந்துரை செய்யப்பட்டவர்கள்

·    “How to Train Your Dragon” John Powell
·    “Inception” Hans Zimmer
·    “The King's Speech” Alexandre Desplat
·    “127 Hours” A.R. Rahman
·    “The Social Network” Trent Reznor and Atticus Ross

விருது பெற்றவர்கள்

Trent Reznor and Atticus Ross  - “The Social Network”
 
15. Best Music (Original Song) - பரிந்துரை செய்யப்பட்டவர்கள்

·    “Coming Home” from “Country Strong” Music and Lyric by Tom Douglas, Troy Verges  
      and Hillary Lindsey
·    “I See the Light” from “Tangled” Music by Alan Menken Lyric by Glenn Slater
·    “If I Rise” from “127 Hours” Music by A.R. Rahman Lyric by Dido and Rollo Armstrong
·    “We Belong Together” from “Toy Story 3" Music and Lyric by Randy Newman

விருது பெற்றவர்

“We Belong Together” from “Toy Story 3" Music and Lyric by Randy Newman
 
16. Best Sound Editing - பரிந்துரை செய்யப்பட்டவர்கள்

·    “Inception” Richard King
·    “Toy Story 3” Tom Myers and Michael Silvers
·    “Tron: Legacy” Gwendolyn Yates Whittle and Addison Teague
·    “True Grit” Skip Lievsay and Craig Berkey
·    “Unstoppable” Mark P. Stoeckinger

விருது பெற்றவர்

Richard King - “Inception”
 
17. Best Sound Mixing - பரிந்துரை செய்யப்பட்டவர்கள்

·    “Inception” Lora Hirschberg, Gary A. Rizzo and Ed Novick
·    “The King's Speech” Paul Hamblin, Martin Jensen and John Midgley
·    “Salt” Jeffrey J. Haboush, Greg P. Russell, Scott Millan and William Sarokin
·    “The Social Network” Ren Klyce, David Parker, Michael Semanick and Mark Weingarten
·    “True Grit” Skip Lievsay, Craig Berkey, Greg Orloff and Peter F. Kurland

விருது பெற்றவர்கள்

Lora Hirschberg, Gary A. Rizzo and Ed Novick - “Inception”
 
18. Best Visual Effects - பரிந்துரை செய்யப்பட்டவர்கள்

·    “Alice in Wonderland” Ken Ralston, David Schaub, Carey Villegas and Sean Phillips
·    “Harry Potter and the Deathly Hallows Part 1” Tim Burke, John Richardson, Christian 
      Manz and Nicolas Aithadi
·    “Hereafter” Michael Owens, Bryan Grill, Stephan Trojansky and Joe Farrell
·    “Inception” Paul Franklin, Chris Corbould, Andrew Lockley and Peter Bebb
·    “Iron Man 2” Janek Sirrs, Ben Snow, Ged Wright and Daniel Sudick

விருது பெற்றவர்கள்

Paul Franklin, Chris Corbould, Andrew Lockley and Peter Bebb - “Inception”
 
19. Best Foreign Language Film - பரிந்துரை செய்யப்பட்ட திரைப்படங்கள்

·    “Biutiful” Mexico
·    “Dogtooth” Greece
·    “In a Better World” Denmark
·    “Incendies” Canada
·    “Outside the Law (Hors-la-loi)” Algeria

விருது பெற்ற திரைப்படம்

“In a Better World” - Denmark
 
20. Best Short Film (Animated) - பரிந்துரை செய்யப்பட்டவர்கள்

·    “Day & Night” Teddy Newton
·    “The Gruffalo” Jakob Schuh and Max Lang
·    “Let's Pollute” Geefwee Boedoe
·    “The Lost Thing” Shaun Tan and Andrew Ruhemann
·    “Madagascar, carnet de voyage (Madagascar, a Journey Diary)” Bastien Dubois

விருது பெற்றவர்கள்

Shaun Tan and Andrew Ruhemann - “The Lost Thing”
 
21. Best Short Film (Live Action) - பரிந்துரை செய்யப்பட்டவர்கள்

·    “The Confession” Tanel Toom
·    “The Crush” Michael Creagh
·    “God of Love” Luke Matheny
·    “Na Wewe” Ivan Goldschmidt
·    “Wish 143” Ian Barnes and Samantha Waite

விருது பெற்றவர்

Luke Matheny - “God of Love”
 
22. Best Documentary (Feature) - பரிந்துரை செய்யப்பட்ட படங்கள்

·    “Exit through the Gift Shop” Banksy and Jaimie D'Cruz
·    “Gasland” Josh Fox and Trish Adlesic
·    “Inside Job” Charles Ferguson and Audrey Marrs
·    “Restrepo” Tim Hetherington and Sebastian Junger
·    “Waste Land” Lucy Walker and Angus Aynsley

விருது பெற்ற படம்

“Inside Job” - Charles Ferguson and Audrey Marrs
 
23. Best Documentary (Short Subject) - பரிந்துரை செய்யப்பட்ட படங்கள்

·    “Killing in the Name” Jed Rothstein
·    “Poster Girl” Sara Nesson and Mitchell W. Block
·    “Strangers No More” Karen Goodman and Kirk Simon
·    “Sun Come Up” Jennifer Redfearn and Tim Metzger
·    “The Warriors of Qiugang” Ruby Yang and Thomas Lennon

விருது பெற்ற படம்

“Strangers No More” - Karen Goodman and Kirk Simon
 
24. Best Animated Feature Film - பரிந்துரை செய்யப்பட்ட படங்கள்

·    “How to Train Your Dragon” Chris Sanders and Dean DeBlois
·    “The Illusionist” Sylvain Chomet
·    “Toy Story 3” Lee Unkrich

விருது பெற்ற படம்

“Toy Story 3” - Lee Unkrich

Tweet

ஆடுகளம் - சினிமா விமர்சனம்

16-01-2011

என் இனிய வலைத்தமிழ் மக்களே..!

