சாமி கல்லா..? மனம் கல்லா..?

21-11-2010

என் இனிய வலைத்தமிழ் மக்களே..!

பக்கெட் கவிதை

 

நான்கு ராஜகோபுரங்கள்..!
நுழைந்தவுடனேயே
அனுமாரின் சேவை..!
நடுநாயகமாக
விநாயகனின் எதிர்சேவை..!
சுவரைச் சுற்றிலும்
அவதார விநாயகர்கள்..!
பக்கத்தில்
வரதராஜப் பெருமாள்..!
இன்னும் அருகில்
காசி விஸ்வநாதர்..!
இவரையும் தாண்டினால்
காசி விசாலாட்சி..!
சற்றுத் தள்ளி தனி ஆலயத்தில்
மனைவி, துணைவியுடன் முருகன்..!
தொட்டுக் கொள்ள
படவுருவில் ஐயப்பன்..!
நாசகார நவக்கிரகங்கள்
ஆளுக்கொரு பக்கமாக
முகம் காட்டி நிற்கிறார்கள்..!
இத்தனை பேரும் இருந்தாலும்
சன்னதியில் கை கூப்பியவுடன்
வாசலில் கழட்டிப் போட்ட
செருப்பு இருக்குமா என்றே
யோசிக்கிறது மனம்..!
சாமி கல்லா..?
மனம் கல்லா..?