வலையுலகத் தோழர்களுக்கு ஒரு அறிவிப்பு..!

02-01-2011

என் இனிய வலைத்தமிழ் மக்களே..!

முதற்கண் வலையுலகப் பதிவர்கள் மற்றும் வாசகர்கள் அனைவருக்கும் எனது இனிய புத்தாண்டு நல்வாழ்த்துக்கள். இந்த ஆண்டு அவரவர் மனதில் நினைத்திருக்கும் தீர்மானங்களும், எண்ணங்களும் நிறைவேற என் அப்பன் முருகனைப் பிரார்த்தித்துக் கொள்கிறேன்.

இதுவரையிலும் முகமறியாத பட்சத்திலும் தொடர்ச்சியாக எனக்கு ஆதரவினையும், அன்பினையும் செலுத்தி வரும் வலையுலகத் தோழர்களுக்கு புது வருடம் துவங்கியிருக்கும் இந்த நேரத்தில் எனது நன்றிகளைக் காணிக்கையாக்குகிறேன்.

வருடத்தின் முதல் நாளான ஜனவரி 1 அன்று வலைப்பக்கமே வரக் கூடாது என்று கங்கணம் கட்டியிருந்தேன். இந்த ஒரு தீர்மானத்தை மிகச் சரியாக நிறைவேற்ற ஆசியும், அருளும் வழங்கிய என் அப்பனுக்கு நன்றி.

இந்த ஆண்டு நான் செய்ய நினைத்திருக்கும் செயல்களில் முதலாவதை இன்றிலிருந்தே துவக்குகிறேன்.

இதுவரையில் எனது பெயருக்குப் பின்னால் அனுமார் வால் போல் நீண்டிருக்கும் பிளாக்கர் எண்களை உண்மைத் தமிழன்(15270788164745573644) இன்று முதல் துறக்க முடிவு செய்துள்ளேன்.

அந்த நம்பர்களை அடையாளமாகக் கொண்டு எனது பெயருக்குப் பின்னால் போட வேண்டிய துர்பாக்கியம் ஒரு காலத்தில் எனக்கு ஏற்பட்டது. அந்தக் கர்மத்தை மீண்டும் வருடத் துவக்கத்தில் நல்ல மூடில் இருக்கும் உங்களுக்குத் தெரிவித்து, காண்பித்து உங்களது தற்போதைய மகிழ்ச்சியான தருணங்களைக் கெடுக்க நான் விரும்பவில்லை.

ஏதோ ஒரு கருமாந்திரம் என்று நினைத்துக் கொள்ளுங்கள். போதும்.. அவ்வளவுதான். இப்போது அந்த நம்பர்கள் தேவையில்லை என்று நான் நினைக்கிறேன். எடுத்து விடப் போகிறேன். (மா.சிவக்குமாரும், பாலபாரதியும் சந்தோஷப்படுவார்கள் என்று நினைக்கிறேன்)

இனிமேல் நான் எங்கே பின்னூட்டமிட்டாலும் உண்மைத்தமிழன் என்ற பெயர் மட்டும்தான் இருக்கும். பின்னால் இருந்த எண்கள் இருக்காது. பதிவர்கள் இதனைக் கவனத்தில் கொள்ளுமாறு அன்போடு வேண்டிக் கொள்கிறேன்.

ஒருவேளை இந்தப் பெயரில் வரும் விமர்சனத்தில் உங்களுக்கு சந்தேகம் வந்ததெனில் உடனேயே எனது தொலைபேசியில் 9840998725 தொடர்பு கொண்டு கேட்கலாம். அல்லது tamilsaran2002@gmail.com என்ற முகவரிக்கும் தொடர்பு கொண்டு கேட்கலாம்..

இரண்டும் முடியாமல் உங்களுக்குச் சந்தேகமே மேலானதாக இருந்தால், தயவு செய்து அந்தப் பின்னூட்டத்தைத் தயவு தாட்சண்யமில்லாமல் நீக்கி விடுங்கள்.

எனது பெயரில் அனானி மற்றும் அதர் ஆஃஷனை பயன்படுத்தி யாராவது பின்னூட்டங்களைப் போட்டால் அதற்கு நான் எந்தவிதத்திலும் பொறுப்பில்லை என்பதை மிகத் தெளிவாக உங்களிடம் கூற விரும்புகிறேன்.

இதை அழுத்தமாகச் சொல்வதற்கு காரணம் என்னவெனில் நான் ஏற்கெனவே எழுதிய இந்தப் பதிவில் சொல்லியிருந்ததைப் போல பதிவர் சண்முககுமார், உண்மைதமிழன் என்னும் பதிவினை உருவாக்கி வைத்திருக்கிறார். அதில் என்னையும் கேபிள் சங்கரையும், உஜிலா தேவியையும் இணைத்து வைத்திருக்கிறார். தொடர்ச்சியாக எங்களுக்குப் பின்னூட்டமும் போட்டு வருகிறார். இவருடைய உண்மையான நோக்கம் என்ன என்று எனக்குத் தெரியவில்லை.

சென்ற பதிவில் நான் எழுதியபோதே பல பதிவர்கள் எனக்கு அறிவுரை சொன்னார்கள். “நீங்கள்தான் அளவுக்கு அதிகமாக சீன் போடுகிறீர்கள்..” என்றார்கள். அவர்களையெல்லாம் இந்தப் பதிவுக்குப் போய் பார்த்துவிட்டு வரும்படி அன்போடு கேட்டுக் கொள்கிறேன். அவர் தெரியாமல்தான் உருவாக்கியிருக்கிறார் என்றெல்லாம் எனக்குப் பதிலளித்த பதிவர்களிடம் மீண்டும் ஒரு முறை சொல்லிக் கொள்கிறேன். அவர் தெரிந்துதான் செய்திருக்கிறார். இப்போதும் செய்து வருகிறார். மேற்கொண்டு நடப்பவைகளுக்கு நான் பொறுப்பில்லை.

உண்மைத்தமிழன் என்னும் பெயருக்கு நான் ராயல்டியோ, கியாரண்டியோ இல்லை என்கிற உங்களது கருத்தை தலை குனிந்து நான் ஏற்றுக் கொள்கிறேன். இது பற்றி கண்டு கொள்ளாமல் செல்வதே நல்லது என்ற முடிவுக்கு வந்திருக்கிறேன்.. அது இன்னொரு உண்மைத்தமிழன் என்று நினைத்துக் கொள்ளுங்கள். அவ்வளவுதான் என்னால் சொல்ல முடியும்..

இனிமேலும் இந்த மாதிரி சில்லுண்டி வேலைகளுக்கு எனது பொன்னான நேரத்தைச் செலவழிக்க நான் தயாராக இல்லை.. இந்த வருடம் மெய்யாலுமே செய்ய வேண்டிய வேலைகள் எனக்கு நிறைய இருக்கின்றன. வலையுலகப் பணிகளைவிட சொந்தப் பணிகளுக்கு அதிக முக்கியத்துவம் தரப் போகிறேன்.

பதிவர்களுக்கும், வாசகர்களுக்கும் மீண்டும் ஒரு முறை எனது புத்தாண்டு நல்வாழ்த்துக்களைத் தெரிவித்து தற்போதைக்கு விடைபெறுகிறேன்.

நன்றி

வணக்கம்.