தைப்பூசத் திருநாள் - என் அப்பன் முருகனுக்கு அரோகரா..!

20-01-2011

என் இனிய வலைத்தமிழ் மக்களே..!

இன்றைக்கு என் அப்பனுக்கு மிக விசேஷமான நாள். தைப்பூசத் திருவிழா.. அப்பனை தரிசிக்க விரதமிருந்து தன்னை வருத்தி, உடலை வருத்தி, இல்லா மனத்தோடு ஆலயம் தேடி பக்தர்கள் அலைகடலாய் ஓடி வரும் நாள்..!

வருடத்தில் ஓர் நாளென்றாலும் இந்த நாளுக்காகத் தவமிருப்பவர்கள் அவனது பக்தர்கள். இந்த நன்னாளில் தங்களது பக்தியை அவனிடம் காட்டி பரவசமடையும் பக்தர்களை அவனறிவான்..!

வருவோருக்கெல்லாம் இன்முகம் காட்டி நிமிட நேரம் அமைதியையும், நம்பிக்கையையும் ஊட்டி வழியனுப்பி வைக்கிறான் அந்த வேலாயுதன்..!

அப்பனின் அருளை வேண்டி நானும் அவனை நாடி நிற்கையில் எல்லாரும் எல்லா வளமும் பெற்று சீரும், சிறப்புடன் வாழ அவனிடம் இறைஞ்சுகிறேன்..

வேல் வேல் வெற்றிவேல்..!
வேல் வேல் வெற்றிவேல்..!
கந்தனுக்கு அரோகரா..!
வேலனுக்கு அரோகரா..!
வெற்றிவேல் முருகனுக்கு அரோகரா..!

Tweet