இந்தாண்டின் துவக்கமே தனுஷுக்கு மட்டுமல்ல நமக்கும்  நல்லதொரு சினிமாவைக் கொடுத்திருக்கிறது..!

சேவற்கட்டு என்னும் சேவற்சண்டை தென் மாவட்டங்களில் காளை பிடிக்கும் வீர விளையாட்டைப் போலவே பன்னெடுங்காலமாக நடைபெற்று வருவதுதான்.. எப்போது ஆரம்பித்தது என்று தெரியவில்லை. ஆனால் சண்டைகளுக்காகவே சேவல்கள் வளர்க்கப்படுவதும், அந்தச் சண்டைக் காட்சிகள் ஆங்காங்கே நடப்பதும் நினைவு தெரிந்த நாளில் இருந்து பார்த்து வந்ததுதான். ஆனால் அதனையே ஒரு கதைக்களமாக்கி நான் பார்க்கும் முதல் திரைப்படம் இதுதான்.

சேவற்சண்டை பற்றிய ஒரு ஆவணப் படம் என்று சொல்லுகின்ற அளவுக்கு படத்தின் முற்பாதி முழுக்க சேவல்களின் ஆக்கிரமிப்பு அதிகம். எந்த அளவுக்கு சேவலுக்கு முக்கியத்துவம் கொடுத்து வளர்க்க வேண்டும்..? தீனி எவ்வாறு கொடுக்க வேண்டும்..? சண்டையின்போது அவற்றை எப்படிப் பராமரிக்க வேண்டும்..? சிறிய காயங்களுக்கு மருந்து போடுவது எப்படி..? இது பற்றியதையெல்லாம் விலாவாரியாக முற்பாதியில் எடுத்து வைத்திருக்கிறார்கள்.

இடைவேளையின்போது நடைபெறும் சேவற்சண்டைக் காட்சிகள் மட்டும் 17 நாட்கள் தொடர்ச்சியாக படமாக்கப்பட்டிருக்கிறது. படத்தைப் பார்க்கும்போதே அதன் கடின உழைப்பு தெரிகிறது.. ஆனால் சேவற்சண்டையின் பல இடங்களில் கிராபிக்ஸ் பயன்படுத்தப்பட்டிருப்பது தெரிகிறது என்றாலும், அது தவிர்க்க முடியாத செயல்தான்.. ஏனெனில் உண்மையான சேவற்சண்டையில் மனித மல்யுத்த சண்டைகளைப் போலவே தள்ளிக் கொண்டே போய் கோட்டைத் தொட்டுவிடச் செய்தாலோ.. படுத்துவிட்டு எழுந்திருக்காமல் இருந்தாலோ, சண்டை போட பிரியமில்லாமல் பின் வாங்கி ஓடினாலோ எதிரணி வெற்றி பெற்றதாகத்தான் அர்த்தம்.

ஆனால் சினிமாவிற்கு டிராமாட்டிக் தேவைப்படுகிறது என்பதால் ஆக்ரோஷச் சண்டைகள் கிராபிக்ஸின் மூலம் பயன்படுத்தப்பட்டிருக்கிறது.. தாரளமாக இதனை ஏற்றுக் கொள்ளலாம்.

இதையடுத்து பிற்பாதி முழுவதும் இந்தச் சண்டையினால் அதுவரையில் அண்ணன், தம்பியைப் போல பழகியவர்களுக்குள் இடையே ஏற்படும் மன மாற்றங்கள்.. பழி வாங்கல்கள், துரோக எண்ணங்கள் அத்தனையையும் படிப்படியாக கொண்டு வந்து நிகழ்த்தியிருக்கிறார் இயக்குநர் வெற்றிமாறன்.

படம் முழுவதும் வியாபித்திருப்பது சந்தேகமேயில்லாமல் தனுஷ்தான். எனக்கு இப்போதைய நடிகர்களில் தனுஷைத்தான் மிகவும் பிடிக்கிறது. மிக எளிமையான தோற்றம் என்பதோடு, நடிப்புக்கு ரொம்ப மெனக்கெடாமல், இயல்பாக தானாகவே வருவதைப் போல தெளிகின்ற அவரது நடிப்பைப் பார்க்கின்றபோது இந்த நடிகர் இன்னும் ஒரு சிகரத்தை எட்டிப் பிடிக்கப் போகிறார் என்றே நினைக்கிறேன். புதுப்பேட்டை பல்வேறு காரணங்களால் எனக்குப் பிடிக்காமல் போனது. ஆனால் அதிலிருந்த தனுஷை மட்டும் பிடித்திருந்தது..

இந்தப் படத்திலும் எந்த பிரேமிலும் தன்னுடைய பணக்காரத் தோரணையும், பேச்சும் இடம் பெற்றுவிடக் கூடாது என்பதில் மிகக் கவனமாக இருந்திருக்கிறார் என்பதை ஷாட் பை ஷாட் உணர முடிகிறது.

பார்த்தவுடன் காதல் என்கிற தமிழ்ச் சினிமாவின் அவசர டிரெண்ட்டின்படி காதலிக்கத் துவங்கும் அவரது செயல்கள் ரசிப்புக்குரியவை. டவுசர் தெரியும்படியாக கைலியைத் தூக்கிக் கட்டிக் கொண்டு “எனக்கு இந்தப் புள்ளைய தெரியும்..” என்று சொல்லி தப்ஸியின் வீட்டுக்குள் நுழைந்து பேசுகின்ற அந்தக் காட்சி ஒன்றே போதும்.

