கணவராகவே இருந்தாலும் இப்படி செய்யலாமா..?

07-04-2009

என் இனிய வலைத்தமிழ் மக்களே..!

எது ஆபாசம்? எது ஆபாசமில்லை? என்கிற குழப்பம் நமக்குள் இருப்பதைப் போலவே, எது தனி மனித சுதந்திரம்? எது அந்த வகை சுதந்திரமில்லை என்பதும் சற்று குழப்பமாகவேதான் ullathu.

அந்த வகையில் சமீபத்தில் ஒரு நிகழ்வு மும்பையில் நடந்துள்ளது. ஹிந்தி திரைப்படவுலகின் முன்னணி நடிகர் akshay kumar லக்மே நிறுவனம் நடத்திய ஒரு பேஷன் ஷோவில் தனது மனைவியும், நடிகையுமான டிவிங்கிள்கண்ணாவுடன் கலந்து கொண்டார்.

அந்த ஷோவில் மாடல்களுடன் இணைந்து மேடையில் நடந்து காட்டி கைதட்டலை அள்ளிக் கொண்ட, akshay kumar -க்கு இன்னும் கொஞ்சம் கைதட்டலை குவிக்கவேண்டும் என்று திடீரென்று ஒரு விபரீத ஆசை முளைத்துள்ளது.

மேடையைவிட்டு கீழே இறங்கியவர் நேராக தனது மனைவியிடம் சென்று தனது பேண்ட்டை அவிழ்த்துவிடும்படி சொன்னார். அவரது மனைவியும் கணவன் சொல்லே மந்திரம் என்பதைப் போல கர்மசிரத்தையாக அந்தப் பணியைச் செய்துவிட்டார்.




பேண்ட் பட்டனையும், ஜிப்பையும் மனைவி அவிழ்த்துவிட அதை பெரும் சாதனையாக அனைவரிடமும் காட்டிவிட்டு, அடுத்த §ஷ¡வுக்காக உடை மாற்ற உள்ளே சென்றுள்ளார் akshay kumar.

கூடியிருந்தவர்கள் என்னவிதமாக இதனை எடுத்துக் கொண்டார்கள் என்று தெரியவில்லை. ஆனால் புகைப்படமாக இந்தக் காவியச் செயலைக் கண்ணுற்ற மும்பைவாசிகள் பலரும் பேஸ்த்து அடித்தாற்போல் ஆகிவிட்டார்கள்.

அவர்களில் ஒருவரான அனில் நாயர் என்பவர் மும்பை காவல்துறையில் இது பற்றி புகார் கொடுத்துவிட்டார். பொதுவிடத்தில் அக்ஷய்குமார் கண்ணியக்குறைவாக நடந்து கொண்டதாக அந்தப் புகாரில் அவர் குறிப்பிட்டுள்ளார். வழக்கைப் பதிந்து கொண்ட போலீஸார், இது பற்றி விசாரித்து வருவதாகவும், “அவரது மனைவியே இதனைச் செய்ததாக எங்களுக்குத் தெரிந்தால்(இதுக்கு மேல என்ன ஆதாரம் வேணுமாம்..?) நாங்கள் நிச்சயம் கடுமையாக நடவடிக்கை எடுப்போம்..” என்று சூளுரைத்துள்ளார்கள்.

பிரச்சினை பெரிதானதும் akshay kumar ஏதோ ஒரு வேகத்தில் தான் நடந்து கொண்டதாகவும், இதற்காக பொதுமக்களிடம் மன்னிப்பு கேட்பதாகவும் சொல்லியுள்ளார்.

ஒரு உணர்ச்சி வேகத்தில் செய்திருப்பதாக akshay kumar இப்படி நடந்து கொண்டதாகச் சொன்னாலும், அவரது மனைவிக்கு எங்கே புத்தி போனது என்று தெரியவில்லை. இத்தனை பேர் சுற்றியிருக்கிறார்களே என்ற உணர்வு அவருக்காவது இருந்திருக்க வேண்டும்.. அவரும் இதற்கு உடந்தையாகிவிட்ட நிலையில், இது என்ன வகையான சுதந்திரம் என்று தெரியவில்லை. இத்தனைக்கும் இந்த தம்பதிகளுக்கு 7 வயதில் ஒரு பையன் உண்டு. கொஞ்சமாவது பொறுப்பு வேண்டாமா..?


அவர்கள் வீட்டிற்குள் எப்படி வேண்டுமானாலும் இருந்து கொள்ளலாம்.. யார் கேட்டது..? இப்படி நான்கு பேர் கூடியிருக்கும் பொதுவான இடத்தில் பிரபலங்கள் வெற்று பரபரப்புக்காக நடந்து கொள்வது மும்பையில்தான் அதிகமாக நடந்து வருகிறது. மும்பை நகரமே மாறி வரும் பொருளாதார நுகர்வுச் சுழலில், ஒரு உலகக் கலாச்சாரத்தைக் கொண்டிருக்கும் தனி நகரமாக மாறிவருகிறது.

பாலிவுட்டின் நாயகர்கள்தான் இப்போதெல்லாம் இந்த நவநாகரிக கலாச்சாரத்தின் தூதுவர்களாக தங்களைக் காட்டிக் கொள்கிறார்கள். ஒரு பத்து அல்லது பன்னிரெண்டு ஆண்டுகளுக்கு முன்பாக ஹிந்தி திரைப்பட இயக்குநர் மகேஷ்பட்டின் மகள் நடிகை பூஜாபட், ஒரு சினிமா துவக்க விழாவில் தனது தந்தையின் மடியில் உட்கார்ந்து அவரது உதட்டோடு உதடு வைத்து முத்தம் கொடுத்து ஒரு கலாச்சாரப் புரட்சியையே ஏற்படுத்தினார். அது அப்போது பெரும் பரபரப்பை ஏற்படுத்தியிருந்தது. அப்போதும் ஒரு கண்டனம்.. அறிக்கைகள்.. மன்னிப்பு.. முடிந்தது.

இப்போதும் அதேதான் நடக்கும்..

தன் கலையுலக வாழ்க்கையில் இதுவரையில் பெரிய அளவுக்கு விருதுகள் எதையும் பெற்றிருக்காத akshay kumar சிறந்த காமெடியன், சிறந்த வில்லன் என்ற பெயரில்தான் விருதுகளைப் பெற்றுள்ளார். சிறந்த கதாநாயக நடிகருக்கான பெரிய விருதுகள் எதுவும் அவருக்கு இதுவரையில் கிடைத்ததில்லை. இனி இதற்காகவே அந்த விருதைக் கொடுத்துவிடலாம்.

அதேசமயம்.. Mr. Akshay Kumar, இந்தியத் திருநாட்டின் மரியாதைக்குரிய பத்மஸ்ரீ விருதைப் பெற்றவர் என்பதை இப்போதும் யாரும் மறந்துவிட வேண்டாம்.

ஜெய்ஹிந்த்..

டிஸ்கி : பிளாக்கரும் akshay kumar பெயரை தமிழில் எடுத்துக் கொள்ள மறுக்கிறது.. அதுக்கே பிடிக்கலை போலிருக்கு..!