படத்திற்குப் புதுமுகமாக நடித்திருக்கும் ஈழத்துக் கவிஞர் வ.ஜ.ச.ஜெயபாலனின் தேர்வு மிகக் கச்சிதமானது.. முகத்தில் பாதியை மீசை மூடியிருந்தாலும் அவரது கண்களே பல கதைகளைப் பேசுகிறது. இவரை தேர்வு செய்த வெற்றிமாறனுக்கு இன்னுமொரு ஷொட்டு..

பேட்டையப்பன் என்ற கேரக்டரான இவருக்குக் குரல் கொடுத்திருக்கும் ராதாரவியின் இம்மியளவும் மாறாத மாடுலேஷன்ஸ் அசத்தல். சண்டைக் கோழியைப் போல கொத்திக் கொத்திப் பேசும் இந்த வசன மாடுலேஷனை தேர்வு செய்தமைக்கு இயக்குநரையும் பாராட்டத்தான் வேண்டும்.

சேவற்சண்டை பஞ்சாயத்தில் இன்ஸ்பெக்டர் ரத்தினத்திடம் உறுமுவதாகட்டும்... தனுஷை விட்டுக் கொடுக்காமல் கிஷோரிடம் பேசுகின்ற காட்சியிலும், இன்ஸ்பெக்டரை நேரில் பார்க்கப் போய் உன் செல்வாக்கை நிரூபிச்சிட்டீல்ல என்று பொருமித் தள்ளுவதாகட்டும்.. தனுஷ் ஒவ்வொரு முறையும் ஜெயிக்கின்ற போதெல்லாம் தனது ஆற்றாமையை ஒதுக்கிவைத்துவிட்டு நான் வளர்த்த பையனாச்சே.. விவரம் தெரியாமய்யா இருந்திருப்பான் என்று விரோதத்தை தேனில் குழைத்து பேசுகின்ற அந்தப் பேச்சாகட்டும்.. மனைவியை சந்தேகப்பட்டு பேசுகின்ற வில்லன் பேச்சின்போது நாம எழுந்து அடித்துவிடலாமா என்கிற லெவலுக்கு இவரது கேரக்டர் ஸ்கெட்ச் மனதில் ஒட்டிப் போய்விட்டது.. சபாஷ் கவிஞரே..

தனுஷின் உடன் வரும் அந்த கருப்பு நண்பன், திடீர், திடீரென்று டிரான்ஸ்லேஷன் செய்வதற்காக உதவியாளராக இருக்கின்றபோது நகைக்க முடிகிறது.. உயிருக்குயிரான தம்பியாகப் பழகி பட்டென நட்பு உடைந்து மோதலுக்குத் தயாராக இருக்கும் அண்ணனாக கிஷோர்.. இவரது வேகத்தைப் பார்த்து உடன் இருந்து ஒத்து ஊதும் பேட்டையப்பனை கடைசிவரையில் புரிந்து கொள்ளாதவகையில் திரைக்கதையை அமைத்திருக்கிறார் வெற்றிமாறன்.

மீனாளின் நடிப்பும் சொல்லத் தகுந்தது.. தனுஷ் சொல்லித்தான் சேவலை வாங்க ஆள் வந்திருக்கிறது என்பதைக் கேட்டவுடன் பேட்டையப்பன் கொதி நிலையில் நிற்க.. பேச்சை மாற்றிப் பேசுகின்ற அந்த சமாளிப்பு.. அவர் தன்னைச் சந்தேகப்பட்டு பேசியவுடன் மண்ணை வாரியள்ளித் தூவிவிட்டு புலம்பியபடியே செல்வதுமாக அக்மார்க் தெக்கத்திப் பொண்ணுதான்..

படத்திலேயே மிகப் பெரிய வேஸ்ட் ஹீரோயின் தப்ஸிதான். பல இடங்களில் லிப் மூவ்மெண்ட்டுகள் தப்பும், தவறுமாக இருக்க.. பேச முயற்சித்திருக்கிறார் என்பதுதான் தெரிகிறது. பேச்சே இப்படியெனில் நடிப்பு எப்படி இருந்திருக்கும்..? ஸ்கோப் இல்லாத படத்தில் நடித்துவிட்டார். இப்படியே சிரித்துக் கொண்டிருந்தால் லைலாவின் இடத்தைப் பிடித்துவிடலாம்.. விளம்பரப் படங்களில் அம்மணி இன்னும் கொஞ்சம் பிரயத்தனப்பட்டால் முதலிடத்தில் நீண்ட நாட்கள் அமரலாம்.

வெற்றிமாறனின் இயக்கம்தான் படத்தை இறுக்கமாக்கியிருக்கிறது. சண்டைக் காட்சிகளில்கூட சினிமாத்தனங்கள் இல்லாமல் எடுக்க முயற்சித்திருப்பது பாராட்டுக்குரியது. அவரவர் கேரக்டர் ஸ்கெட்ச்சில் இருந்து நழுவ விடாமல் கொண்டு போயிருப்பது பாராட்டுக்குரியது..

போலீஸ் ஸ்டேஷனில் பேட்டையப்பனை கான்ஸ்டபிள் அடிப்பதைக் காட்டாமல், அடித்த பின்பு காட்டுவதும், போலீஸ் தனுஷை அழைத்துச் சென்று அடித்திருப்பதையும் காட்டாமல் அதற்குப் பின்னான காட்சியையும் காட்டி நிறுத்தியிருப்பதும் ஒரு புதுவித காட்சியமைப்புக்குள் தனுஷை தள்ளியிருக்கிறார் என்று புரிகிறது.

இன்னுமொரு ஆச்சரியமான கேரக்டர் எதிராளியான ரத்தினத்தின் தாயார். எப்படியாவது இந்த வருஷமாவது ஜெயிச்சுப் புடு.. உங்கய்யா உசிரோட இருக்குறவரைக்கும் ஒரு தடவைகூட மண்ணைத் தொட்டதில்லை என்று மகனை உசுப்பிவிடும் அக்மார்க் தாயின் புலம்பல்.. சேவற்சண்டையின் முதல் நாள் படுத்த படுக்கையாகி ஒரு சொட்டுத் தண்ணீர்கூட குடிக்காமல் அடம் பிடிக்கும் அந்த பிடிவாதத்தனம்.. இப்போதும் பல ஊர்களில் வீட்டில் கேட்கும் விசும்பல் சப்தங்களுக்கெல்லாம் இந்தத் தாய் போன்ற சிலரும் காரணமாக இருந்து தொலைக்கிறார்கள். 

இன்னொரு தாயும் இருக்கிறார். அது தனுஷின் அம்மா. சினிமாத்தனமான முகமே இல்லாமல் தேர்வு செய்திருப்பதன் பலன் படத்தில் கிடைத்திருக்கிறது. எப்படியும் பையன் வீட்டை மீட்டுக் கொடுத்துவிடுவான் என்ற நம்பிக்கையுடன் ரேஷன் கடைக்காரரிடம் "அந்தப் பக்கமா வந்தா வீட்டுக்கு வாங்க.." என்று அழைப்பது.. அந்த நம்பிக்கை சிதைந்தவுடன் மகனை நள்ளிரவில் போட்டு டார்ச்சர் செய்வதுமாக இன்னொரு தாயின் பக்கத்தையும் காட்டியிருக்கிறார் வெற்றிமாறன்.

வெற்றிமாறனின் இயக்கம் மிகச் சிறப்பானது.. இடைவேளைக்குப் பின்னான பல காட்சிகள் இரவு நேரத்திலேயே சுருட்டப்பட்டிருப்பதால் ஒளிப்பதிவாளர் வேல்துரையின் பணிதான் பெரிதாக உதவியிருக்கிறது. போலீஸ் தேடி வரும்போது ஆளுக்கொரு பக்கமாக ஓடிக் கொண்டேயிருக்கும் காட்சியில் கேமிராவும் அந்தக் கிராமத்தின் சந்து பொந்துகளிலெல்லாம் ஓடுகின்ற லாவகத்தை பாராட்டத்தான் வேண்டும்..

“உன்னை நான் பெத்த அப்பன் போலத்தான நினைச்சேன்..” என்று தனுஷ் சொல்லும் கிளைமாக்ஸின் காட்சியில் நடிப்பைவிட கேமிராவின் ஆக்ஷன் சூப்பர்ப்.. ஒரு நொடியில் பேட்டைக்காரன் எடுக்கும் அந்த முடிவைப் படமாக்கியிருக்கும்விதம் அருமை. சத்தியமாக நான் அப்படியாகும் என்று நினைக்கவில்லை.. எக்ஸலண்ட் வெற்றிமாறன்..

ரொம்ப நாட்களுக்குப் பிறகு மதுரையின் சந்து பொந்துகளையும், திருப்பரங்குன்றத்தின் என் அப்பனின் வீட்டையும் பார்த்ததில் மிக்க மகிழ்ச்சி. இப்போதும் மதுரை ரயில்வே குவார்ட்டர்ஸில் ஆங்கிலோ இந்தியன்ஸ் சிலர் இருக்கிறார்கள். கிறிஸ்துமஸ் தினத்தன்று அந்த குவார்ட்டர்ஸ்களில் அலங்கார லைட்டுகளை போட்டு கிறிஸ்துமஸ் தாத்தா வேடத்தில் ஆட்கள் நள்ளிரவு நேரத்தில் பவனி வருவதை நானே பார்த்திருக்கிறேன். இப்போது மீண்டும் ஒரு முறை. அவர்களுடைய வீட்டில் பெண்களும் குடிப்பதைப் பார்த்து முதல் முறையாக ஆச்சரியப்பட்டு நின்றிருக்கிறேன். அந்த ஆச்சரியம் இந்தப் படத்தைப் பார்த்தும் தொடர்கிறது.

 

ஜி.வி.பிரகாஷ் இசையமைத்திருக்கிறார். "யேத்தே யேத்தே" என்ற பாடலில் "வெள்ளாவில போட்டு வெளுத்தாங்களா" என்ற பாடல் வரிகளுக்கு தியேட்டரில் செம வரவேற்பு.. தப்ஸி பார்க்கவே அப்படித்தான் இருக்கிறார். இதேபோல் தனது காதல் வெற்றி பெற்ற மகிழ்ச்சியில் ஆடியபடியே வரும் அந்தப் பாடலும் தியேட்டரில் ரசிகர்களை ஆடத்தான் வைக்கிறது.

தப்ஸியுடனான காதல் திணிக்கப்பட்ட விஷயம் என்கிற ஒன்றுதான் கதையில் உறுத்துகிறதே தவிர, மற்றபடி கதை நீட்டாக ஹைவேஸில் பயணிக்கும் ஆம்னி பஸ் போலத்தான் அலுங்காமல், குலுங்காமல் போயிருக்கிறது. இடைவேளைக்குப் பின்னான காட்சிகள் இறுக்கமாக இருப்பதால் ரசிகர்களின் ஆரவாரம், எதிர்பார்ப்பு எல்லாம் புஸ்ஸாகிப் போன நிலையில்தான் இருந்தார்கள். ஆனாலும் கதையின் முடிவைக் காண அனைவரும் ஆவலோடு காத்திருந்ததால், அந்த டெம்போ குறையாத அளவுக்குத் திரைக்கதையைக் கொண்டு போயிருந்தததால் படம் தப்பித்தது என்று நினைக்கிறேன்..

தனுஷ் இது போன்ற படங்களைத் தேர்வு செய்து நடித்தால் அவருக்கும் நல்லது. நமக்கும் நல்லது என்று சொல்லும் அதே நேரத்தில் இன்னொரு விஷயத்தையும் சொல்லித்தான் ஆக வேண்டும். படத்தில் மிக மோசமான விஷயம் ஒன்றே ஒன்று.. அது ஒலிப்பதிவு.. பாதி வசனங்கள் கேட்க முடியாத அளவுக்கு இருந்தது ஏன் என்று தெரியவில்லை.. சென்னையில் இருக்கும் அதி நவீன தியேட்டர்களிலேயே முடியவில்லை என்றால் தமிழ்நாட்டின் மற்றப் பகுதிகளில் எந்த லட்சணத்தில் இருக்கும் என்பதையும் யோசிக்க வேண்டும்.. தமிழ்நாடு முழுக்கவே இப்படித்தான் என்ற தகவல் இப்போது வந்திருக்கிறது..

சமீப காலமாக வெளி வந்த முக்கியமான திரைப்படங்களிலெல்லாம் ஒலிப்பதிவு மிக மோசமாகத்தான் இருந்தது.. அதுவொரு ஸ்டைல் மாதிரி ஆக்கிவிட்டார்களோ என்னவோ.. நல்லவேளை டாப்ஸிக்கு ஆண்ட்ரியா குரல் கொடுத்திருக்கிறார் என்பதால் அந்தப் பொண்ணு கொஞ்சம் பிழைத்துப் போனது.. மற்றபடி இது ஒரு முக்கியப் பிரச்சினை.. தீர்க்க வேண்டியது இயக்குநர்களின் கடமை.

இன்னொன்று.. தற்போதைய திரைப்பட உலகின் டிரெண்ட்டை யோசித்துப் பார்த்து இத்திரைப்படத்திற்கான கட்டணங்களை முதல் நாளில் இருந்தே 100, 120 என்று சில இடங்களில் உயர்த்தி வைத்து கூட்டத்தை குறைத்துவிட்டார்கள். கேட்டால் எப்படியும் படம் 2 வாரங்கள் மட்டுமே ஓடும் என்பதால் உயர்த்தும்படி விநியோகஸ்தர்கள்தான் சொன்னார்கள் என்றார்கள்.

நான் முதல் நாள் ஈவினிங் ஷோ பார்த்தேன். தியேட்டரில் பாதி காலியாகத்தான் இருந்தது.. 50 ரூபாய் என்றால்கூட கூட்டம் வந்திருக்கும். ஒரேயடியாக இப்படி உயர்த்தினால் சாதாரண பொதுஜனம் எப்படி வரும்..? இது சினிமா தொழிலுக்கு நல்லதல்ல. பார்த்த ரசிகர்களின் எண்ணிக்கை அதிகமாக இருக்க வேண்டுமா? அல்லது சினிமா வசூல் அதிகமாக இருக்க வேண்டுமா என்பதில் அதிகக் கவனம் தேவை. இப்போதைய தயாரிப்பாளர்கள் வசூலில் குறியாக இருக்கிறார்கள். இதனால் நடிகர், நடிகைகள் தொலைந்து போகும் அபாயம் உண்டாகும். அடுத்த படங்களுக்கு வசூல் குறையும் அபாயமும் வரும்.. திரையுலகினர் புரிந்து கொண்டால் நல்லது. 

ஆடுகளம் தனுஷின் கேரியரில் மிக முக்கியமான திரைப்படம். தமிழ்ச் சினிமா ரசிகர்கள் அவசியம் பார்க்க வேண்டிய படமும் கூட..

Tweet

சென்னை 8-வது உலகத் திரைப்பட விழா துவங்கியது..!

16-12-2010

என் இனிய வலைத்தமிழ் மக்களே..!

சென்ற மாதம் நான் எழுதிய இந்தப் பதிவில்  குறிப்பிட்டிருந்தது போல 8-வது உலகத் திரைப்பட விழா சென்னையில் இன்று கோலாகலமாக துவங்கியது.

முறைப்படியான துவக்க விழா மாலையில் நடந்தாலும் காலையிலேயே திரைப்படங்கள் திரையிடத் துவங்கிவிட்டன. உட்லண்ட்ஸ், உட்லண்ட்ஸ் சிம்பொனி, சினிமா வர்த்தக சபை அரங்கு, ஆகிய மூன்று திரையரங்குகளிலுமே காலையில் படங்கள் திரையிடப்பட்டுவிட்டன.

வருடாவருடம் இந்த திரைப்பட விழாவுக்கு வரும் மாணவ, மணிகளின் கூட்டம் கூடிக் கொண்டே போகிறது.. இந்த முறை தமிழக அரசு 25 லட்சம் ரூபாய் நிதியுதவி செய்திருப்பதால் கொஞ்சம் நிறைய விளம்பரம் செய்திருந்தார்கள். இதன் காரணமாக முதல் நாளே கூட்டம் அள்ளிவிட்டது..

அதிலும் மாணவர்களின் கூட்டம்தான் அதிகம். இதன் பின்புதான் என்னைப் போன்ற வெட்டி ஆபீஸர்களின் கூட்டம்.. எப்போதும்போல் சினிமா பிரபலங்களின் வருகை படத்தின் திரையிடலின்போது கொஞ்சம்தான் இருந்தது. சந்தானபாரதியும், ரமேஷ்கண்ணாவும் ஜோடி போட்டுக் கொண்டே அலைந்தார்கள். பானா காத்தாடி படத்தின் இயக்குநர் பத்ரிவெங்கடேஷும், அமிர்தம் திரைப்படத்தின் இயக்குநர் வேதம் புதிது கண்ணனும் வந்திருந்தார்கள்.

எப்போதும் வரும் வசந்தபாலன், பாலாஜி சக்திவேல், லிங்குசாமி, எஸ்.எஸ்.ஸ்டான்லி, நடிகை சி.ஆர்.சரஸ்வதி ஆகியோர் நேற்று காணவில்லை. ஒருவேளை நாளை முதல் வரலாம்..

இந்த முறை கொஞ்சம் வித்தியாசமாக அன்று திரையிடப்படவிருக்கும் திரைப்படங்களின் கதைச் சுருக்கத்தை அந்தக் கால ஜூனியர் போஸ்ட் வடிவத்தில் பத்திரிகையாக அச்சடித்து வழங்கியிருக்கிறார்கள். ஆனால் இந்தப் பத்திரிகை விநியோகத்திற்கும், சீட்டுகளை அடையாளம் காட்டும் பணிக்காகவும் கல்லூரி மாணவிகளைப் பயன்படுத்தியிருப்பதுதான் கொஞ்சம் இன்ப அதிர்ச்சியாகவும், அவஸ்தையாகவும் இருந்தது. நாம் தியேட்டருக்குள் சென்றால் எதை முதலில் பார்ப்பது..? படத்தையா? அவர்களையா..? கொஞ்சம் கஷ்டமாகத்தான் இருந்தது.

இதில் இன்னுமொரு காமெடி.. திரையில் பிட்டு சீன் ஓடும்போது வேண்டுமென்றே தங்களைக் குறும்புப் பார்வையுடன் பார்த்த பயபுள்ளைகளைக் கண்டு அந்த மாணவிகளே சற்று பயந்துதான் போனார்கள்.

காலையில் உட்லண்ட்ஸ் தியேட்டரில் முதலில் பார்த்த படம் 8 TIMES UP என்ற பிரெஞ்சுத் திரைப்படம். இளம் வயதிலேயே ஆரம்பக் காதலிலேயே கலவியினால் பிள்ளை பெற்று பின்பு வளர்ந்தவுடன் டைவர்ஸாகி தனியே வாழும் பரிதாபமான ஒரு பெண்ணின் கதை..

அதே நேரத்தில் உட்லண்ட்ஸ் சிம்பொனியில் VIRTUALLY A VIRGIN என்ற ஹங்கேரி நாட்டுத் திரைப்படம் போட்டிருந்தார்கள். அழுவாச்சிக் காவியத்தைக் காண விரும்பாதவர்கள் பட்டென்று இருட்டிலேயே தடவித் தடவி எழுந்தோடி சிம்பொனிக்குள் நுழைந்து இன்ப அதிர்ச்சியானார்கள்.

தலைப்பைப் போலவே படத்தில் சிற்சில காட்சிகள் இருந்ததைக் கண்டு அங்கிருந்தபடியே உட்லஸண்ட்ஸில் படம் பார்த்துக் கொண்டிருந்தவர்களுக்கு போன் அடித்து இங்க வாங்கடா என்று அழைத்த கொடுமையும் நடந்தது..

இந்தப் படமும் நல்ல படம்தான்.. வேறு வழியில்லாமல் விபச்சாரத் தொழிலில் இருக்கும் ஒரு பெண்ணைப் பற்றிய கதை.. நிச்சயம் பாராட்டுக்குரியது இத்திரைப்படத்தின் கதை.. ஒரு இடத்தில் ஹீரோ கேட்கிறான் “நீ விபச்சாரம் செய்கிறாயா..?” என்று.. அதற்கு அவள் சொல்லும் பதில் “என் உடலை மட்டும்தான்..”

இடையிடையே நமது மசாலா திரைப்படங்களைப் போல ஒரு ரவுடி வந்து இடைஞ்சல் செய்வதாகக் காட்டினாலும் அது படத்தோடு ஒட்டி வந்ததால் தவறில்லாமல்தான் இருந்தது.. இத்திரைப்படத்தைப் பற்றித் தனிப்பதிவாக எழுத வேண்டும்..

வெளியில் வந்து ஒரு காபியைக் குடித்துவிட்டு மீண்டும் உட்லண்ட்ஸுக்குள் நானும் ஜாக்கியும் தஞ்சமானோம். ஜாக்கியின் அதிதீவிர ரசிகை ஒருவரும் அங்கே வந்திருந்தார். அந்தப் படத்தின் பெயர் TWISTED ROOTS. பின்லாந்து நாட்டுப் படம்.

சாவை எதிர்நோக்கியுள்ள ஒரு நோயாளியின் குடும்பத்தில் அடுக்கடுக்காக வரும் சோதனைகளால் அக்குடும்பத்தினர் அத்தனை பேரும் சகல விதத்திலும் பாதிக்கப்படுகிறார்கள். கிட்டத்தட்ட நம்மூர் டெலிசீரியல் டைப்பில் திரைக்கதை இருந்தாலும், காட்சிகள் அவர்கள் பாணியிலேயே இருந்ததால் கண்களில் கண்ணீரோடு கடைசிவரையில் பார்க்க முடிந்தது.

பொதுவாகவே ஐரோப்பிய நாடுகளில் சிதறிவிட்ட குடும்ப உறவுகளைப் பற்றி அவர்களுக்கு மிகப் பெரும் கவலை. இதனாலேயே அத்தனை நாடுகளிலும் மக்கள் மகிழ்ச்சியோடு இல்லையோ என்கிற கவலை அந்தந்த அரசுகளுக்கும், முக்கியமாக கலைஞர்களுக்கு ஏற்பட்டிருக்கிறது.

ஒவ்வொரு திரைப்பட விழாவிலும் பார்க்கிறேன். ஐரோப்பிய திரைப்படங்களின் அடித்தளமே குடும்ப உறவுகளின சிதைவுகளைக் குற்றம் சொல்பவையாகவே இருக்கின்றன.. நிச்சயம் அங்கே ஒரு நல்ல மாற்றம் வரட்டும்..

நேற்றைய மதியச் சாப்பாடு ஸ்பான்சர் தம்பி ஜாக்கி.. புதுக்கல்லூரியின் நேரெதிரே இருக்கும் ஒரு பிரியாணி கடையில் மட்டன் பிரியாணி வாங்கிக் கொடுத்தான். அவனுக்கு எனது நன்றி.. நாளைக்கு யாரோ..?

மீண்டும் உட்லண்ட்ஸ் சிம்பொனிக்கு வந்தபோது இப்படியொரு ரஷ்ய படமா என்று ஆச்சரியப்பட வைத்துவிட்டார்கள்.

BLACK LAMB என்றொரு ரஷ்யத் திரைப்படம். தற்போதைய ரஷ்யாவின் அன்றாட அரசியல், சமூக வாழ்க்கையை அப்படியே நம் கண் முன்னே கொண்டு வந்து காட்டியிருக்கிறார்கள். பிளாக் காமெடி என்பார்களே அதற்கு இத்திரைப்படமும் ஒரு நல்ல உதாரணம்.. இதைப் பற்றியும் தனிப்பதிவு போட வேண்டும்..

மாலையில் துவக்க விழா நிகழ்ச்சிகள் இருந்ததால் உட்லண்ட்ஸில் அதற்கு மேல் காட்சிகள் இல்லை. கிடைத்த இடைவெளியில் காபி குடித்து, அ.ராசா ஊழல் விஷயமாக ரெய்டு என்று நானும் ஜாக்கியும், பட்டர்பிளை சூர்யாவும் கலந்துரையாடினோம்..

வெளியில் சுவரில் ஒட்டப்பட்டிருந்த ஒரு குறிப்பிட்ட போஸ்டரின் அருகில் நின்று புகைப்படம் எடுத்துக் கொள்வதில் வந்திருந்த பதிவர்களுக்குள் தள்ளுமுள்ளுவே நடந்தது.. கடைசியாக விடாப்பிடியாக போராடி அனைவருமே எடுத்துக் கொண்டார்கள். ஜாக்கியும், சூர்யாவும் இது பற்றிய புகைப்படங்களை இடுவார்கள் என்று எதிர்பார்க்கிறேன்.

மாலை நிகழ்ச்சி மிகக் கச்சிதமாக தீர்மானிக்கப்பட்டிருந்தாலும் நம்மூர் வழக்கப்படியே தாமதமாகத்தான் துவங்கியது.. மாதவனும், ரம்யாவும் நிகழ்ச்சியைத் தொகுத்து வழங்கினார்கள். இரண்டு பேர் பேசிய பின்பு குத்துவிளக்கேற்றிய நேரத்தில்தான் அரங்கத்திற்குள் நுழைந்தார் அமைச்சர் பரிதி இளம் வழுதி.

காலையில் வராத நட்சத்திரங்களெல்லாம் மாலையில் நடந்த துவக்க விழாவுக்கு ஆஜராகியிருந்தார்கள். சுஹாசினி, ரேவதி, ரோகிணி, உமா பத்மநாபன், லஷ்மி ராஜகோபால், ஷைலஜா, லிஸி பிரியதர்ஷன், பூர்ணிமா பாக்யராஜ்,  இயக்குநர்கள் ஷங்கர், பார்த்திபன், வசந்த், நாகா, மீரா கதிரவன், மனோபாலா, நடிகர்கள் சிவாஜி, சின்னி ஜெயந்த், மாதவன், ஜெயராம், விக்ரம், எஸ்.வி.சேகர் இவர்களுடன் தற்போதைய உள்ளம்கவர் கன்னிகள் ஓவியா, அஞ்சலி, மோனிஷா, அபர்ணா என்று பட்டியல் பெரியதாகத்தான் இருந்தது. ரசிகர்கள் பட்டாளம் ஆவலுடன் எதிர்பார்த்திருந்த தங்கத் தலைவி குஷ்பூ ஏனோ வரவில்லை. இத்தனைக்கும் ஆட்சி மன்றக் குழுவில் அவரும் ஒருவர்..

நிகழ்ச்சியை ஸ்பான்ஸர்ஷிப் என்ற முறையில் விஜய் டிவி ஒளிப்பதிவு செய்தாலும் பல்வேறு இணையத்தளங்கள், தனியார் சேனல்காரர்களும் ஆளாளுக்கு வந்து குவிந்து தங்களது ஸ்டேண்டை போட்டுவிட.. ஆடியன்ஸில் பாதிப் பேருக்கு மேடையை உற்று நோக்க சிரமமமாகிவிட்டது..

யாரோ ஒரு பொதுஜனம் எழுந்து நின்று கத்திய கத்தில் மேடையில் மாடலாடிக் கொண்டிருந்த மாதவனும், ரம்யாவும் பேச்சை நிறுத்திவிட்டு கேட்க வேண்டியதானது. அந்தப் பொதுஜனத்திற்கு எனது நன்றி. அதற்குப் பின்புதான் கடை விரித்திருந்த சேனல்காரர்கள் கடையைக் காலி செய்து விட்டு ஓரத்திற்குப் போய் குந்தினார்கள்.

இந்த எட்டாவது சென்னை உலகத் திரைப்பட விழாவின் துவக்கமாக குத்துவிளக்கை ஏற்றி வைத்த சாதனையாளர்கள் நடிகைகள் ஓவியா மற்றும் அஞ்சலி ஆகிய இருவர்தான் என்கிற மகா கொடுமையை இங்கே சொல்ல வேண்டிய கட்டாயம் உண்டு.. இதெல்லாம் மார்க்கெட்டிங்கிற்காம்..

ஏற்கெனவே ஒரு முறை மோனிஷா என்ற குழந்தை நட்சத்திரம் பிரான்ஸ் நாட்டுத் திரைப்பட விழாவைத் துவக்கி வைத்த சரித்திரமும் சென்னையில் நடந்துள்ளது.

மாதவன் ஆங்கிலத்தில் அள்ளிவிட.. அதையே ரம்யா தமிழில் மொழி பெயர்த்துச் சொல்லிக் கொண்டிருந்தார்.. வந்திருந்த வெளிநாட்டு விருந்தினர்களுக்குப் புரிய வேண்டும் என்பதற்காக மாதவனின் ஆங்கிலம் என்று தெரிகிறது..

நிகழ்ச்சியின் முடிவில்தான் போட்டிப் பிரிவில் இடம் பெறும் சிறந்த தமிழ்ப் படத்தைத் தேர்வு செய்யவிருக்கும் நடுவர்களான சிங்கீதம் சீனிவாசராவ் மற்றும் சாருஹாசனை மேடையேற்றி யார் கண்ணிலும் படாத இடத்தில் அமர வைத்து கொடுமைப்படுத்திவிட்டார்கள்.

மேடையில் பேசியவர்களிடம் முன்பே ரத்தினச் சுருக்கமாக பேசும்படி சொல்லியிருந்ததால் அனைவருமே நேரத்தைச் சுருக்கி பேசிவிட்டு அமர்ந்தது ரசிகர்களை பெரிதும் கவர்ந்தது.. விக்ரமிற்கும், இயக்குநர் ஷங்கருக்கும்தான் மிகப் பெரிய அளவுக்கு பாராட்டுதலும், வரவேற்பும் கூட்டத்தினரிடையே கிடைத்தது.

விழா முடிந்து அஞ்சலி வெளியேறியபோது பல வரிசைகளில் இருந்தும் மாணவர்கள் தாண்டிக் குதித்து பாப்பாவைப் பார்க்க ஓடியது கண்கொள்ளாக் காட்சியாக இருந்தது. ஓவியா இன்னொரு பக்கம் செல்ல.. அந்தப் பக்கமும் பாதிக் கூட்டம் தாவியது.. ஓடியது.. இவர்களிடமிருந்து பாப்பாக்களைக் காப்பாற்றியனுப்ப பெரும்பாடுபட்டுவிட்டார்கள்.

இந்தத் திரைப்பட விழாவின் லோகோவை டிஸைன் செய்தது இயக்குநர் கெளதம் மேனன் என்றார்கள். மிக அழகாக இருந்தது. இதனது டிரெயிலர் ஏனோ நேற்று வெளியிடப்படவில்லை. ஒருவேளை நாளை வருகிறதா என்று பார்ப்போம்..

துவக்க விழாவுக்குப் பின்பு திரையிட்ட படம் SOUL KITCHEN. முற்பாதியில் என்ன படம் இது என்று சற்றுச் சலிப்புத் தட்ட வைத்தாலும் பிற்பாதியில் பட்டையைக் கிளப்பிவிட்டது. இறுதியில் ஒட்டு மொத்தக் கூட்டமும் எழுந்து நின்று கை தட்டியது. அந்த அளவுக்கு உணர்ச்சியைத் தூண்டிவிட்டது இத்திரைப்படம்.. நிச்சயம் தனிப்பதிவாகத்தான் இதற்கு விமர்சனம் எழுத வேண்டும்.

காதலுக்காக ஒருவன் என்னவெல்லாம் செய்து அல்லல்படுகிறான் என்பதையும், முடிவில் அவனுக்கு நேரும் துன்பத்தைக்கூட மிக எளிதாக தாண்ட நினைக்கும் அவனது அந்த முடிவு சூப்பர்..

இயக்குநர்கள், இணை இயக்குநர்கள், உதவி இயக்குநர்கள், சினிமா துறையினர் என்பவர்களையும் தாண்டி பொதுவான சினிமா ரசிகர்கள் கூட்டமும் சேர்ந்து வந்திருந்தது.. சென்னையின் ஹை கிளாஸ் சொஸைட்டி பார்ட்டிகாரர்கள் தங்களது கூட்டத்தோடு வந்திருந்ததும் தனிச் சிறப்புதான்.

நான்கு திரையரங்குகளில் ஒரு நாளைக்கு 19 திரைப்படங்கள். வருகின்ற 23-ம் தேதிவரையிலும். நுழைவுக் கட்டணம் 500 ரூபாய் என்பது மிக மிகக் குறைவுதான். பார்க்க விரும்பும் அன்பர்கள் விரைந்து வருக..

தினம்தோறும் காலை முதல் காட்சி 10 மணிக்கு பிலிம் சேம்பர் தியேட்டரிலும், 10.15 மணிக்கு உட்லண்ட்ஸ், உட்லண்ட்ஸ் சிம்பொனி தியேட்டரிலும் துவங்குகிறது.. மதிய உணவுக்குத்தான் நமக்குத் தோதான நல்ல ஹோட்டல்கள் அருகில் இல்லை. இந்த ஒரு குறையைத் தவிர மற்ற வசதிகள் நன்றாகவே உள்ளன.

இந்தத் திரைப்பட விழாவுக்கு வரப் போகும் வி.ஐ.பி.கள் பற்றி இத்தளத்தில் விரிவாக குறிப்பிட்டுள்ளார்கள். அவசியம் அங்கு சென்று படிக்கவும். 

 
தினம்தோறும் இது தொடர்பான செய்திகளைப் போடலாம் என்று நினைக்கிறேன்.. ஆனால் நேரம் வேண்டும். முருகனும் மனம் வைக்க வேண்டும்.. தொடர்ந்து திரைப்படங்களைப் பார்த்திருப்பதால் கண்கள் சொக்கியிருக்கும் இந்த நிலையிலும் இந்தப் பதிவைப் போடுகிறேன்..

நேரம் கிடைத்தால் அன்றாடம் பார்க்கவிருக்கும் திரைப்படங்களின் கதையை அன்றன்றைக்கு ரத்தினச் சுருக்கமாக எழுதுகிறேன்..

நன்றி..!

Tweet